بعد ربطوا لجماهيرهم مكنة الشكوى وبعد رفعوا التقسيمة بحكاية التصعيد للفيفا وبعد عادوا لقصة الاحتجاج على البرمجة وبعد طلعوا بشمار تلاته محترفين من العيار الثقيل. زادوا المحلبية قالوا ستة محترفين من العيار الثقيل. لما جماهيريهم رحبت بالفكرة. قالوا تسعة محترفين من العيار الثقيل. ذكروني قصة الزول بتاع رمضان الزول القالوا لما اعلنوا جائزة للبشوف هلال رمضان. صنقع كدااااااا وقعد يكورك. يا هو داك يا هو داك. قالوا ادوهوا مية الف ريال. قال ليهم داك واحد تاني. ده حال كردنة مع الهلال. يقول تلاتة محترفين. الصفاقة يصفقوا. يقول ستة. الصفاقة يزغردوا. يقول تسعة التسعة من العيار الثقيل ديل. لازم يجنس ستة يعمل كلو اتنين في جنسية او تلاتة يديهم جنسية وتلاتة يديهم رقم وطني وناس مجدي ديل الما بعرفوا يقروا الارقام بالبرتغالي ديل بمشوا الرقم الوطني موش مجدي قبل كده مشى الحكم اليوغندي والحكم شايل التقرير والتقرير فيهو إنذار عمر بخيت وإنذار عمر بخيت بوقفو وإيقاف عمر بخيت بدي النقاط للخصم. موش يا هو مجدي زاتو !!! يبقي تلاتة يتسجلوا بالجنسية وتلاتة بالرقم الوطني وتلاتة محترفين وحقوا كردنة يجيب جماهير بنغالة بي مية دولار الدستة يشغلهم بالنهار جناينية وبالليل يشجعوا اصلو الأهلة الشرفاء قرروا الهلال ده لو ما اشترى الشعار من عصمت ولو ما مشي المطار تاني ما بشجعوهو وفرفور قالها بالواضح غير المريخ في البلد دي مافي زول ودانا المطار. والأهلة البخجلوا قالوها مستترة الواحد يقول ليك هي وينها الكورة؟ البلد دي فيها كورة؟؟ خليناها زاتها الكورة بقينا مع الدوري الاسباني. مالنا ومال وجع القلب. ديل هم الأهلة المخلصين. الخجلوا من الصفر. المادايرين يقيفوا مع امجاد جمب جاد. جيب ليك بنغالة يا كردنة المهم. الرياضيات رموز يعني في رمز لي أكبر من وأصغر من وفي جا وجتا وظا. ديل رموز جيب الزاوية وجيب تمام الزاوية وظل الزاوية. اليومين دي دخل رمز جديد رياضيات حديثة يا عمك فيها رمز الهلال. رمز الهلال في أي عدد يساوي صفر. يبقي رمز الهلال كم؟؟ واحد طالب. قالوا ليهو أضرب أربعة في خمسة وعشرين قال ليهم الأربعة في خمسة بي عشرين. نخت الهلال ونطلع بالاتنين. الأربعة في اتنين بي تمنية واتنين عشرة يبقي رمز الهلال في الرياضيات الحديثة كم يا حسيييييييييييييييين؟ أيها الناس إن تنصروا الله ينصركم أها نجي لي شمارات والي الخرتوم الحاصل شنو في الشركة العربية يا والينا ؟؟؟ الشمار جابوهو لينا. العمال بقولوا مواهينا مهينة وبقولوا الحوافز بالملايين للبديروا ويدوروا فينا. بدل اجتماع للواحد فيهم يا والينا بساوي مرتب ستة واربعين فينا سلك كهربا ننساك كيف ويشتغلوا كيف وقيمة الواحد فيهم اقل من قيمة الجدادة المسكينة وإلى اللقاء. سلك
