نرجع لموضوع اوكرا النظرة الثاقبة والتخطيط السليم ووضع هدف استراتيجي والتنسيق في تنفيذ الخطط والصبر على كل ذلك يؤدي الى نجاحات كبيرة برشلونة مثلاً صبر صبر ايوب على ميسي فكان إنتاج صبره وتخطيطه ان كسب لاعباً مهولاً قاده من انتصار الى انتصار ميسي ناس برشلونة ساقوهوا يجرجر في كرعينو الوقفة في تلتلة مصاب بداء عضال توكلوا على الواحد الاحد وسنين اخضعوهوا للعلاج لم يكلوا ولم يملوا كان مقتنعين بان لكل مجتهد نصيب انتهى العلاج وتأهل ميسي ونزل الملعب اي كورة يلمسها ميسي كانت تصفق لادارة فاهمة ذات نظرة فائقة الروعة المبدع كان في قصة ميسي الاسطورة الاداري الذي اوصى بتحمل نفقات علاج وتأهيل ميسي لم يكن ميسي هو المبدع برغم ابداعه قدر ذاك الاداري لذا ولذلك اوكرا صغير وموهوب نحنا عندنا فريق كرة وليس كارو حتى نجري وراء الحصان الذي يستطيع جر العربة اليوم لدينا فريق يبقى نعرف نؤهل اللاعب اول نزرع الصحة فيه لنجني ثمار تخطيطنا وصبرنا ايها الناس موضوع اوكرا ده اقعدوا ليهو فكروا كويس المريخ ما حايقفل بعد شهر المريخ باق ما بقيت الحياة فكروا تمااااااام المهم لجنة تسجيلات الهلال قالوا عندها مؤتمر صحفي برعاية كردنة وقالوا حا يفتوا فيهو الموضوع وتحت تحت سمعنا انهم دايرين يحجموا الناطقة وروشا يعني تاني تشكيلة ابو الهل ما حايكون فيها تدخلات صحفية وبمناسبة كردنة اعلن كردنة عن تفجير قنبلته يوم الخميس بالنيل الازرق فجرها يا كردنة جمب البحر قنبلتك دي عشان مباني التلفزيون براها ما ناقصة لو انفجر زول من الضحك في التلفزيون ستة حوائط من حيطانه بتدق الدلجة ولكن اخاف ان تكون قنبلة الكاردينال هي اعلان مريخيته وتاني نرجع للقصة بتاعت هيثم ستة يطلعوا الكشافة وسبعة يعتصموا في النادي ويقفلوا المسجد وتمنية يتدردقوا في شارع البلدية المهم التسجيلات ليس هدوم عيد كما اسلفنا بس تشتري عشان تقول جابوا لينا هدوم العيد وحاجات حلوات كتاااااااار التسجيلات رؤية وتخطيط واحتياج للاعب معين لوظيفة محددة شايف الاهلة فرحانين بكردنة خمه ليهم بالكونتينر وهم يقولوا جابوا لينا وجابوا لينا وجابوا لينا وجابوا لينا لعب وحاجات حلوااااات ما عارفين كم اتوبونج وكم عيد حب في الكيس ايها الناس إن تنصروا الله ينصركم اها نجي لي شمارات والي الخرتوم كان شفت يا والينا قالوا لينا وقالوا لينا وقالوا لينا ان الملابس البتدخل البلد دي غير مطابقة للمواصفات يا والينا وقالوا لينا قماش الجيش وقماش المدرسة اذا اتحرق بتقلب زفت يا والينا موش كفانا الزفت الفينا !!!! وقالوا لينا عمر الزبادي مددوهوا لينا وعمر المعلبات المن بره بتجينا والبسكويت يا والينا كلهم مدوهم لينا لكن الرأي عندي يا والينا زيادة عمر المواد الاستهلاكية بقلل العمر الفضل لينا ولا ما كده يا والينا !!!! سلك كهربا ننساك كيف والزبادي في البلد دي بقى طويل العمر .. طال عمرج بالفواكه وطال عمرج بدون فواكه. والى لقاء سلك
