#جاء في الأخبار أن دكتور فيزياء بكاليفورنيا حررت له مخالفة مرورية فقام سيادته بكتابة (4) صفحات شرح من خلالها أن زاوية رؤية الشرطي له مستحيلة وتنافي قوانين الفيزياء، حيث أقنع القاضي وكسب القضية. لو أي زول بستخدم دراستو بالطريقة دي، ما كان في كهرباء بتقطع. # في اليابان يوجد نوع من المشردين يطلق عليهم اسم (مشردو السايبر) حيث يعيش هؤلاء المشردون في مقاهي الإنترنت، كون تأجير جهاز في أحد هذه المقاهي أرخص من تأجير شقة، هذه المقاهي أصبحت توفر أماكن للاستحمام وتبيع الطعام وتضع مقاعد مريحة ومناسبة للنوم في إطار التعاون مع الفقراء. سمعتوا؟! #لما أجي أعمل حاجة بأخد رأي الناس كلهم، بس في النهاية بعمل الفي رأسي.. نظام شنو ما عارفة.. #(90%)من البنات نفسهم يعرفو وين كان عقلهم، لما كانوا ببكوا وهم صغار عشان يساعدوا أمهم في المطبخ. #الناس لما يكونوا معصبين بقولوا كلام جارح جداً، بينما حبوبة جيرانا لما تعصب أنا لا أستطيع التوقف عن الضحك.. بتقول كلام مبالغة ياخ. والله جد.. نفسي أعرف اللغة البتكلم بيها أنا لما أكون معصبة، دي ياتو لغة.. خارم بارم #في ناس لما يمشوا يعتذروا لزول، بعملوا مشكلة جديدة.. والله جد.. #لما تجبرك الظروف إنك تتصور مع زول ما بتطيقو، حاول بقدر الإمكان تخلي فاصل بيناتكم، عشان بعدين لما تقص الصورة كتفو ما يظهر معاك.. #قيل إن الحرب الباردة، هي ابتسامة امرأة لامرأة ترتدي نفس فستانها. #من أهم الأعمال الخيرية التي كان يقوم بها الأطفال زمان، كان الواحد لما يشوفو زميلو زعلان علي درجاتو في ورقة امتحان الرياضيات، بجي يوري دراجاتو عشان يقول الحمد لله ثمة من هو (أطين) مني. #في ناس لو ما عندهم أخوان صغار، كان ماتوا من العطش.. حياتهم كلها عبارة عن مراسيل.. جيب لي موية جيب لي موية. #قال أحدهم: من يوم سميتو إجازة آخر الأسبوع (ويكند) بقت تخلص بسرعة، أي شي بالإنجليزي ما فيهو بركة. أتفرجتوا؟! #زمان في أستاذ بقول ليك أمشي للمدير قول ليهو أنا ضحكت في الحصة.. هسه دا كلام؟! # كان الناس يرسلون من طبيخهم إلى الجيران، هسه والله بقوا يرسلوا صور الطبخات. #و...... جميل جداً لكن غدار
