طبعاً العنوان ده لازم يتقري بلحن عمر احساس مباراة الهلال ومريخ كوستي كانت مباراة ديكورات الكوكي قال كنبة الهلال ديكور بس وقال عاوز جوز مهاجمين الكوكي طلع بتاع (حمام) أوع النقر يتعاقد مع فريق آخر الهلال حايركب التونسية وسواقها تونسي أول مباراة الجماهير هتفت ضدو وفي (الدوكرة) الزرقاء (ديكور ولدنا) ديكور طلع دكتور شخّص أمراض الهلال كلها من الصلع للمواسير أدى ماكسيم دواء من ورق النيم أي كورة في التمانيات في مكسيم يعني قون أسألوا علاء الدين دكتور ديكور قال كنبة الهلال دي منتهية لقنوها الشهادة سمبو طلع عنده شلل ارتعاشي غايتو التشخيص العملو دكتور ديكور ده من هنا والقمسيون الطبي علاجو الا في الخارج بطولة دولية.. كأس خارجي ممكن ديوان (الحكام) يساعدكم دكتور ديكور نادى الكوكي برة الكوكي كان مرافق الدكتور من ينادي المرافق برة معناتو الوضع خطير الكوكي قرب يقول ليهم محتاج لبكري المدينة الجمهور هتف:عايد يا غزال عيني في عينكم كده..غزال والا عقرب سيمبو زي الملدوغ .. هلال عصمت جاء محل النمرة والنمرة مشت محل هلال عصمت (النقر مفروض يسخن) بعدين لما الجوهرة تكتمل ما تنسوا ديكور ده الهلال رجع للمركز التاني وللدرونات تاني الديكور بتاع استديو النيلين ذاتو كان كويس ........................... *الفوز في الابيض كان أبيض لم يلطخه انحياز حكام لذلك كان موجعاً لم يتركوا للشامتين ما يقولون فهاج منهم القولون الناس الضربوا البص ده ناس مصران والزول الدخل علي الحكم والمريخ ضرب اللون جرايد الهلال طالبت الهلال اللاعب ضد المريخ يضرب اللون. قام المريخ اللاعب ضد الهلال ضرب اللون ضرب اللون ده ما هبتلي ساي عاوز مهندس...ديكور وفوز المريخ في الابيض الابيض هو بداية لهزم ناس الكوكي الترجي المسكين جاي قلعة الموت المباراة طبعاً حاتكون بالمساء لو الترجي فاكر حا يلعب نص النهار يبقي غلطان قبل كده الترجي لعبوه (سكة عمي) السحائي كان حائم علشان يتسدوا غلب في تونس بال.. والله ما متذكر بالخمسة والا الستة بالمناسبة الهلال ماشي كوستي يوم التلاتاء ماشي لديكور في محلو الله يحلو
