وكلما قارب كأس العالم لنهايته قارب أبو الهل من النهاية لأن نهاية كأس العالم هي بداية نهاية مشوار أبو الهل الأفريقي فالمستوى الذي ظهر به الهلال في هذه الأيام ينذر بكارثة وفيتا في رمضان وبالنهار كمان بتفطر بتفطر والقضاء مستحيل ولا تقبل الكفارة في الإفطار عمداً تعادل مع الأهلي بشق الأنفس وفاز على النسور بأخطاء أبو شنب وما عندو حاجة سيرجيو ماسورة ستجبر الهلال على الإفطار بالكنغو وهزيمة البرازيل الثقيلة لن تدوم طويلاً أبو الهل حا ينسينا ليها حالة صعبة الارباب والكاردينال دقوا الصفايح ومرقوا الفضايح ردحوا في بعض جنس ردحي فتوا كلو البرنامج الانتخابي كلو حراسات وسجون أعوذ بالله ده فريق ولا كمبو يا الفعلتك ويا التركتك ويوم زرتك في حراسة شارع واحد والاوسط والشمالي والشرقي يا كاردينال ده متهم ولا حكمدار لافي الاقسام دي كلها وكردنة قال هو لما قبضوهوا كان صغير عمرو تسعة وعشرين سنة بس دار التوبة يا عمك نادي حقو يسموهوا دار التوبة حالة بطالة المهم اكتب ونتيجة الانتخابات الهلالية لسه ما مرقت بفرزوا فيها والبفوز كلو مكسب للمريخ لكن تزور ليك في ستة حراسات معناها انت زولو زولو ولا انقيدي ! ايها الناس سمعنا بانو أربعة من الأهلة الشرفاء بالحراسة برضو كسروا قزاز البص قالوا حتى الجماهير في الحراسة ؟؟ ده فريق شنو ده يا أخوانا ولكن تبقى حقيقة قرار البرير الراجل زي قرار أبو عاج الراجل ما بتكسر لا سيدا برجع للهلال ولا بتتفتح بارات تاني في البلد دي المهم أولادنا ماشين صاح داير الصبر مننا والمثابرة منهم ومسألة الصداره مسألة وكت ليس إلا وتعود القاطرة تجر من خلفها العربات أيها الناس أنا لو كنت مرشح لرئاسة الهلال كان انسحبت معقولة امسك فريق بدرن مع الاهلي و ماشي الكنغو ؟؟؟ غايتو لو فاز الارباب ناس روشا حايقولوا الهزائم النكراء بالكنغو سببها الارباب وهزائم الهلال بالكنغو مسألة وكت برضو لانو مستوى الهلال لا يؤهله لغير الهزائم النكراء حايجيبوا لينا الكلام ربك يستر المهم نادي المريخ يحتاج لتنظيم ووضع الرجل المناسب في المكان المناسب ضرورة ودحية ما فاضي للمنصب ده لذا وضع الرجل المناسب مكسب والرجال كثر ولكني اقترح صلاح حمزة وزير الرعاية الاجتماعية بالمريخ مديراً للنادي فهو رجل خدوم ويعرف الناس فرداً فرداً بل يقوم بدون مقابل بادوار اجتماعية كبيرة بالاضافة الى انه يتمتع بقبول واسع وسط المريخاب ورواد الدار مجرد اقتراح اما استمرار الوالي فكان العيد قبل العيد عيدنا يا عمك كنا حانعيد وااااااو لكن ربك ستر أها نجي لي شمارات والي الخرتوم كان شفت يا والينا البحصل في غزة ما سارينا لو سكتنا ممكن يحصل لينا ولو قطعنا دابر الظلم جد لينا لما الصمت يا والينا !!!! سلك كهربا ننساك كيف والناس مشغولة بكأس العالم وفلسطين مقهورة يا عالم والى لقاء سلك
