الحمااااام المحلي وقفص الدجاااج الأفريقي حمام الوادي يا مالي وكأسي بهادي وانا مالي!! وفريقي بنادي ويا حمام شيل السلام وجيب الكأس لي ناس العرضة شمال كأس شنو؟.. ياجمااااعة والحمام في قفص الدجاج.. وبعدين!! الدخلوا قفص الدحاج شنو! ما كان يشوف ليهو بيت يمشي عليه .. وقبل كده ما قال انا قفص الدجاج ده انا ما عايزو أصلوا انا بيتي بيت كبير بس لسه انا مأجر.. وما عندي قروش علشان أشتري البيت والحلم الجميل الكبير «الأبطال». الحمام ده طاير ثمانين سنة «أبطال وكوؤس واتحاد وكونفدرالية» ولسه ما لقي ليهو صفيحة يجيبها عشان يتفاخر بيها «انا عندي صفيحة من مانديلا».. لكن الحمام ده هسه بيأكل في حب جوه القفص الأفريقي «الله يستر».. مع الحمام الزاجل والقطيفي والفرنسي.. حمامي يلقط الحب ويجري وهو مرضانِِ .. كأن عيونه خمسة من مازمبببببببببببي زوغان وفي مالي غلبان. العرضة جنوب فيها حمام بفرفر «مانديلا» والعرضة شمال فيها حمام ميت «بني يأس».. الحمام ده كان ماسكو زووول جعلي لا بخليهو يطير ولا يفرفر «يعني بالواضح يا ضبحو يا أكلو».. صاحبنا الجعلي ده خلي الحمام يطير براهو لانو ما لقي فيهو فائدة.. وقدر ما أكلوا وشربوهو وريحوا.. ما جاب ليه دخل ولا حافظ علي نظافته .. قدر الحمام سيدو خلاوه وقدر.. سيداااا ماشات ليهو حمااااامه.. «شوت القوارير».. مسكين الحمام ؟؟ ويا حمامة مع السلامة .. يا حليلك .. يا حليلك .. نسيتنا وسافرت وخليت حمامك .. كان بسافر معا ك وبي هديلو يلحن ليك .. كان بقرب ليك المسافة يوانسك ويواسيك تاني وين نلقاك عشان تهدئ لينا أجمل كلام «حمام».. وعشان خاطر حمامنا تعال لينا.. وتصالحنا وتنسينا أكل الحمام «الميت» .. يا زمن رجع لينا سيد الحمام.. ومن دار جعل جاب لينا جويا طاير شمال .. غيب وتعال تلقاهو حمامنا يا هو ذاتو حمامنا .. لا خلتنا الهزائم ولا جبنا كأسنا «مانديلا».. ولا بعنا في الحمام ولا اشترينا ولاجااااب لينا قرووووش.. وغير فلسنا ما ربحنا .. خلاص زمن الحمام انتهي .. حااااسين بالصفيحة جااايه بس الحمااام ما بنسي بيتو. كان حمام ميت ولا كان قطيفي .. يا جماعة الحمام مافي العرضة شمال بس ؟؟ العرضة جنوب في حمااااام غير الفصاحة ما عنده حااااجة.. تسألوه تقول ليه عملت شنو! يقول «مااااااانديلا» .. في داعي للكلام ده .. يا ااارب الحمام تلطف بأخوانا في العرضة شمال بي صفيحة جوية تنقذهم من هدير أخونا في العرضة جنوب .. آخر المدرج: عشااااان أجيب ليك الحمام أسوي المستحيل حمام وتااااااني حمام والحمااااام عليكم
