حمام بري عرفناه حمام زاجل سمعنا بيه حمام بلدي عندنا في البيوت حمام مشوي معروف حمام بالفريك المسلسلات كلمتبو اي زول لكن حمام يلاقي حمام دي الا في منافسات الكاف اول مرة اعرف اغنية يا حمامة مع السلامة معمولة في الكنغوليين مما الكورة قالوا منقولة تلفزيونيا انا عرفت الموضوع منتهي مما فوزي قال الفريق ده خطر انا عرفتو مطر فوزي بينطق الميم... خا الجرايد كتبت الكوكي حا يلعب بخطة شيطانية لقينا الشيطانية بس الخطة ما شفناها ده فريق كنغو والا فريق عمك تنقو اول مرة اشوف لي فريق الحداشر شول ده فريق يساري الفريق بتاع سمير غانم ويونس شلبي احسن منو ده فريق لقاطين القطن علشان كده غلبوا القطن فريق بالات يا شماتة ابلة بالة فيا الدماعة خجلانين من التلفزة كان مفروض المباراة دي تكون ولا مذاعة زاتو المباراة دي في الاذاعة مستواها بتشاف فريق في بلدو ما شات كورة في مرمي الخصم الفريق ده لو معاه ديكور كان علي الاقل درن كان سيمبو ما لعب لكن فريق بدل مساوي يعمل بلنت يجيب قون ده فريق حمامي شديد حمامي السيارات اديل كده ويقولوا ليك اجلنا الاحتفالات مجدي شمس الدين زاتو أجل احتفالاتو بالفوز واحد قال لي بيكون فوزي ربطهم قلت ليه والله فوزي الا يحلهم ديل مربطين خلقة الواحد كرعينو زي الموزتين الملصقات مع بعض الفريق ده اول فريق مافي زول (ببيض) للاعب فيه ما قاعدين يفرقوا كرعينهم فريق يتغلب في ارضه من حمام العرضة وفي دور الستاشر ده وصل هنا كيف الاتنين وصلوا هنا كيف الا تهريب ديل بيكونوا قطعوا بالسنبك دخول لاجئين مفروض البصعد فيهم دور التمانية يتلقوه بالبطاطين فريق مرق عوم علي كل حال ربنا يسهل ............. علي المريخ ان يستعد جيدا لمباراة رادس الترجي كما المريخ فريق كبير وليس الاستعداد باعتذار تراوري تراوري اخر من يهزم الترجي مافي النار للظمأن ماء والمريخ رويان بهدف (بحر) علي غارزيتو ان يعتمد علي مجموعته ويقدح فكره وعلي الجمهور ان يضع في بطنه بطيخة صيفي مباراة امدرمان اثبتت ان المريخ هو الافضل *بالعودة لتلك المباراة فان اللجنة المنظمة قد سقطت سقوطا مدويا في التنظيم وعلي الادارة ان تجعل التذاكر قادما في منافذ معينة قبل المباراة بيوم او اسبوع كما في كل الدول كفاية اهدار لكرامة المشجع الذي ياتي ليستمتع لاجل مجموعة تريد الزحمة علشان فيها (الرحمة) ماذا يضيركم ان جاء الناس بتذاكرهم ليدخلوا كما البشر لا بطريقة ادخال الحيوان للزريبة بالسياط واين الابواب الكثيرة التي بشرنا بها الناس يوم افتتاح طابق شاخور هل اغلقها الطابور ولماذا تبث المباراة كموت الفجأة مع حديث قبلي واستعلائي من السيد عبد الصمد والذي زاغ يوم معركة عزام وحضر الاشاوس من جمهور المريخ قال حضرها في المدرجات الشعبية قال بعيدة مصر علي السبابة