الخبر : غردون آسف وأعتذر لغردون باشا - غندور الأيام دى طالع الكفر - بكره بتنزل وتتخت فى الرف مع الحاج ساطور ماتفرح كده - البشير ليس لديه صديق دائم - حتكون أحسن من أبنه المدلل المهندس أسامة عبد الله - ياغندور هدىء السرعة وجر فرملة اليد وقلل التصريحات تضمن البقاء لفترة أطول قال ايه المدعو غردون اسف غندور : لمتهمي المؤتمر الوطنى بإستغلال أموال الدولة فى مؤتمرات الحزب وأنشطته - قدموا الدليل ؟ يا غندور الدليل لو معانا نقدمه لى منو ؟ لى مولانا عصام الدين الزين فى وزارة العدل أم نقدمه لمولانا دوسة أم نجيبه ليك أنت وانت نلقاك كيف رجل فى الخرطوم ورجل فى مدنى يا ناس الحصاحيصا الفيهو حرقص براهو بيرقص يا غندور تتباهى بأن كل هذا الصرف البزخى جاء من إستثمارات الحزب طيب أنتو لمان شطار كده وبتعرفوا تستثمروا ماكان تنجحوا لى ولدياتنا العطالة الجامعيين مشروعين تلاته يبلوا بيهم ريقهم صاحبك مصطفى عثمان وزميلك فى قلع الأسنان وحشوات الضروس طبيب الأسنان زيك البارح أستعرض فى برنامج احمد البلال الطيب kiwi ملمع النظام فى الأبيض أن هيئة الأستثمار التى يرأسها منذ مايزيد عن 20 سنة ستعمل ( لا حظ معى س ) (1) مشروع زراعة حب بطيخ ويقصد مشروع زراعة بطيخ لإنتاح حب البطيخ مع مستثمر ليبى سيبدأ قريبا (2) مشروع زراعى شمال كردفان مع شركة نادك السعودية سيبدأ قريبا (3) مشروع إستكشاف بترول مع شركة كندية سيبدأ قريبا ياسيد غردون كل مشاريع الأستثمار طلعت مضروبة والمضمونة ثلاثة لم تبدأ بعد وإنتو ماشاء الله إستثمارات حزبكم مكنتكم من شراء 10 مليون مواطن عشان يسجلوا فى مؤتمراتكم القاعدية خبثاء المدينة قالوا المؤتمر الوطنى دا زى الفريك مابحبش شريك طرد شيعة ايران لأت الشيعة كانوا منغنغين فئة من الشعب والمؤتمر الوطنى عاوز يقطع منهم تيار الدولار الأيرانى عشان يجوعوا ويجوا يشربوا من مليارات غندور التى تنتجها مطبعة عملة حكومة حزب المؤتمر الوطنى انتو ياغندور ما شلتوا المال العام لأن الخزينة فاضية إنتو جلبتم حاويات ورق عملة أبيض من ماليزيا وأندونيسيا وتركيا وشغلتوا مطبعة العملة الحكومية 3 ورديات فى اليوم كل وردية 8 ساعات تنتجون فى اليوم مليارات الجنيهات وتعبأ الجنيهات فى الكراتين عشان تسهل عليكم عملية الحساب كذا كرتونه يعنى مليار جنيه ودخلتم السوق منافسين لبنك السودان العندو دهب تشتروه منه والعندو دولار تشتروه منه وانتم اكبر مضارب للعملة فى السوق وأنتم سبب تدهور قيمة الجنيه قصاد الدولار وياغندور ألحقوا نفسكم وبسرعة أن الوقت أصبح بتصرفاتكم الخرقاء لايطاق والله الشعب دا لو خرج ممكن يأكلكم بسنونه حوار شنو وانتخابات شنو الشعب ليس له اهتمامات فى حوار او انتخابات أو ديمقراطية والقضية محسومة ألم تسمع يا غندور ماقاله حسين خوجلى بالأمس = قال المؤتمر الوطنى سيكتسح هذه الإنتخابات بكاملها حتى لو قاطع المؤتمر الوطنى نفسه الإنتخابات أنت قايل الأصم بيملك جرأة تخليه يشرف على إنتخابات نزيهة لو جاء أى حاكم غير البشير أول شىء يفعله هو أن يقطع رأس الأصم وبقية من به صصم ونصيحة ليك ياغردون خفض السرعة وإلا فى أى لفه زى لفة شارع مدنى تتقلب وأنت قلبتك شينه [email protected]
