واليوم نعيد عقارب الساعة إلى عام سبعين من القرن الماضي.. ولن نكتب حرفاً واحداً.. يكفي كثيراً أن نلتقي بالبديع الأنيق الدكتور عمر محمود خالد في رحاب جامعة الخرطوم الجميلة ومستحيلة.. لنلتقي عبر حروفه البديعة بسيدة.. التي غادرت الجامعة.. وغادرت معها قلوب.. ثم أدمت قلوب.. تحدث إنابة عن عمر محمود خالد . يا سيده لا يا سيده لا فايتانا وين مستعجله شرط امتحان ما انتي كملت الحلا لازم علوم ما بالسماحه مؤهله ما سمحه قاطعه مكمله ما ساحره نايره و مذهله فايتانا وين مستعجله الجامعه صبحت قاحله حزنت لياليها وصباحاتا وبتبكي اصائلا ما كنتي نواره ونسيمه و بلبله كنتي الضيا البرشح سناه يجملا كنتي الندى الحاضن زهورا مبللا فايتانا وين مستعجله فوتك منو العاد بقبلا كل القلوب تخضع تجيك متوسلا تتبع خطاك ترقص معاك تزرع دروبك و تشتلا فايتانا وين مستعجله السله تبكي مولوله ما الليله صبحت ارمله جفت دروبها وبهجتا وبنت العناكب مدخلها ما كان عشانك يا ملاك نحنا بنجيها وندخلها كنا بنصفق للجمال كنا بنصفق للحلا لكن يمين حالفين وراك لا نجيها يوم لا نواصلا حادين عليك يا مذهله فايتانا وين مستعجله القمرا لمن طولت روحنا ليها بنسألا القمرا لمن اختفت مشينا ليها نسألا قلنا ليها ليه يعني الغياب ساعه الظلام ايش طولا قالت خلاص بارضكم ما لي صلا انا اصلو بشتاق للعيون البطبيعه مكحله وانا كان عشان سيده بجي بطوي الديار و اجملا غلطات كتيره الكمبيوتر بعملا امكن نسا و امكن سها وجاط النمر باكملا ما قالو بعرف كل شي ليه ما عرف كل الحلا لو كان عرف كل النمر كان بدلا لو كان عرف كان النتائج بدلا و عشان عيونك يا قمر كان ختا اسمك اولا فايتانا وين مستعجله مالو العميد مالو العنيد مالو لو رفد المصحح و المعيد و خلا ست الناس تعيدüüو شال من نمرنا و كملا فايتانا وين مستعجلهüüالجامعه بعدك كوم رماد لا تنفع اداب لا اقتصادüüلا فيها طب لا صيدله يا السيده لا و يا السمحه لاüüفايتانا وين مستعجله
