*أيها الناس *لا حديث لنا إلا عن الإحلال والإبدال *والنظرة هنا تختلف باختلاف زاوية النظر *منا من ينظر من زاوية السلوك والانضباط *هؤلاء ينادون بشطب أكرم وبلة وبقية الشلة التي يقولون إنها تقود تمردا كبيرا *ومنا من ينظر من زاوية الهشاشة وضعف الشخصية داخل الملعب وعدم الوجود في المناسبات الكبيرة *وهؤلاء ينادون بشطب الباشا وفيصل موسى وعلي جعفر والطاهر الحاج *ومنا من ينظر من زاوية المستوى الفني *وبالتالي هم ينادون بشطب السعودي وموسى وزغبير *ومنا من ينظر من زاوية التحسر على حال المريخ *وديل مناداتهم وااااااضحة *لا دايرين عضو مجلس ولا دايرين لاعب في الكشف *دايرين مريخ وااااضح وشفت وبلعب وبشلت *مريخ بالدولار بدون دولار بجيب كأس بالمطار *مريخ أحمر شديد ما فيو صفار *مريخ قاطرة تجر القطار *مريخ لا يرضى بالحقارة إن لم يكن حقار *ولكن كل الناس تتفق على الاستعانة بالأشبال *وتتفق على الصبر عليهم مهما كانت النتائج *لأن الحصاد مضمون *ولا صبر على الحاليين *فالمجرب لا يجرب *ولكن يجب أن يتم كل ذلك بوعي *الزول الببدل العفش القديم التقيييييييييل وخشب صافي *بعفش ماليزي ضلف دولابو تتفرتق قبال باقي الأقساط تنتهي *يبقى دقس وأتلحس *العفش القديم مهما كان شين *لما تبدلو بدلو بعفش جديد لكن قوي *النشارة المضغوطة دي ما بتتحمل *لكن الأشبال والرديف خشبهم موسكي وزان *قوي وظريف *وبعيش كتير *لذا *حقو الإبدال يتم بوعي والإحلال يتم بدراسة *أيها الناس *برغم كل ذلك نجد أن مجلسنا داقي طناش *ساكت سااااااي *إن شاء الله ساكت فوق رأي *ما يكون ساكت جهالة بالمفروض يحصل *وبطولة حوض النيل ليس الهدف منها نيل البطولة *بقدر ما نأمل فيها لأشياء تانية *أهمها تجربة أولاد الرديف وصقلهم *لذا إذا دايرين نشركهم حباب الحوض *وإذا ما دايرين نشركهم *يبقى ما في داعي ليها *فالمجرب لا حاجة لنا بتجربته في تلك الدورة *أيها الناس *يفترض أن يكون الإحلال والإبدال شأن فني *ولا يكون إداريا إلا في حالة السلوك *يعني تاني ما في زول عندو رأي *بس نتمنى أن لا يطال سيف البتر مرتضى كبير *فهذا اللاعب مظلوم ظلم الحسن والحسين *لا تنسوا أنه جانا نجما للموسم *وختيناهو كنبة لتصفية حسابات الكوكي معه *وذهب الكوكي *وبقيت تصفية الحسابات لي شنو ما في زول عارف؟ *مرتضى كبير لاعب وسط كامل وصغير في السن *يعرف متى يقتنص الكرة من الخصم *ومتى يلعب الباص *وكيف ومتى يهدف *وإذا كانت بعض الأصوات قد بدأت تعلو مشيدة بنزار حامد *نذكرها بأن مرتضى كان نجما للموسم وهو في هلال كادوقلي مع وجود نزار في نفس الموسم مع هلال الأصفار *وأن مرتضى يلعب بالرجلين الاتنين *ونزار رجلو واحدة *يعني لو بتعجبكم الحجلة *يبقى بالتأكيد بعجبكم أكتر المشي العديل *المهم *قالوا ناس مازيمبي زعلانين شديد *وحلفوا القون ده يحاسبوا بيهو الجماعة بالدولار *أنتوا الدولار بي كم ؟ *تسعة آلاف!!!!!!! *كان كده ما في داعي للسفر للكنغو يا روشا *تسعة آلاف كتيرة *يا أرجوهو ينزل *يا زوغوا *والزوغة ما بتخجلوا منها لأنكم عملتوها أمام وفاق سطيف والدولار وكتها بالفين بس يا روشا *ولكن هناك سؤال *هل كان الحمام جيدا أم كانت الغربان رديئة في ذلك اليوم؟؟؟؟؟ *أيها الناس *كتب الرائع ضفاري بالكاراكتير متحدثا عن (أولي) *وأضيف له للفائدة العامة *أن الفرق الحاصلة على بطولات أفريقيا اسمها أولي الألقاب *والجماهير التي تختار أولي الألقاب لتشجيعها اسمها أولي الألباب *وما دون ذلك هم أولي الأصفار *أو قل أولي الأرباب *ولا أنت شجرة يا ضفاري يا أخوي؟. !!!!!!!!! *أيها الناس *عبدو جابر لعاب وخفيف وصغير وموهوب *لكن فيصل موسى موش برضو لعاب وخفيف وصغير وموهوب؟؟؟ *يبقى أرى أن تكون النظرة أفريقية عند التسجيل *فالبنية والشفتنة بقن في مرتبة وااااحدة مع الموهبة *وقد تتفوق البنية على الموهبة في لحظات كثيرة *وهل ببي الريال حصل يوم ضقل بالكورة؟؟؟ *ولماذا تقف موهبة ميسي وغيره أمام عضلات ببي الريال في غالب الأحوال؟؟؟؟ *دايرين لاعب النجمة تتضايق من عضلات صدرو *عشان أفريقيا التنافس داير كده *أيها الناس *اختار الخال الرحيل في زمن كنا نحتاجه فيه أكثر *واختياره تنفيذ لما يريده الله *ولن نقول إلا ما يرضي الله *أنا لله وإنا إليه راجعون *أها *نجي لي شمارات والي الخرتوم *كان شفت يا والينا *واحد بتاع بحر من أهالينا *جنو بحر *البحر القرب يهرينا *المهم الزول ده قال لينا *أنو اكتشف من خلال الإحصائيات الأتعملت فينا *أنو الناس الماتوا بأخطاء الأطباء مننا وفينا أكتر من الناس الماتوا في الحروب الأهلية القرضت أهالينا سلك كهربا ننساك كيف والدكتور أنت بتشرح ليهو لسه وهو بكتب في الروشتة والللللللللللى لقاء سلللللللللللللللك في السلك - بابكر سلك
