ما رأيكم في استراحة لمدة يومين مع كلمة وزير الثقافة في عهد مايو الأستاذ عمر الحاج موسى «طبعاً نسيت رتبته العسكرية متعمداً» إذ غلب عليه الأدب وجزالة اللغة وامتاز بأسلوب فريد. الكلمة أدناه كانت بمناسبة افتتاح تلفزيون الجزيرة 1972م. وكانت وقتها حديث المجتمع وتبارى الناس في حفظها والاقتباس منها ومجاراتها. إلى الجزء الأول من نص كلمة وزير الثقافة: الإخوة الزملاء... السيدات والسادة... من مدني حسناء الجزيرة وغادتها أحييكم، من مدني السُّنِّي الراقدة على شاطئ النيل الأزرق مستحمة من مائه... مستجمة على رماله... مستدفئة بحبابه... مستكنة في رحابه... متوسدة تربه وترابه... حرفه وجرفه... منها... من مدني أحييكم ويحييكم معي المشاهدون لحفلنا الحافل الحفيل هذا ... إخوانكم وبناتكم وعمّاتكم وبنات عمّاتكم أراهم هناك صامتين مطرقين حامدين شاكرين... هناك بدءاً بحنتوب التي تجلس بجانب مدني كالهمزة على سطرها وصدرها... جنوباً إلى سنار فكوستي... ثم شمالاً لتحتضن المنطقة الرابضة بين ذراعي النيل الخالد... أبيضه وأزرقه... هي الجزيرة... هي المنطقة التي كان وسيظل لها دور الريادة والزيادة. أنجَبتْ وما بَرحَتْ... أعطَتْ وما انفَكَّتْ... جَادتْ ومافَتِئتْ. أنجبت وما برحت السُّراي أهل التُّقَّابة والمسيد... محمد ودمدني... دشين قاضي العدالة... الشيخ الجنيد... الشيخ أبو وداعة... الشيخ الضرير... الشيخ حلاوي... الشيخ عمر ... الشيخ أبو قرون... الشيخ أبو شيبة... الجمري... بطران ... شُمُّو... القدال... عبد الباقي... عوض السيد... عوض الجِيد... عوج الدرب... المسَلَّمي... الكِشِّيف... المشمر... تمساح التُّرُك... ودعيسى... ود كنَّان... ود مضوي... ود نفيع... ود الترابي... ود الشافعي... ود بُساطي... ود ضيف الله... ود عويضة... ود خمجان... ود نور الدايم ... ود التِّكِينة... فرح ود تكتوك... دفع الله ود أب إدريس... عبد الله ود أم مريوم... برير ود الحسين... هجو ود البتول ... قرشي ود الزين... المسَلَّمي ود أب ونيسة... الشاذلية ... السمانية... القادرية... الهندية... الأنصار... شيوخ الدباسين... اليعقوباب... الحسانية... الركابية... الحلاوين ... العركيين... المسلمية... والأعتذار لمن فاتني ذكرهم فهو العالِم بعدتهم. أعطت وما انفكت الشعراء والأدباء... الهادي أحمد يوسف ... أبو عركي ... ثنائي الجزيرة... الكاشف... أحمد الطيب ... حسين الزهراء... المَسَّاح... محجوب عثمان... الخير عثمان... محمد الأمين... عوض الجاك... البنَّا... أحمد يوسف نعمة... البوشي...أحمد طه الفكي... أحمد علي طه ... جقود... إبراهيم عمر الأمين... رمضان زائد... رمضان حسن... حِمِّيدة أبو عُشر... عمر محمد سمباي... توفيق البكري... عمران... الطيب بابكر...عشامة... محمد مسكين ... محمد الأمين القرشي... حسن عبد اللطيف... محمد عثمان عبد الرحيم... حامد العربي... إبراهيم مدني... بابكر صديق... بابكر بدري... أحمد سالم... عبد الحليم علي طه والشريفة بت بلال. ومن شعراء النومسوه: أبو كساوي... ود تميم... القلَّع... ود عبد الملك... الشيخ حياتي وود سعد. غداً بإذن الله نكمل الكلمة.