* زعيم الكرة السودانية في مواجهة زعيم الكرة الألمانية. * لقاء الكبار. * مباراة للتاريخ! * حدث لن يتكرر قريباً. * قابلوا الخبر بسخرية وتعاملوا معه باستنكار، وظنوه شتلة! * عندما استبانت الحقيقة، واتضح لهم أن المريخ الكبير سينازل البايرن حقاً لا ادعاءً أسقط في أيديهم! * تلاقت قمم يا مرحى! * يتردد أن معهد جوتة شهد خلال الأيام الماضية تدافعاً كثيفاً للصفوة بغرض تلقي دروس في اللغة الألمانية، استعداداً لمعايشة الحدث التاريخي الكبير بأقصى درجات المتابعة. * أي واحد تلقاهو الأيام دي شايل كتاب (كيف تتعلم الألمانية في أسبوع) تعرفو صفوة طوالي! * قال ليك ناس لجنة التعبئة ركبوا عدسات خضراء وضربوا الشعر أصفر وأحمر! * عبد الوكيل قال اسمه Agent وحافظ سمى نفسو Halten وطارق بنان قال اسمو طارق Kasten!! * يا محمد عبد الماجد لو عايز تكتب عن مباراة الزعيم والبايرن لازم تتعلم لغات! * أي مشجع لل Vizemeister لازم يثقف نفسو قبل ما يشوف الكورة! * طبعا Vizemeister معناها بالألماني (وصيف)! * التعليق ذاتو حا يكون بالألماني.. تعليق سوداني مافي! * هسة يا سلك المؤتمر الصحافي بتاع كروجر وغوارديولا ده مش محتاج ماجستير لغات؟ * كروجر ألماني.. وغوراديولا إسباني! * ومندوب الشركة المنظمة قطري! * والحضور سوداني ألماني! * ماجستير لغات ممكن ما يكفي الرشيد علي صور لتغطية المؤتمر العالمي! * Globale Ereignis .. بالألمانية يعني حدث عالمي! * أرهقتوا عمنا غوغل بالترجمة! * أنا وحسن بسبوسة الشهير بحسن محجوب ماشين باكر من دغشاً بدري على معهد جوتة عشان نجهز نفسنا لتغطية الPressekonferenz الخاص بمباراة الزعيم والبايرن! * عشان محمد عبد الماجد ما يسطح نقول ليهو Pressekonferenz يعني مؤتمر صحفي! * حسن قال حا ينظم مؤتمر صحافي لمانويل نوير وأكرم الهادي.. ومؤتمر تاني لريبري وتراوري.. وتالت لعنكبة وشفانشتايغر.. ورابع لبلة جابر وفيليب لام.. وعامل التغطية بالعملة الألمانية! * قال الدخول بالمارك الألماني واليورو وبس.. (NO Dollar)!! * الدفع Bargeldيعني كاش أخدر.. لي بكرة مافي! * عند بسبوسة: ممنوع الدين ولو بعدين! * موسى الزومة كمان قال لازم يعمل مؤتمر صحفي مع فيليب لام! * الزومة Regierung .. يعني حكومة! * تعبتونا بالترجمة! * يا سلك الوصايفة ديل كملوا دشكنيرياتنا! * حسن بسبوسة قال الكورة الساعة Neun und eine halbe! * يعني تسعة ونص.. تعال بص! * طبعاً حسن محجوب ده سافر ألمانيا في الستينات (سنة ستة وخمسين).. (بتوقيت الصلعة).. قال عايز يقرأ طب في فرانكفورت.. لف سنتين في ألمانيا ورجع بي خمسطاشر كلمة.. عامل لينا بيهم هر ألماني!! * تاني يا محمد عبد الماجد لو عايز تكتب عن ال PRINZ هيثم مصطفى صاحب الرقم (Acht) حفظه الله ورعاه لازم تاخد إذن مكتوب وتأشيرة من السفارة الألمانية، وتجيب معاك شهادة سكن وشهادة خلو طرف من الخدمة الإلزامية وشهادة تطعيم من الحصبة والشلل الرعاش والوصافة الثنائية! * عشان ما تسطح يا الرشيد (آخت) بالألماني معناها ثمانية! * (آخت) أصلية زي بتاعة سيدا.. مش تقليد Kostüm زي بتاعة سيدي سيستم! * الرشيد طبعاً حاول يتكلم مع مندوب الشركة عشان يقنعوا بتحويل المباراة من الزعيم للوصيف! * قال للمندوب: الهلال سيد البلد.. المندوب قال ليهو: Grobe Mars.. يعني بنعرف المريخ العظيم وبس! * الرشيد عمل Rückzug يعني انسحاب! * تراوري في مواجهة ريبري! * مباراة Gipfel.. بالعربي يعني قمة! * كونوا نفسكم.. تعبتونا بالترجمة! * يوم المباراة حا نكتب العمود بالألماني! * نظام مواكبة للحدث العالمي وكدة! * الوصايفة يجهزوا مترجم ودكشنري عربي ألماني! * جماهير الزعيم ستشجع باسكال في مواجهة آرين روبن.. وغاندي في مواجهة فرانك ريبري.. ورمضان عجب ضد فيليب لام! * دانتي وبواتينغ ديل حا يتعبوا شديد مع أوليفيه وتراوري وعنكبة! * ومولر يشمها قدحة مع ضفر ومالك! * يا حسن الحارس مانويل نوير لازم يجيب من جوة! آخر الحقائق * يا الرشيد هلال بالألماني يعني Sichel .. زيشل! * وبالفرنسي يعني وصيف! * وبالتركي يعني خفيف! * مأمون أبو شيبة قال حا يكتفي بالفرنسي. * الرشيد قال للمندوب عازين نلعب مع البايرن! * قال ليهم تسيبو كورتكم مع فريق برشلونة رابطة الحاج يوسف لي منو؟ * بطل الدوري والكأس في السودان سينازل بطل الدوري الألماني ودوري أبطال أوروبا وكأس السوبر الأوروبي وبطل كأس العالم للأندية! * هسة شايفين ليكم وصيف هنا؟ * الكلام الكتير الفي السطر الفوق ده مكتوب فيهو صاحب مركز تاني؟ * يعني كيف بطل مخيف يلعب مع وصيف خفيف؟ * Parit?t مافي؟ * Parit?t بالألمانية يعني تكافؤ! * بالعربي يعني ندية! * مافيش ندية؟ * مافيش Vergleich؟ * يعني مافيش مقارنة؟ * Unterschied يا إبراهيم! * بالعربي يعني (فرق يا إبراهيم)! * باختصار العايز يشوف كورة الزعيم والبايرن يثقف نفسو سريع ويتعلم لغات! * الألمان وصلوا.. وخديجة وقعت من البلكونة! * Meereikh vs Bayern München!! * يا سلك الهلالاب حا يقعدوا Zuschauer !! * بالعربي يعني فراجة! * الليلة آخر خبر ذاتو بالألماني! * خبر بالألمانية يعني Nachrichten !! * آخر Nachrichten : وروني ال Bayern München واقعدوا Zuschauer !!