الحملة التَّوِحْ قدلة ودلال ونباهة فوق الموناليزا وعبلة ما خساها دي الصرعت فؤاد مليون وباسم فاهه راسية المشية مخروت بالطبيعة حشاها ناعمة الحاكى منديل الحرير إيديها سمحة قدلة منطق وقول وفن وبديهة ها الوزة التعوم عوم فوق رضا والديها لسع من ضياك يا الفي علاك اديها الفزع الخلا وخت نص طرحتو وقاية من اسة سالوا جرورة المي سقاية يا الجدي المقسم يحفظك مولايا في فد ضحوة في حواشتو سالو انقاية الجمرو اندفق في الجوف محمر وقلب الدهب المدسدس في بيوت ودولب الماس المن أماتوا الكبار اتعلب الضي الطرد قمرة سمانا وعلب ولاموني الحداي قالولي جسمك ناحل أخدر نمك اسي خبارو قبل قاحل الطرف القبيل مليان سعادة وكاحل أسع ندَّ دمعو وسقى رمل الساحل وبشتن حالي ها الشبع كبدتي تهرِّد البردني بالشوق والفجيعة تبرد بوشك كرب القلب الهواكا وزرد بركز ليكا يا الدود المرقتو تحرد يادود الخلا البغلب عدوهو ويقاوي يا سم أبدرق ساعة الدرك بتلاوي لهفة جرحي للعافية التملي تداوي ما ظنيتا للشوق المكني تساوي أختك يا أبضراع ما بتنقلع مهشوشة هولا السمته حقته في الضيوف الهوشة ما قامت مبهدلة خلقته ومنكوشة بركز ليكا يا دابي الوغى وسيد حوشا بدور البلمس اوجاعي وبكاتل حزني ومن دمعاً دفق شلال دخل انقذني بدور البفتخر بيا بتقل وزني ما رتب أمور غيري ونساني نكزني وماني التندلة القالولا عره وخملة لاني البنكسر لي خوف بفضي وبملا بكرم ضيف أبوي من داب شراية وحمله ما بزحزح كرامتي الشوقي ولا قيد نملة وماني البنكفت منك واصد لا غادي لأني البي الكضب والغش بخاوي وأعادي حتى إن كان أبيت قربي ونويت إبعادي بركز ليك يا الجدري البكج ويعادي قلبي الليلة مستنكر صدودك وشاجب وعيني حاله للعدو والصديق ما عاجب الخلاني ساكت ساكتة من الواجب إنو العين جزم ما بتعلى فوق الحاجب الخلاني للنم والقوافي ملاذه كونو هواهو ختَّ حروفي في بروازة أسداً إن ظهر أندادو ياخدو إجازة في الروح ريدو ما بموت إن بقيتا جنازة الوجع العلي كان صاب بحر كان جفَّ وهن وزنو مع الكون جت بعدل الكفة قل ضلوعي فجأة وبي سُرُعة الكفَّ نشل هادا القلب قبال يقبل كفَّ وأنا الوجع العلي كان صد قبَّل غادي كان بلع الشمش ما دنقرت لي وادي كان شرط القمر نصين وودع عادي كان صاب جن تلاقيو بستجير وينادي
