مصر لم تتراجع عن الدعوى ضد إسرائيل في العدل الدولية    حملة لحذف منشورات "تمجيد المال" في الصين    أمجد فريد الطيب يكتب: سيناريوهات إنهاء الحرب في السودان    زلزال في إثيوبيا.. انهيار سد النهضة سيكون بمثابة طوفان علي السودان    ماذا بعد انتخاب رئيس تشاد؟    يس علي يس يكتب: الاستقالات.. خدمة ونس..!!    500 عربة قتالية بجنودها علي مشارف الفاشر لدحر عصابات التمرد.. أكثر من 100 من المكونات القبلية والعشائرية تواثقت    مبعوث أمريكا إلى السودان: سنستخدم العقوبات بنظام " أسلوب في صندوق كبير"    قيادي بالمؤتمر الشعبي يعلّق على"اتّفاق جوبا" ويحذّر    (ابناء باب سويقة في أختبار أهلي القرن)    عصار الكمر تبدع في تكريم عصام الدحيش    عبد الفضيل الماظ (1924) ومحمد أحمد الريح في يوليو 1971: دايراك يوم لقا بدميك اتوشح    قصة أغرب من الخيال لجزائرية أخفت حملها عن زوجها عند الطلاق!    الهلال يتعادل مع النصر بضربة جزاء في الوقت بدل الضائع    كيف دشن الطوفان نظاماً عالمياً بديلاً؟    محمد الشناوي: علي معلول لم يعد تونسياً .. والأهلي لا يخشى جمهور الترجي    مطالبة بتشديد الرقابة على المكملات الغذائية    السودان..الكشف عن أسباب انقلاب عربة قائد كتيبة البراء    شاهد بالصورة والفيديو.. حسناء سودانية تخطف قلوب المتابعين وهي تستعرض جمالها ب(الكاكي) الخاص بالجيش وتعلن دعمها للقوات المسلحة ومتابعون: (التحية لأخوات نسيبة)    شاهد بالصورة والفيديو.. "المعاناة تولد الإبداع" بعد انقطاع الماء والكهرباء.. سوداني ينجح في استخراج مياه الشرب مستخدماً "العجلة" كموتور كهرباء    بالفيديو.. شاهد رد سوداني يعمل "راعي" في السعودية على أهل قريته عندما أرسلوا له يطلبون منه شراء حافلة "روزا" لهم    برشلونة يسابق الزمن لحسم خليفة تشافي    البرازيل تستضيف مونديال السيدات 2027    مدير الإدارة العامة للمرور يشيد بنافذتي المتمة والقضارف لضبطهما إجراءات ترخيص عدد (2) مركبة مسروقة    منتخبنا فاقد للصلاحية؟؟    قيادي سابق ببنك السودان يطالب بصندوق تعويضي لمنهوبات المصارف    شاهد بالصورة.. (سالي عثمان) قصة إعلامية ومذيعة سودانية حسناء أهلها من (مروي الباسا) وولدت في الجزيرة ودرست بمصر    آفاق الهجوم الروسي الجديد    كيف يتم تهريب محاصيل الجزيرة من تمبول إلي أسواق محلية حلفا الجديدة ؟!    شبكة إجرامية متخصصة في تزوير المستندات والمكاتبات الرسمية الخاصة بوزارة التجارة الخارجية    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    سعر الريال السعودي مقابل الجنيه السوداني في الموازي ليوم الأربعاء    وسط توترات بشأن رفح.. مسؤول أميركي يعتزم إجراء محادثات بالسعودية وإسرائيل    "تسونامي" الذكاء الاصطناعي يضرب الوظائف حول العالم.. ما وضع المنطقة العربية؟    شاهد بالصورة.. حسناء السوشيال ميديا "لوشي" تنعي جوان الخطيب بعبارات مؤثرة: (حمودي دا حته من قلبي وياريت لو بتعرفوه زي ما أنا بعرفه ولا بتشوفوه بعيوني.. البعملو في السر مازي الظاهر ليكم)    حتي لا يصبح جوان الخطيبي قدوة    5 طرق للتخلص من "إدمان" الخلوي في السرير    انعقاد ورشة عمل لتأهيل القطاع الصناعي في السودان بالقاهرة    أسامه عبدالماجد: هدية الى جبريل و(القحاتة)    "المايونيز" وراء التسمم الجماعي بأحد مطاعم الرياض    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    باحث مصري: قصة موسى والبحر خاطئة والنبي إدريس هو أوزوريس    الفيلم السوداني وداعا جوليا يفتتح مهرجان مالمو للسينما في السويد    بنقرة واحدة صار بإمكانك تحويل أي نص إلى فيديو.. تعرف إلى Vidu    أصحاب هواتف آيفون يواجهون مشاكل مع حساب آبل    كيف يُسهم الشخير في فقدان الأسنان؟    هنيدي ومحمد رمضان ويوسف الشريف في عزاء والدة كريم عبد العزيز    أسترازينيكا تبدأ سحب لقاح كوفيد-19 عالمياً    تنكُر يوقع هارباً في قبضة الشرطة بفلوريدا – صورة    معتصم اقرع: حرمة الموت وحقوق الجسد الحي    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    بعد عام من تهجير السكان.. كيف تبدو الخرطوم؟!    العقاد والمسيح والحب    أمس حبيت راسك!    جريمة مروّعة تهزّ السودانيين والمصريين    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



ليلة ..ضحك فيها (القمر)
قوون نشر في قوون يوم 14 - 08 - 2011

لا اعرف...اكتب اليوم بمزاج مختلف ...واحساس غريب...ووقت متأخر.

هاتفت احمد الحاج من تمرين الهلال ...حسيت ان انتصار الهلال قادم من صوته.

في توقيت صعب اكتب.

احاول ان اكون معكم في هذا اليوم ...رغم شبهة الابتعاد التي تفصل بيننا من حين لاخر.

عندما يلعب الهلال ..تحس باحساس غريب.

احساس لا تغيب عنه الدهشة.

تحس ان شارع البيت اتغيّر ...او ان البيت اتغيّر...المهم في حاجة بتحصل.

تتداخل الاشياء...دا في دا ...في داك.

عندما يلعب الهلال ..تشعر ان ضوء القمر اكثر بريقا ....هذه ليلة يتزين فيها (البدر).

يصل الي كماله.

قديما غني محمد وردي (كانت ساعة النصر في اكتمال الهلال).

والهلال هذه المرة ان شاءالله يكتمل حتى يصير (بدرا) وبطلا للاندية الافريقية.

نحتاج ان نختم سيرتنا بهذا الانجاز.

الارقام انصفتنا ..عندما وضعتنا على رأس القائمة الافريقية والعربية.

نحن الافضل في المنطقة ..اذن لماذا لا نحقق اللقب؟.

قد يكون الحديث عن (اللقب) الان ..امر غير منقطي ...احرى ان نتجاوز اولا محطة القطن.

ان ننتصر اولا.

ثم نفكر في التأهل لدور الاربعة.

ثم التأهل للنهائي الافريقي.

عندها فقط يحق لنا ان نتحدث عن (البطولة)...وعن اللقب.

يا الامين البرير ...خليك عارف.

نحن لو فشلنا في الفوز بالبطولة لا قدر الله ...عشر (سيكافات) ..ما بتغشنا.

اوعك تقول لينا بعمل ليكم (سيكافا).

مائة (سيكافا) ما بتحلك يا البرير.

نحن ما بغشونا بي (سيكافا).

انت قايل نحن عندنا (طابق تاني) في رأسنا.

عشان كدا ..ركزوا في البطولة.

عاوزين الكأس.

افتكر ان البطولة تحتاج ان تزين سيرتها بان يفوز بها الهلال.

البطولة الافريقية تحتاج للهلال ...تحتاج ان يفوز بها فريقا مثل الهلال.

فريق بكل هذا التاريخ.

سيرته تقترن بالسيرة الوطنية ...وشعاره الذي نرفعه (الله – الوطن – الهلال).

البطولة الافريقية تحتاج لهذا الانجاز.

تحتاج ان يتغنى بها جمهور ...مثل جمهور الهلال.

جمهور بهذا العشق.

جمهور ...يطلع حق التذكرة ...من حق الفطور ...من قروش المدرسة.

من حق اللبن.

حق الدواء.

هل هناك عشق اكبر من هذا العشق؟.

جمهور يتغنى باسم الهلال في كل المناسبات ..في كل الاماكن ...انظر سوف تجد علم الهلال يرفرف خفاقا.

يحلق عاليا.

تحتاج البطولة ان توثق لفنها بتمريرة من هيثم مصطفى حفظه الله ورعاه.

هيثم مصطفى مازالت (تمريرته) بالنهكة نفسها.

نكهة عصير (البرتقال).

شاهد هدف امبيلي في اول اغسطس.

من ديمبا لي هيثم لي امبيلي.

هدف زي المقدمة الموسيقية لاغنية محمد وردي (الود) التي كتبها عمر الطيب الدوش.

دي نكهة البرتقال.

ومرات كدا تمريرة هيثم بتكون بنكهة (البن).

شاهد هدف كاريكا في المريخ.

من الدعيع ..لي كاريكا لي القون.

طيب هيثم مصطفى هنا وين؟.

ما قلت ليكم (التمريرة) هنا بي نكهة البن.

يعني هيثم قعد مع الدعيع قبل ما يدخل ..واعطى الدعيع سر الصنعة.

غايتو يا هيثم انت ما في حاجة ناقصك غير انك تحقق كأس الاندية الافريقية مع الهلال.

لعبت في كل المنافسات التي نظمها الاتحاد الافريقي.

أية بطولة ..صغار ..كبار ..منتخبات ..اندية ..هيثم مصطفى ما شاءالله شارك فيها.

تاني يعمل ليكم شنو؟.

هسه في واحد فيكم يقول يعمل لينا (ليمون).

جنكم (ليمون).

وهيثم مصطفي اكثر كابتن في السودان ..ويمكن في افريقيا كلها رفع كأس الممتاز.

جمال الوالي دا ..ما خلى حاجة.

عمل ليه طابق تاني.

وطلع ليه جنسيات.

أي لاعب نزل معاش في بلدو معاش ...جمال الوالي جنسو.

اليجا تانا.

النونو.

لاسانا.

عيييييك.

للحضري.

40 سنة.

وغرامة.

جمال الوالي دا عمل أي حاجة ...وشال كأس الممتاز مرة واحدة بواسطة لجنة الحكام المركزية.

جمال الوالي لو كان عارف (كلتشي) بنفعو في الهلال اكتر من ما بنفعو في المريخ ...ما كان سجلو.

كلتشي كان افضل للمريخ وهو بيلعب في الهلال.

كأس الممتاز الوحيد الذي حققه المريخ ..تسبب فيه كلتشي عندما كان بيلعب في الهلال.

انتوا وين طمبل؟.

هسه طمبل ذنبو شنو؟.

بالمناسبة يا بلة جابر ...تاني ما بنسألك عن (البوفيه المفتوح).

تاريك كنت ضحية للاعلام السالب.

ناس هيثم كابو ديل كانوا عاوزين يضيعوك.

وانت ما عندك أي ذنب.

طلعت زول محترم ..وفاهم ..وبتقدر الهلال..وما عندكم أي قضية بالبوفيه المفتوح.

ونحن نشيل ونلوم فيك.

البوفيه المفتوح نحن بنخلى ...وتاني ما بنجيب ليه سيرة.

لكن (تورتة) الحضري دي ما بنفوتها.

ولا بنكذب عليكم.

الحضري شال (التورتة).

تورتة شنو؟.

الحضري شال دائرة الكورة كلها.

يا ريت لو بقت على (التورتة).

صديق على صالح.

ومصطفى توفيق.

ومجاهد احمد محمد.

انتوا يا مريخاب ...تشيلوا صديق علي صالح ...نحن ما عندنا معاكم قضية.

تشيلوا مصطفي توفيق ...نحن ما عندنا معاكم قضية.

لكن مجاهد احمد محمد دا ما بنقبل فيه كلمة.

ويا ريت لو بقت على كدا.

الحضري شال (محمد كمال).

قالوا محمد كمال اصبعو (اتكسر).

جابوا (يس).

الحضري رجع شاب (يس).

قلت ليكم الموضوع اكبر من (التورتة).

قعدت تغالطوا.

قالوا ليك زول غالط شديد.

النوع البلاقيك الصباح داك ..وبدون أي سبب بقعد يغالط فيك.

من الصباح بغالط.

في زول غالط ...لاقي ليه زول ما عندو أي قضية.

مسكو ليك ..وشبك ليك فيهو ..انا شفتك وين؟.

يا زول والله انا ما شفتك في أية حتة.

لا انا متأكد.

انا شفتك وين؟.

شفتك وين ..قول معاي ..حاول اتذكر.

يا زول انا البلد دي لي منها عشرة سنوات.

قبل العشرة سنوات كنت وين؟.

كنت في روسيا.

وقبل روسيا.

كنت في الهند.

لا ..لا انا متأكد اني شفتك.

قبل الهند كنت وين؟.

كنت في تركيا.

وقبل تركيا.

كنت في الصومال.

وقبل الصومال.

قبل الصومال كنت في ماليزيا.

لا ...لا ..انا متأكد شايفك....شايفك وين؟.

قبل ماليزيا كنت وين؟.

يا زول قبل ماليزيا كنت صغير ..كنت طفل في كندا.

وقبل كندا.

قبل كندا ..كنت (رضيع)...طفل رضيع في بلغرايا.

وقبل بلغرايا.

قبل بلغرايا ...كنت في (بطن امي).

طيب ما تقول كدا من الصباح ...اكون شفتك هناك ...خلقتك دي ما غريبة علي.

قلت ليكم زول غالط ..ما صدقتوني.

انت هسه الكلام دا كلو بسبب (تمريرة) هيثم.

تمريرة هيثم خلوها.

بكرة ان شاءالله اكتب ليكم عن (هاتريك) اتوبونج.

هاتريك عديل كدا.

ايوة هاتريك.

انتوا اصبروا بس.

هسه مزمل يقول ليك المسح (ايميل) اتوبونج منو؟.

يا مزمل شوف ايميل اتوبونج ....احسن ليكم ...الزول دا دور.

موسي الزومة تاني ما بقعد ليكم.

اتوبونج دور.

اتوقوون.

يلا بلا لخمة معاكم.

ملحوظة : الشاف المريخاب تاني قالوا ح ينظموا سيكافا ما كذب.

هوامش

مباراة المريخ ومريخ حلفا منقولة وين؟.

كل زول يلعب مع الزول القدرو.

الزول المستواه.

انا خايف الواحد ما يقدر يفرق بين المريخ العاصمي ومريخ حلفا.

الاتنين (مريخ).

عشان كدا كلموا ناس مريخ حلفا يركزوا على (الزوي) عشان نقدر نفرق بين موسي الزومة وموسي حلفا.

عاوزين تفرق بين شغيل مريخ العاصمة ..وشغيل مريخ حلفا.

قالوا ليك مريخ حلفا برضو عندو (شغيل).

وعندهم (حضري) كمان.

وتورتة برضو.

أي زول ما عندو كرت ما بشوف خليفة.

تاني نحن ما عندنا حاجة مجانية.

خليفة دا مفروض في قناة قوون تشفروه يا رمضان.

الناس ديل ما تفكوهم ساكت.

برنامج اغاني واغاني بقي زي الدوري الممتاز ..كل خمس دقائق يتوقف للاعلانات.

انتوا البرنامج دا منتجو مجدي شمس الدين.

كل العروض التي كان يتحدث عنها الحضري طلعت (كذب في كذب).

الحضري اول حاجة قال هو مطلوب من الدوري الانجليزي.

لقي حكاية الدوري الانجليزي دا ما مقسمة.

بيش.

قام قال انا مطلوب من الدوري الاسباني.

طلع كلامو هوا ساكت.

بيش.

قام قال شنو؟.

قال مطلوب من الزمالك.

ناس الزمالك ما هببوه.

بيش.

قام قال مطلوب من (المقاصة).

ناس المقاصة ما اشتغلوا بيهو.

زول مرفوض من (المقاصة) عاوزين بيهو شنو يا مريخاب.

مباراة اليوم ...لا نحتاج ان نقول ان المباراة خالصة للجمهور.

عندما يكون الجمهور في قمة روحه المعنوية ينتصر الهلال.

مهم جدا ان يكون جمهور الهلال مبتهج وسعيد.

لأن سعادة المدرجات تنتقل سريعا للملعب.

شجعوا بقوة.

شجعوا باخلاص.

وانتظروا (الهاتريك).

سادومبا يجب ان يمضي بلقب هداف البطولة بعيدا.

القطن صعب عندما يكون خارج ارضه.

ونحن اصعب في ارضنا.

واصعب وسط جمهورنا.

انتصار الهلال اليوم ان شاءالله يعني ان الهلال قطع 90% من التأهل لدور الاربعة...برنامجكم البايخ دا بقي زي (سيكافا).

عاجل: الليلة يا ناس النيل الازرق ..شوفو ليكم زول يحضر ليكم (اغاني واغاني).

انقر هنا لقراءة الخبر من مصدره.