لما الليل الظالم طول وفجر النور عن عينا اتحول قلنا نعيد الماضي الاول ماضي جدودنا الهزموا الباغي وهدوا قلاع الظلم الطاغي %%%%%%%%%%%%%% وفي ليلة وكنا حشود بتصارع عهد الظلم الشب حواجز شب موانع جانا هتاف من عند الشارع %%%%%%%%%%%%%% قسماً قسماً لن ننهار طريق الثورة هدى الاحرار والشارع ثار غضب الامة اتمدد نار والكل ياوطني حشود ثوار وهزمنا الليل النور في الاخر ..طل الدار وهزمنا الليل والعزة اخضرت بالاحرار %%%%%%%%%%%%%% وطني أنحن سيوف أمجادك ونحن مواكب تفدي ترابك ولسة الشارع بشهد لينا في يوم الغضبة حصاد ماضينا مشينا نعطر حقل الثورة بالدم نفدبه بلادنا الحرة وكان أكتوبر فجر الغضبة كسرنا قيود الماضي الصعبة لما مشينا مواكب صامدة تهدر وتغلي وتهتف راعدة:- الرصاص لن يثنيا الرصاص لن يثنينا %%%%%%%%%%%%%% وسال الدم في أرض الوادي فدينا النور بالروح يابلادي وكانت صفحة حكاها العالم فجر أكتوبر طل وسالم وهزمنا الليل وهزمنا الليل والنور في الآخر طل الدار وهزمنا الليل وهزمنا الليل والعزة اخضرت للأحرار %%%%%%%%%%%%%% وكان في الجامعة موكب هادر صمم يجلو الليل السادر وكان الليل السادر غادر والشعب الثائر صمم هادر %%%%%%%%%%%%%% يصرع ليلنا الداجي الطول وكان القرشى شهيدنا الاول وما تراجعنا حلفنا نقاوم ليلنا وسرنا وما اتراجعنا نذرنا الروح، مسكنا دربنا للشمس النايرة قطعنا بحور حلفنا نموت او نلقى النور وكان في الخطوة بنلقى شهيد بدمه بيرسم فجر العيد %%%%%%%%%%%%%% يا أكتوبر أنحنا العشنا ثواني زمان في قيود ومظالم وليل وهوان كان في صدورنا غضب بركان وكنا بنقسم بالأوطان نسطر إسمك يا سودان %%%%%%%%%%%%%% بدمانا السالت راوية الساحة حلفنا نسير ما نضوق الراحة شهرنا سيوف عصيانا المدني وكانت وحدة صف يا وطني إيد في إيد حلفنا نقاوم ما بنتراجع وما بنساوم بينا وبينك تار يا ظالم %%%%%%%%%%%%%% خطانا تسير في درب النصر هتافنا يدوي يهز القصر كسرنا حواجز أزلنا موانع صفنا واحد عامل وطالب وزارع وصانع ياساحة القصر ياحقل النار ياواحة بتحضن روح نصار روينا ورودك دم ثوار شتلنا فضاكي هتاف احرار %%%%%%%%%%%%%% خطينا ترابك احرف نايرة بتحكى سطور ايامنا الثايرة وشلنا الشهدا مشينا ونهتف وجرح النار في قلوبنا بينزف سجينا الشهدا وجينا نقاوم ما بنتراجع وما بنساوم بينا وبينك تار يا ظالم وفجأة ونحن صفوف بتصمم زغرد فجر الثورة الحالم وهزمنا الليل هزمنا الليل والنور في الآخر طل الدار وهزمنا الليل هزمنا الليل والعزة اخضرت لأحرار قسما قسما يا أكتوبر نحمي شعارك نجني ثمارك ونرفع راية الثورة الغالية عالية ترفرف فوق السارية عليها شعار الثورة الاكبر ورسمو النادر زاهى واخضر ولسة بنقسم يا أكتوبر لما يطل فى فجرنا ظالم نحمى شعار الثورة نقاوم ولسة بنقسم يا كتوبر ونبقى صفوف صفوف تمتد وتهدر لما يعود الفجر الحالم ،،، يا اكتوبر
