قصة نصب واحتيال حقيقية حدثت لأحد معارفي سأروي فصولها إليكم في حلقات وأهديها لكم لتأخذوا منها العبرة ولا تنخدعوا أو تكونوا هدفا للمحتالين والنصابين . الحلقة الأولي لقد تقابل صديقي مع مجموعة من الزملاء والمعارف في احدي المصالح الحكومية في الخرطوم وأثناء الونسة والحديث جاءت سيرة رئيسهم السابق والذي يعمل الآن في أحد المراكز الإسلامية هناك ، تبرع أحد الحضور بإعطاء صديقي رقم مولانا وقال له عنده بنت متدينة جميلة رفضت الزواج من الكثيرين وقالت لن تتزوج الا رجلا صاحب خلق ودين ، وأنا أري انك لو تقدمت اليها انت ستواقق . كان صاحبنا في اجازة في السودان ، انتهت اجازته وعاد ليباشر عمله في الرياض . فاتحني في الأمر وفتح لي بريده الألكتروني وأراني الصورة ، بسم الله ما شاءالله ، قمر 14 .. قال لي : إنه تحدث مع والدها الشيخ وهو فرح فرحا شديدا بي وقال لي : مبروووك وألف مبروووك وسوف يرسل لي كرت زيارة الي بيرطانيا وسأقضي ستة أشهر هناك مع العروس ، وبالنسبة للعقد وكلته هو وسيقوم بكل ما يلزم . سألته عن العروس ؟ قال لي موافقة ومبسوطة خالص .. قلت له يعني اعطاك والدها رقم موبايلها ؟ قال لي لا ، بتكلم معاها في الدردشة كتابة .. قلت له : لماذا لا تكلمها مباشرة ، قال لي : هي ملتزمة ومتدينة شديد وقالت لي لن اتكلم معك الا بعد العقد واخوي راجل متشدد شديد انا ما عايزة ازعلو .. قلت له والله انا النقطة دي ماقادر استوعبا خالص . ضحك وقال لي : انا حلمت شفت رؤيا عندي سمك كتير ، قلت ليهو يعني شنو ؟ قال لي حا تجيني ثروة كبيرة والظاهر رؤيتي قربت تتحقق .. قلتا ليهو كيف ؟ حيرتني !! قال لي : هل تصدق البنت دي عندها قروش حقتا براها اكتر من ستمية ألف يورو .. قالت لي عشان تكون عارف ديل رواتبي من ما اشتغلت حافظاهم في البنك مدخرات وابوي قال لي خليهم ليك لي الزمن وانا البنت الوحيدة عندهم ، وبعدين لمن تجي ثروتي دي كلها تحت تصرفك وانا ما عندي امنية في الحياة غير اتزوج زول متدين ومثقف مثلك . بلعت ريقي عدة مرات ، عندها ستمية ألف يورو .. قربت اقول ليهو ما عندها أخت .. تحياتي وتابعوني في الحلقة القادمة ،