*في الأخبار أن كمال ترباس ينوي الترشح لرئاسة اتحاد الفنانين. *كلام جميل.. بس السؤال.. (ميدان التحرير) مصيرو شنو؟ *طبعاً لفائدة القارئ الكريم (ميدان التحرير) هو مساحة تقع أمام دار الاتحاد يرتادها المعارضون للاتحاد. *وترباس طبعاًَ (أبرز المعارضين). *وبصراحة شديدة حكاية ترشح ترباس للرئاسة دي ذااااتا ما مريحة (المعارضين). *لأنهم بعد يبقى ترباس الرئيس ما حيقدروا تاني يعارضوا. *معقولة.. في زول بيعارض ترباس (يا ناس)؟! *ممكن عادي بعد يومين نسمع بمعارضين (الميدان) ديل يشجبوا ويدينوا ترشح ترباس للرئاسة. *ما عشان هم عندهم اعتراض على ترباس.. لا لا لا. *بس عشان (الميدان) ما يفقد (ترباس). *عموماً أنا مؤيد تماماً لترشح ترباس للاتحاد. *بصراحة زول غير (أبو الترابيس) ما بقدر على (المجمجة) الحاصلة جوه دي. *وكمان الزول دا عندو ميزات كتيرة. *كفاية إنو (زول نصيحة). *والنصيحة دي بتزعل ناس كتاااار. *آي.. آي.. قاصدكم إنتو ذااااتكم. باص ثرو: قلتو لي الاتحاد (فاتح ساكت).. أها جبنا ليكم ليهو (ترباس)!