* أيها الناس. * ما سمعناه من تبرير حول تأجيل مباراة الكاملين ونقلها لمدنى شئ مضحك جداً. * يقول الأتحاد العام حسبما سمعنا أن السبب هو خطاب من شرطة ولاية الجزيرة. * قالوا ناس شرطة ولاية الجزيرة قالوا ما بقدروا يغطوا الكورة فى الكاملين عشان امتحان الشهادة. * قالوا الشرطة شغالة فى إمتحان الشهادة عشان كده ما عندها قوة لتغطية المباراة. * يا ناس. * يعنى لو فى مظاهرات أيام الأمتحانات أو إحتجاجات شعبية. * الشرطة ما بتجى تقمع المحتجين والمتظاهرين وإلزامهم أدبهم ألا بعد نهاية إمتحان الشهادة. * أو الشرطة تخلى الأمتحانات. * الأمتحانات تطير. * وتجى للشغل الأهم وهو وأد التظاهرات فى مهدها. * يا ناس. * تغطية شنو؟؟ * هى مباراة بدون جمهور التغطية لى شنو!!! * غايتو الحكاية دى زى الزول الفى عزالصيف خاتى البطانية جنبو. * يتغطى لى شنو فى صيف ينشف الريق!!! * ده مبرر واهى جداً ومخجل ويمس بمكانة الشرطة. * ولكن السؤال. * هل للرتب الشرطية التى تملأ مجلس الهلال تأثير على قرار شرطة ولاية الجزيرة؟؟؟؟ * إذا كانت الأجابة بنعم. * فسلام لك من رب رحيم. * وإن كانت الأجابة بلا. * برضو سلام لك من رب رحيم. * شرطة ولاية كاملة بحجم ولاية الجزيرة لا تستطيع تغطية مباراة فى كرة القدم والأشراف على أمن وإستقرار إمتحان الشهادة فى نفس الوقت؟؟؟؟ * عددهم كم وعرباتهم كم وقوتهم كم الما بقدروا يغطوا كورة وإمتحان فى نفس اليوم؟ * مع العلم بأن الأمتحان الصباح. * والكورة بالعصر. * الضيق وين!!!! * المهم. * يتحدث محمد عبد الماجد مستنكراً بيان المريخ. * ويقول محمد عبدالماجد أن المريخ يجب عليه أن لايتحدث عن مخالفة القانون. * يا حمادة. * دكاكينكم مخالفة للقانون. * قانون أيه اللى أنت جاى تقول عليه. * بانين ليكم خرطمية دكان فى الشارع العام فى مخالفة واضحة للقانون والهندسة والزوق. * وجاى تتكلم عن القانون. * قال لوزان قال. * خلينا من لوزان يا أبوحميد. * الحيمودى إنضرب ولا لأ؟؟؟ * والضربو منو؟؟؟ * هو ولا لأ؟؟؟ * قانون كهيه يا حبيب. * وفى الفيس اليومين دى بكرى المدينة مشرف. * فى مخالفة بتاعت مرور مع شرطى المرور. * فى السواقة برضو أشتر زى الكورة؟؟؟ * طيب كان يسوق أيام إمتحانات الشهادة عشان الشرطة ما بتقدر تغطى مخالفات المرور لإنشغالها بالأمتحانات. * أيها الناس. * أمس. * فى الشوط الثانى. * وفى مخالفة واضحة من كوليبالى الذى أعتدى بالشلوت على لاعب الأمل الساقط أرضاً. * كانت العدالة غائبة لأنها مشغولة بالأمتحانات. * ويخطئ الحكم ولا يظلم. * قانون أيه يا أبوحميد. * أيها الناس. * رز المجموعات لا مستوى له. * وما يجده من حماية إدارية وعدم تغطية شرطية للأنشغال بالأمتحانات وأخطاء تحكيمية تقع على الغير ولا تظلم. * لن يجده فى المجموعات. * فحكام المجموعات لا يأكلون الكبدة و يحلقون بنمرة أتنين ويسكتون عن هدف دون مبرر. * عشان العين بتكون عليهم. * ولذا سنشاهد كوميديا فى المجموعات تضحك الزول العندو بكى. * وهل هناك كوميديا أكثر مما شهدناه من خليفة بالأمس. * خليفة يجلى الكورة. * الشلوت يقع فى لاعب الأمل. * لاعب الأمل يقع. * الحكم يخطئ ويحتسب المخالفة لصالح خليفة ولكنه لا يظلم لاعب الأمل. * ده طبعاً دائماً هو تبرير صلاح احمد محمد صالح. * الكلام ده فى الشوط الثانى. * قانون كهيه يا أبوحميد. * عشان كده رز المجموعات المدعوم من المطابخ المحلية حاينكشف عالمياً ويتضح بأنو رز مسيخ شديد. * أيها الناس. * ماعرفنا الشين إستاد مدنى ولا كاميرا النيلين. * لكن الشاشة كانت بايخة جداً والملعب باهت. * وقريب آخر المباراة أتضح أنو فى كاميرا أفضل جابت ليها كم لقطة. * انا لو فى محل استاد مدنى. * بفتح بلاغ أشانة سمعة فى كاميرا قناة النيلين بتاعت الجنرال. * ياخ دى بتجيب ليك الليدى ديانا ككو. * الله لا صورنا بيها. * أها. * دخل وارقو. * لابس نمرة الماسورة تسخانى. * العاجبنى فى الهلالاب ديل نمر المواسير مابدوها ألا للمواسير. * ووارقو لا أظنكم سجلتوهوا عشان يجيب قون فى الشجرة يا محمد عبدالماجد. * الزول ده متعود على الأقوان فى الشجرة. * وطالما ناديكم بقى شجرة باينه جداً فرعها فى سماء القصر ومتغدين هناك كمان. * الخوف وارقو يجيب القون فيكم لأنو متعود يجيب القون فى الشجرة. * ويتحدث أبوحميد عن نادى الحكومة. * أى نادى وأى حكومة يا حمادة؟؟؟ * نريد التحقيق فى. * تقرير الشرطة. * وفى. * أشياء تانية حاميانى. * المهم. * أمس كورتنا الحبية ضد الخرطوم ما بطالة. * سواطة الكورة الكتيرة تخلينا عنها نوعاً ما. * الكورة الساهلة. * الأستلام والتمرير. * الضغط على الخصم. * بتبقى كورة سريعة ومريحة ومنتجة. * ماشين كويس. * وأبراهومة الرديف أمتعنا. * وصفقت له الجماهير. * الولد الفلتة. * وهتفت الجماهير تحية له. * ديسكو ديسكو ديسكو. * أها * نجى لى شمارات والى الخرتوم.. * أكان شفت يا والينا. * أمس الكتاحة جاتنا. * سألتنا عن ناساً عزاز. * وين حسن تقول لينا. * مات نقول ليها يا والينا. * النور. * مات ومات. * التوم فات. * على. * مات. * عزو. * مات. * فات ومات. * شباب الحلة. * نصو فات ونصو مات. * شيخ الحلة. * مات. * والباقى. * فات وفات وراهو شفع وبنات ماهيتوا وقعت فى السوق والغول ضرب التلفون والعسكر واقف طابور. * التراب لملم بعضو وفات. * فات يا والينا. سلك كهربا * ننساك كيف والعسكر واقف طابور غالبو يغطى كورة بدون جمهور. والللللللللى لقاء سللللللللللللللك في السلك - بابكر سلك