& أيام مباركات نعيشها. & أيام نجرى فيها خلف ثواب وغفران وأكتساب محبة. & أيام نتمنى ان تعود علينا ونحن نستمتع بأحرام وبعضنا الباخرة لسه شاراهو. & وبعض ثالث لسه بلقط فى القروش. & لكن ضامن. & لو ما مشى الحج ما ببدا. & ناس الطيارة الخاصة. & البتقوم مع قولة تيت. & وبترجع قبل الغبش ما يتحللوا من الأحرام. & وكان ما أخاف الكضب. & لو لقوا طريقة يمشوا قبل بدأ الشعائر بدقيقة. & ويطقطقوا الشعائر بسرعة. & حج فاخر. & ويرجعوا يضبحوا فى غابات الأسمنت التى من الله بها عليهم. & الصالحين الذين ورثوا الأرض. & كل الأرض. & ما فرزوا نواصى من فاتحات على ميادين من تانى ناصية. & ما عرفوا خطة أسكانية من أستثمار من شراء أستحقاق من أستبدال. & كلو عندهم واحد. * أيام نجعل فيها كل الدنيا تقتنع بأن حصاد الآخرة هو مكسب الأنسان. & وان البيوت هى بيوت الآخرة. & المهم. & أيام نغمة باع فيها محببة. & والغندولى الحنفولى هو البشغل نغمة باع فى بيتو. & فى ناس بشغلوا نغمتين باع. & وناس تلاتة نغمات. & وناس(سايلنت)هى النغمة المفضلة لديهم فى هذه الأيام. & وفى ناس بشغلوها هزاز. & ديل نوع الناس البجيبوا خروف لسة بسنن. & باع ما بعرف يقولها. & الليل كلو يبحت فى البيت. & تسمع الطشت انقلب. & الكيس بكركب. & وأذا قطع الحبل. & تسمع صوت كريعاتو فى البيت. & يحوم الليل كلو. & الجيران بينزعجوا بالهزاز ده. & ما بكونوا عارفين ده شنو البكركب ده. & خروف. & كديس. & جقر. & اليومين دى الجقر بضحى. & قدر الحمل. & والله يخت لحمة خروف ما يختها. & المهم. & باع ايامها لسة. & لكن الغريبة من أمس. & باع كترت. & البلد كلها تبعبع. & بااااااااااااااااااااااااااااااااع. & بووووووووووووووووع. & بيييييييييييييييييييع. & باااااااااااااااااااااااااااااااع. & نغمة أشتغلت قبل يومها بى شوية. & أستغفر الله العظيم. & روشا. & فى حلتكم سمعت . & بااااااااااااااااااااااااااااااااااااع. & ولا سمعت. & بيييييييييييييييييييييع. & حسب الخروف بتتغير النغمة. & خرفان الغرب بتقول بااااااااااااااااع. & وخرفان الوسط بتقول بيييييييع. & وما بين باع وبيع بيعة تتم وبيعة تضيع. & روشا. & فى خرفان كبار بقولو بااااااااااااااع. & أنا متأكد عندك واحد فيهم. & أها. & أيها الناس. & ناس روشا لسة قفانا. & قفانا البى قفانا. & وحايظلوا كدة. & لأنو الروليت قرر ان يكون منطقياً. & أيها الناس. & مجدى قدم نفسه للوسط الرياضى كسكرتير لأم دوم. & تقدم مجدى وتراجع فريق ام دوم. & مجدى فى الأتحاد الأفريقى. & أين امدوم؟؟؟ & سلالم كتيرة فى بلادى يصعد بها الناس وينسوها خلفهم. & تئن من وقع الخطوات الناكرة عليها. & المهم. & علينا ان نراجع ما قاله كروجر عن مباراة الخرطوم. & حتى لا نتفلت تانى ونبوظ أعصاب لاعب من ناسنا. & نخلى للمدرب الخبز. & عشان ناكل كاس فاخر. & وبصراحة بعض الصافرات أدت لفقدان محمدموسى للتركيز فى بعض الأحايين. & مجرد ملاحظة. & أيها الناس. & كلنا خلف الفريق. & فى اى زمان وفى اى مكان. & كدة البطولة ضمان. & ونكسب مشجع جديد. & أرباب يا مان. & أها. * نجى لى شمارات والى الخرتوم & والينا & الضحية واجبة علينا؟؟؟؟ & أفتينا. & وهل يجوز للفرد منا أن يؤجر خروف يضحى بيهو ويرجعوا ولا ما بجوز؟؟؟؟ & وأذا بجوز. & كون الخروف يبيت فى بيت المستأجر للخروف عليهو رسوم ولا لأ؟ سلك كهربا && ننساك كيف وخروف الأيجار حركة ساى للجار ويقول بااااااااااااااع. والللللللللللللللى لقاء سلللللللللللللللللللك فى السلك - بابكر سلك
