مبدأ الجودة الشاملة هو فكر جديد ادخل على اداء الخدمة العامة، ووضعت مقاييس دقيقة للمؤسسات المنافسة في تجويد الأداء، وبالتالى المنتج من هذه المؤسسة او تلك. وحينما رفع المريخ شعار العلامة الكاملة للدورة الاولى كان ذلك شعاراً جيداً اذا جمع بين الجودة الشاملة والعلامة الكاملة، وجاء اهل المريخ لاستاد الخرطوم للقضاء على نادي الاهلى الخرطومى والاحتفال من داخل استاد الخرطوم، لكن احفاد ابراهيم كبير والحبو ودقة كان لهم رأى آخر بقيادة المدرب البرازيلى. قال ذو الازرق العاتى اربعة حظهم زي الزفت قيل من هم يا ذو الازرق قال: مدافع وعامل فيها شيطان وشفت ولاعب احتمال شطبه يوم السبت ولاعب نص جنه دفير وخبت قيل ثم من يا مازج الكحلى بالابيض قال: حارس نكت الكورة من الشباك نكت النمرة الكاملة: النمرة الكاملة بتشبهنا وحالفين نجيبها وحنحتفل جمهور وادارة ولعيبة الموسيقى جاهزة والعاب نارية رهيبة والحافز في الضهرية نوزعوا للشبيبة لكن ناس الاهلى شعللوها وزادوا لهيبة ومرقوا النمر زي العجينة والسبيبة. يا نجمة: قومى بدري واتمرني بدري ويدربك البدري ويحرسك الحضري شوفى كان تنقدري (هاك الاهلي ده) سولى شريف: ولد حريف لعاب وكمان ظريف قال للحارس وين ما تقيف شوتنا نضيف لو باريتنا حنوديك الرصيف نهدي اغنية الحقيبة الرائعة للاخوة المريخاب: يا نجوم الليل اشهدى على لوعتى وتسهدي على بكاى وتنهدى من ليه حسن الكون هُدى النافر الجافى الهدى يا عينى يوم تشاهدي اغري السلام واستشهدي يا عينى ابقى ترصدى عسى توجدي ما تقصدي مهما جرح قلبى الصدى هو برضو غاية مقصدي يا عينى دمعك بنبرى وقول العوازل فندى انا لى غرام يا معاندى في زهرة الخد الندى وعينه زي عين الجدى يا من خرقت عوائدى ونظمت فيك قصائدى لو عمرى شيئاً في يدى لوهبته ليك يا سيدى هدايا الحلقة: 1/ واحد قال لزوجته تعرفى انو الملح بيغير منك؟ قالت ليه ليه؟ قال ليها لانك بترفعى الضغط اكثر منه!. 2/ واحدة قالت لراجلها الاعمى آه لو شفته بياض لونى وآه لو شفته خدودى وآه لو شفته عيونى وآه لو شفته ما عارف ايه! قال ليها اسكتى وبطلى الكضب لو كنتى زي الوصف القلتيه ده ما كان المفتحين خلوكى لي!. 3/ مسطول اجر ليه بيت. الجماعة نصحوه قالوا ليه البيت ده مسكون ما سمع الكلام بالليل قام الجان عايز يخوفو قعد جمبو وقال ليه ممكن سيجارة؟ قام عاين ليه وما خاف منه وقال ليه اتفضل تانى يوم جا الجان مطلع عيونه ممكن سيجارة؟ اداه ثالث يوم الجان جا ناكش شعره ومطلع اسنانه وخشمه طالع منه دم ممكن سيجارة؟ اداه وقال ليه ما ملاحظ انو الدخان قاعد يتعب صحتك!. 4/ واحد قال لزوجته الخلفاء العباسيين كان لهم القاب زي المعتصم بالله - المتوكل على الله - والواثق بالله، انا لو كنت منهم كان لقبتينى شنو؟ قالت ليه اعوذ بالله!. 5/ واحد جلدة اتصل بيه صاحبه كيف بابكر والله الحمد لله وكيف الاولاد والله تمام وكيف معاكم الزراعة السنة دي؟ والله مية المية كل شئ تمام وكيف رصيدك؟ قال ليه قلت شنو ما سامعك؟. 6/ هندى صحى من نومه يجرى ويصرخ نهي نهي قال ليه مالك قال ليهم حلمت انى اسرائيلي!. 7/ واحد حاسد انقذ واحد شبت فيه نار، سألوه عن سبب شجاعته قال ليهم جازفته وانقذتو لسببين علشان ما يموت شهيد وعلشان يعيش باقي عمره مشوه!. خاتمة: كل موسم كروي وانتم بخير، وتظل الاخلاق الرياضية هى السائدة.