عركي هو الفنان الما إنحني يوم للعاصفه هو الفضل قابض علي جمر قضيتو يغني للشارع وناسو يغني لي باكر ويحلم بي وطن ملامحو بتشبه تماما شعبو ما انكسر لي حاكم ولا سكت لي ظالم ولا لمع نعل كاتل ظل طوال حياتو مع الشعب وكان همو همهم وصوتو صوتم وحلمو حلمم عركي يا ساده هو الفنان الما اترجع يوم عن مواقفو رغم كل المضايقات الاتعرض ليها ورغم كل الغراءات الاتقدمت ليهو عركي هو اكتر فنان ارق النظام وهجسو وخوفو وهز عرشو عركي هو الناطق الرسمي بي احلام البسطاء والمعدمين هو الناطق الرسمي بي اسم باكر جميل ضواي بيشبه غنواهو وبيشبه احلامنا واليوم وعركي بغني (وهج الحريه) دعما للثوره يمكن نقول انو عركي هو عركي وكفي .