"بسبب تزايد خطف النساء".. دعوى قضائية لإلغاء ترخيص شركتي "أوبر" و"كريم" في مصر    تعادل الزيتونة والنصر بود الكبير    تقارير تفيد بشجار "قبيح" بين مبابي والخليفي في "حديقة الأمراء"    أموال المريخ متى يفك الحظر عنها؟؟    المريخ يكسب تجربة السكة حديد بثنائية    شاهد بالفيديو.. "جيش واحد شعب واحد" تظاهرة ليلية في مدينة الفاشر بولاية شمال دارفور    لأهلي في الجزيرة    مدير عام قوات الدفاع المدني : قواتنا تقوم بعمليات تطهير لنواقل الامراض ونقل الجثث بأم درمان    قطر والقروش مطر.. في ناس أكلو كترت عدس ما أكلو في حياتهم كلها في السودان    تامر حسني يمازح باسم سمرة فى أول يوم من تصوير فيلم "ري ستارت"    وزير الخارجية : لا نمانع عودة مباحثات جدة وملتزمون بذلك    شاهد بالصورة والفيديو.. المودل آية أفرو تكشف ساقيها بشكل كامل وتستعرض جمالها ونظافة جسمها خلال جلسة "باديكير"    شاهد بالصورة.. حسناء السوشيال ميديا "لوشي" تنعي جوان الخطيب بعبارات مؤثرة: (حمودي دا حته من قلبي وياريت لو بتعرفوه زي ما أنا بعرفه ولا بتشوفوه بعيوني.. البعملو في السر مازي الظاهر ليكم)    شركة "أوبر" تعلق على حادثة الاعتداء في مصر    معظمهم نساء وأطفال 35 ألف قتيل : منظمة الصحة العالمية تحسم عدد القتلى في غزة    قرار بانهاء تكليف مفوض العون الانساني    عضو مجلس السيادة مساعد القائد العام الفريق إبراهيم جابر يطلع على الخطة التاشيرية للموسم الزراعي بولاية القضارف    عقار يؤكد سعي الحكومة وحرصها على إيصال المساعدات الإنسانية    بالفيديو.. شاهد اللحظات الأخيرة من حياة نجم السوشيال ميديا السوداني الراحل جوان الخطيب.. ظهر في "لايف" مع صديقته "أميرة" وكشف لها عن مرضه الذي كان سبباً في وفاته بعد ساعات    حتي لا يصبح جوان الخطيبي قدوة    5 طرق للتخلص من "إدمان" الخلوي في السرير    الكشف عن سلامةكافة بيانات ومعلومات صندوق الإسكان    هل يرد رونالدو صفعة الديربي لميتروفيتش؟    لاعب برشلونة السابق يحتال على ناديه    محمد وداعة يكتب:    عالم «حافة الهاوية»    انتخابات تشاد.. صاحب المركز الثاني يطعن على النتائج    انعقاد ورشة عمل لتأهيل القطاع الصناعي في السودان بالقاهرة    أسامه عبدالماجد: هدية الى جبريل و(القحاتة)    السودان..اعتقالات جديدة بأمر الخلية الأمنية    شاهد بالصور.. (بشريات العودة) لاعبو المريخ يؤدون صلاة الجمعة بمسجد النادي بحي العرضة بأم درمان    سعر الدولار مقابل الجنيه السوداني في بنك الخرطوم ليوم الأحد    "المايونيز" وراء التسمم الجماعي بأحد مطاعم الرياض    السيسي: لدينا خطة كبيرة لتطوير مساجد آل البيت    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    باحث مصري: قصة موسى والبحر خاطئة والنبي إدريس هو أوزوريس    أصحاب هواتف آيفون يواجهون مشاكل مع حساب آبل    الفيلم السوداني وداعا جوليا يفتتح مهرجان مالمو للسينما في السويد    بنقرة واحدة صار بإمكانك تحويل أي نص إلى فيديو.. تعرف إلى Vidu    كيف يُسهم الشخير في فقدان الأسنان؟    روضة الحاج: فأنا أحبكَ سيَّدي مذ لم أكُنْ حُبَّاً تخلَّلَ فيَّ كلَّ خليةٍ مذ كنتُ حتى ساعتي يتخلَّلُ!    هنيدي ومحمد رمضان ويوسف الشريف في عزاء والدة كريم عبد العزيز    أسترازينيكا تبدأ سحب لقاح كوفيد-19 عالمياً    القبض على الخادمة السودانية التي تعدت على الصغيرة أثناء صراخها بالتجمع    الصحة العالمية: نصف مستشفيات السودان خارج الخدمة    تنكُر يوقع هارباً في قبضة الشرطة بفلوريدا – صورة    معتصم اقرع: حرمة الموت وحقوق الجسد الحي    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    وزير الداخلية المكلف يقف ميدانياً على إنجازات دائرة مكافحة التهريب بعطبرة بضبطها أسلحة وأدوية ومواد غذائية متنوعة ومخلفات تعدين    بعد عام من تهجير السكان.. كيف تبدو الخرطوم؟!    العقاد والمسيح والحب    بيان جديد لشركة كهرباء السودان    أمس حبيت راسك!    جريمة مروّعة تهزّ السودانيين والمصريين    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    السلطات في السودان تعلن القبض على متهم الكويت    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



بايرن ميونخ ما طلعتوا منو إلّا ب (فانلة) باسيرو بمبا
قوون نشر في قوون يوم 16 - 02 - 2014

صيني قالوا ليه المريخ (طار) من التمهيدي...قال ليهم غريبة (طار) وإلّا بنقز؟.

حفلة بدأت الساعة حداشر وخمس دقائق مساء ..وانتهت الساعة حداشر شوكة.

في واحد قال دي شنو الحفلة الزي (تمهيدي) المريخ البتنتهي قبل ما تبدأ.

روسي اشترى ليه (بطيخة)..فتحها لقاها (صفراء)...ضرب لي صاحبو قال ليه اديني (تردد) النيلين الجديد.

صاحبو قال ليه حوّل الطبق.

الروسي حول الطبق ..البطيخة (احمرت).

فرنسي قالوا ليه دور ال (64) يعني شنو؟.

قال ليهم ما عارف ..لكن يتخيل لي حاجة عندها علاقة بالراعي الذي ظهر في اليوتيوب قبل ايام.

الفرنسي حاول يعمل فيها فاهم اي حاجة ..ناقش كل الاشياء.

الماني طلب ليه (فرخة) وضربها ليك.

طلب ليه (شية جمر) وضربها ليك.

طلب ليه (كيلو باسطة) وضربو ليك.

ثم قام وقال والله (12) مليار المريخ دي ..قدر ما تأكل منها ما تشبع...تقول قروش (نفط).

فهم جديد.

ناس المريخ السنة الماضية ..قالوا سجلوا (هيثم مصطفى) عشان يجيبوا ليهم (بطولة خارجية).

قلنا مالو؟.

برضو دا (فهم) راقي.

دا تطور في البناء الحلقومي للمنعطف الانعكاسي للتبلور الذاتي للعملية.

الحتة دي شرحها بالعربي يعني المريخ خرج من دور ال (64).

قصة (هندية).

هيثم في المريخ.

زي الزول البمشي عشان يشتري ليه (بطيخة)..يقوم يغشى عمارة الدهب.

ما في علاقة بين البطيخ والدهب.

ولا في علاقة بين كونك تدخل بالشارع دا ..وتطلع بالشارع التاني عشان تتحاشي (سيد الدكان).

سيد الدكان كلامو كتير وقدر ما تلاقيه يجيب ليك سيرة (التمهيدي)...ويسألك من عباس ود الشريف لي هسع ما عرس.

ناس المريخ كملنا ليهم فهمهم.

جابوا الحضري (44) سنة ..قالوا اذا اردنا ان نحقق بطولات لا بد من حارس مرمي كبير ...(اكرم الهادي سليم) ما بجيب ليه حاجة اكتر من (درع).

اكرم الهادي سليم اكتر حاجة ممكن يجيبها (درع).

درع او (سيارة).

او بالكتير كدا (كأس السودان) عندما ينسحب منو الهلال.

اكرم الهادي سليم لو عاوز يجيب ليه كأس ...إلا يسافر ليه (الدمازين).

كأس هو وإلّا (سمسم) البسافروا ليه في الدمازين.

المريخاب السنة الماضية.

فلقونا (تنظير).

شبكونا ليكم...نظريات ومؤتمرات ..لمن عملوا لينا صداع بالجنبة.

قلنا ما في مشكلة ..الناس ديل عندهم (طموح).

الطموح ما كعب.

موش مرات في زول في البيت يحاول يعمل فيها فنان ..يقوم يوشح ليك (الكمونية) بصورة تحفيزية كدا ..تأكل لمن قميصك تنقطع فيه (زرارة) من الشبع.

في ناس بصلحوا (حاجاتهم)...عندهم قدرة على الاقناع.

المريخاب قالوا عندهم (طموح) للبطولة.

برضو تقدم في (الفكرة).

احسن من يعملوها لينا كلها مقصورة ..وسور ..وطابق تاني...وانصاف مدني.

ما في علاقة بين المقصورة وانصاف مدني.

موش انتوا فرحانين عشان انصاف مدني (مريخية).

كدا تبقى في علاقة بين المقصورة وانصاف مدني وإلّا لا؟.

الموسم الماضي جابوا ليهم لوردات (تمهيدي) للمجلس دا.

شبكونا ليك (لوردات).

(17) لورد ..(تمهيدي) للمجلس ..المجلس الهسع قاعد دا.

جمال الوالي اختار ليه مجلس (قطاع خاص) ..عشان شنو؟.

عشان يحقق ليه بطولة خارجية.

جمال الوالي قال عصام الحاج دا ..ما بنفع معاي.

شالوا ليه عصام الحاج.

دا كلو عشان شنو؟.

عشان يجيب ليه (بطولة خارجية).

جمال الوالي ..ازهري وداعة الله ..ابعدوه ليه.

وازهري وداعة الله ما عندو اي ذنب.

بس عشان صاحب عصام الحاج.

جمال الوالي عينو في الهلال ..قال جيبوا لي (تراوري).

جابوا ليه تراوري.

شيلوا عصام الحاج يشيلوا عصام الحاج.

جيبوا لي تراوري يجيبوا ليه تراوري.

تراوري يعمل شنو يعني مع ناس بلة جابر ديل.

تراوري في المريخ بقى زي ناس الفنون الشعبية يترس بدون كورة.

تراوري شن نفعو.

زمان هيثم طمبل عمل شنو للمريخ؟.

كلتشي ذاتو عمل شنو؟.

كلتشي في المريخ عملها ليهم كلها (امريكا).

لقى الهملة دي.

طبعكم كعب ..اي لاعب في الهلال عاوزنو يجي يلعب معاكم.

ديل كابتن الهلال بعد (17) سنة شالوه.

طبع كعب.

التسجيلات الاخيرة ...دخلوها ناس المريخ من اجل حاجة واحدة ..من اجل شنو؟.

من اجل الفوز ببطولة خارجية.

جابوا باسيرو...(مليار و750 الف جنيه).

جابوا مالك اسحق....(مليار ونص).

جابوا تراوري....(2 مليار جنيه).

جابوا شيلميس.....(مليار).

ديل الحبش ما خلوهم.

جابوا اوليفيه....(نص مليار).

جابوا غاندي...(نص مليار).

جابوا باسكال...(مليار).

ولعبوا مع بايرن ميونخ الالماني (12 مليار).

المليارات دي كلها طلعت من التمهيدي.

مليارات السواد.

وفوق ديل كلهم اديناهم فوق الاجانب ديل (هيثم مصطفى)..قالوا نحن عندنا مشكلة في (القيادة).

اديناهم (قيادة) جاهزة ما بحلموا بيها.

خلوا القيادة هنا ومشوا ينافسوا بي ناس باسكال.

اها ديل يا جماعة قصرنا معاهم في حاجة.

المريخاب ...كملوا الفهم دا في التسجيلات والتجهيزات.

قاموا عملوا شنو؟.

دخلوا ليهم معسكر مقفول قبل شهرين...شيء في الخرطوم وشيء في الدوحة.

قلنا ليهم يا جماعة (التمهيدي) دا ما محتاج للمواضيع دا كلها.

الموضوع ما بستاهل.

في طالب في (الروضة) بقرأ مقرارات كلية الطب.

التمهيدي دا معسكر في (جبل طورية) كتير عليه.

قالوا لا..نحن السنة دي بنخطط من اجل البطولة الخاريجة.

شبكونا ليك (العالمي) العالمي العالمي.

نحن قلنا يا ربي قاصدين شنو بالعالمي...دا عماري جديد.

وإلّا مطعم سمك.

وإلّا (رغيف) سوبر.

اتاريهم قاصدين بالعالمي المريخ.

الكلام ما وقع لينا.

قلنا ليهم ..المريخ دا (عالمي) بي ناس بسكال.

بي ناس بلة جابر.

حكاية (العالمي) دي بتذكرني ليك بي صاحب مطعم بعمل (قراصة) بلدية حاجة ما تخلص.

مطعم متخصص في القراصة البلدية.

صاحب المطعم دا ..قامت ركبت ليه في رأسو...قال عاوز يقلب المطعم دا المطعم (العالمي).

عندو صاحبو (مفتح)..قال ليه اسمع لو عاوز اقلب المطعم دا المطعم (العالمي) اعمل شنو؟.

صاحبو قال ليه بسيطة ..(القراصة) البتعملها دي ..زيد ليها (الخميرة) ..وشيل اللافتة القديمة واعمل لافتة جديدة واكتب فيها المطعم (العالمي).

صاحب المطعم طبق النظرية ..زاد (الخميرة) ..القراصة (اتنفخت)..كتب على المطعم المطعم (العالمي).

هسع ناس المريخ عاوزين يعلموا نفس الحاجة.

زادوا (الخميرة) ...واطلقوا على المريخ اسم (العالمي).

يا جماعة الله ..الف مرة قلنا ليكم ما في (عالمي) بيلعب في دور ال (64).

بص الولاية ..ما بصل الحارة (64).

انتوا (عالمي) وبتلعبوا كمان في دور ال (64).

والله انا ما غايظني إلا معسكر الدوحة.

لعبوا امام بايرن ميونخ (12 مليار جينه).

ولعبوا امام زينت الروسي.

ولعبوا امام الوحدات الاردني.

ولعبوا امام ريد بول النمساوي.

وطلعوا من دور ال (64).

الظاهر تجربة بايرن ميونخ ما استفدتوا منها اي شيء.

ما طلعتوا منها بي اي حاجة.

الحاجة الوحيدة التى طلعتوا بيها من مباراة بايرن ميونخ هي (الفانلة) التى اخذها باسيرو بمبا من احد لاعبي بايرن ميونخ.

تاني ما استفدتوا حاجة.

فانلة باسيرو بمبا ..وسيارة اكرم الهادي سليم.

تاني (ابرة) ما طلعتوا بيها من تجربة بايرن ميونخ.

هسع نحن نفهم شنو بعد الخروج من دور ال (64).

نفهم ان معسكر المريخ في الدوحة دا كان من اجل النيل الحصاحيصا.

يعني المريخ استعد لفريق الاهلي عطبرة ب (بايرن ميونخ) الالماني.

قام عمل شنو؟.

قام فاز على الاهلي عطبرة 3 / صفر.

المريخ استعد لفريق الاهلي الخرطوم بي (ريد بول) النمساوي.

واستعد لمريخ الفاشر ب (زينت) الروسي.

وطلعوا من دور ال (64).

دور ال (64) دا لو رسلتوا ليه (11) ولد من الميناء البري الخرطوم ..بتأهلو وبجوا راجعين.

انتوا يا ناس المريخ ب (3) تجارب اوروبية (بايرن ميونخ وزينت وريد بول)..طلعتوا من دور ال (64).

المريخ لعب تجربة اسيوية مع (الوحدات)...وتجربة افريقية مع (الملكية) جوبا ..وطلع من دور ال (64).

المريخ فيه (7) اجانب ...باسكال وغاندي ومالك اسحق وباسيرو واوليفيه وتراوري وشيلميس..وطلع من دور ال (64).

المريخ (العالمي) طلع من التمهيدي.

المريخ بقيادة مجلس ادارة بقيادة جمال الوالي شخصيا طلع من دور ال (64).

المريخ بجهاز فني (الماني) بقيادة المدير الفني مايكل كروجر طار من التمهيدي.

يا جدعان.

يا عالم.

يا ناس.

المريخ خرج امام فريق كمبالا سيتي اليوغندي ..فريق الرصيد ابو (10) جنيهات بقسموه على كشف الفريق كلو.

المريخ دا طول ما هو بيلعب في (التمهيدي) مفروض اول حاجة نعملها نطلعو من ام درمان ..يشوفوا ليه اي مدينة تانية غير (ام درمان).

ام درمان الخروج من دور ال (64) لا بتستحملو ولا حاجة.

غير كدا شوفوا ليكم رئيس تاني غير جمال (الوالي)..شافوا ليكم (معتمد)...ما معقول فريق يطلع من دور ال (64) ويكون على قيادة المجلس (الوالي).

شوفوا جمال المعتمد او جمال المحافظ ...جمال الوالي كتير على المريخ بي حالتو دي.

(7) اجانب ما في ليهم اي داعي ...خسارة (مرتبات) وعملات صعبة ساكت.

اكتفوا ب (اوليفه وغاندي).

ناس باسكال وباسيرو وتراوري ومالك وشيلميس ما في ليهم اي داعي.

كروجر ذاتو يرجع اهلو..شوفوا ليكم مدرب وطني.

الكلام دا ما في ليه داعي.

كروجر لو ما عاوزين ترجعوه شلخوه ..خلوه واحد مننا زي تاي الله ..وخليفة ..والجزولي ود احمد.

مقصورتكم ذاتها ..اقلبوها (صالة).

وعبدالصمد محمد عثمان ..خلوه يركز في مدارس الخرطوم (العالمية)...ناس (العالمي) ديل ما عندهم ليك شيء.

ملحوظة : ادخلوا لي بعد كدا على الهوامش.

هوامش

يا خالد الاعيسر بختك.

ناس المريخ تاني ما عندهم غير يحولوا (الطبق) ويقعدوا يحرسوا قناة النيلين.

عندهم شنو تاني.

لا مشاركة في بطولة افريقية ولا بطولة عربية.

الدوري الممتاز بس.

والدوري الممتاز ذاتو لو ما حولتوا (الطبق) يا ناس المريخ ما بتشوفوه.

الحمدلله ..هيثم مصطفى ما شارك في التمهيدي دا.

مالو ومال (التمهيدي) كمان.

لا هيثم ولا علاءالدين يوسف.

تراوري طبعا (غشيم).

عشان كدا (اتمهد) في المريخ لمن فهم حاجة.

المريخ قدم شكوي.

يا ربي في حارس مرمى كمبالا سيتي وإلّا في هيثم مصطفى؟.

المريخ في الخرطوم منح (ضربة جزاء).

المريخ في كمبالا سيتي منح (ضربة جزاء).

احق زول بالتحفيز ..هم (حكام المباراة).

عدم تلفزة المباراة ..اثار الكثير من الشكوك.

خالد الاعيسر كان واضح ..واعلنها صراحة.

جمال الوالي تدخل بصورة واضحة من اجل عدم تلفزة المباراة.

الافارقة ديل لو دفعوا ليهم ..المباراة ذاتها يمكن ما يلعبوها.

تقول لي يتلفزوها.

كروجر قدم استقالته.

زول طلع من (التمهيدي) مفروض يقدم مع الاستقالة ...حياته.

طبعا جمال الوالي بكرة ح يجتمع مع اللاعبين.

يقوم يتكلم معاهم.

لاعبو المريخ ..يقوموا يعاهدوا جمال الوالي بالتعويض في الممتاز ..وعدم الخروج مرة اخرى من (التمهيدي).

الحاجات دي نحن حافظنها حفظ.

جماهير المريخ ح تستقبل بعثة المريخ في المطار (متعودة دائما).

وما بعيد كروجر يطالب بتحفيز لاعبي المريخ.

كروجر كان في اي تجربة ودية يقول استفدت من التجربة.

اها ورينا يا كروجر استفادتك دي راحت وين؟.

شابكنا استفدت ...استفدت ..لمن طلعت من (التمهيدي).

عبدالصمد محمد عثمان ...اوعكم يقود بعثة نادي المريخ الي شندي.

نحن كلمناكم.

اوعكم من عبدالصمد.

اكرم الهادي سليم ..بعد (السيارة) بقى ما عندو اي طموح.

لو شغل (السيارة) نقل طاريء ما فارقة معاه.

العالمي بقى (محلي) ليه ضل.

محلي ..ابعد حتة ممكن يسافر ليها (كادوقلي).

تاني ما بتشوفوا ليكم طيارة.

إلّا للفاشر.

كملتوا (الطيران).

زي ما بقول كمال ترباس ..او على نسقو ..الطيران الطارو المريخ (صقر) ما طارو.

المريخ مفروض يعمل (توأمة) مع النيل الحصاحيصا.

بقيتوا زي النيل الحصاحيصا ومريخ الفاشر والاهلي عطبرة.

معقولة تطلعوا من دور ال(64).

لو كنتوا بتلعبوا بالرديف كان اتأهلتو لدور ال (32).

يا حليل مريخ (اي دمعة حزن لا لا).

زمان على الاقل كان في اعتراف.

هسع الجماعة ديل بقوا يتغلبوا ويقولوا ليك المريخ قدم عرض جميل.

اها اشبعوا بالعروض الجميلة.

مالك مفروض يمشي يقعد في شندي ...(المريخ يعمل بيك شنو بعد كدا).

باسيرو ذاتو شوفوا ليه (فرقة موسيقية) يشتغل فيها.

....

عاجل : المريخ (طار) لكن يمكن (يرك) في اي لحظة ان شاءالله في (نافورة).

انقر هنا لقراءة الخبر من مصدره.