احتفالا بالذكرى الأولى لزواج الامير الحسين والاميرة رجوة.. نشر أول صور رسمية للأميرة تظهر حملها الاول    ريال مدريد يصطدم بأتالانتا في السوبر الأوروبي    ما شروط التقديم؟ السودان بين الاكثر طلبا.. الجنسية المصرية تجذب الأجانب وتسجيل طلبات من 7 دول مختلفة    أمير قطر في الإمارات    والي الخرطوم يدعو الدفاع المدني لمراجعة جميع المباني المتأثرة بالقصف للتأكد من سلامتها    بيلينجهام لمورينيو: ماما معجبة جداً بك منذ سنوات وتريد أن تلتقط بعض الصور معك    شاهد بالفيديو.. ياسر العطا يقطع بعدم العودة للتفاوض إلا بالالتزام بمخرجات منبر جدة ويقول لعقار "تمام سيادة نائب الرئيس جيشك جاهز"    عقار يشدد على ضرورة توفير إحتياطي البترول والكهرباء    ريال مدريد الإسباني بطل أوروبا    (زعيم آسيا يغرد خارج السرب)    القبض على بلوغر مصرية بتهمة بث فيديوهات خادشة للحياء    القبض على بلوغر مصرية بتهمة بث فيديوهات خادشة للحياء    داخل غرفتها.. شاهد أول صورة ل بطلة إعلان دقوا الشماسي من شهر العسل    قنصل السودان بأسوان يقرع جرس بدء امتحانات الشهادة الابتدائية    المريخ يتدرب على اللمسة الواحدة    إعلان قائمة المنتخب لمباراتي موريتانيا وجنوب السودان    بدء الضخ التجريبي لمحطة مياه المنارة    صلاح ينضم لمنتخب مصر تحت قيادة التوأمين    بعد الإدانة التاريخية لترامب.. نجمة الأفلام الإباحية لم تنبس ببنت شفة    شاهد بالفيديو.. وسط سخرية كبيرة من الجمهور.. أحد أفراد الدعم السريع يظهر وهو يغني أغنية "هندية" ومتابعون: (أغنية أم قرون مالها عيبها لي)    شاهد.. زوج نجمة السوشيال ميديا أمنية شهلي يتغزل فيها بلقطة من داخل الطائرة: (بريده براها ترتاح روحى كل ما أطراها ست البيت)    بعد الإدانة التاريخية.. هل يستطيع ترامب العفو عن نفسه إذا نجح بالانتخابات؟    شاهد بالفيديو.. شباب سودانيون يقدمون فواصل من الرقص "الفاضح" خلال حفل أحيته مطربة سودانية داخل إحدى الشقق ومتابعون: (خجلنا ليكم والله ليها حق الحرب تجينا وما تنتهي)    "إلى دبي".. تقرير يكشف "تهريب أطنان من الذهب الأفريقي" وردّ إماراتي    في بورتسودان هذه الأيام أطلت ظاهرة استئجار الشقق بواسطة الشركات!    دفعة مالية سعودية ضخمة لشركة ذكاء اصطناعي صينية.. ومصدر يكشف السبب    مسؤول سوداني يكشف معلومات بشأن القاعدة الروسية في البحر الأحمر    محمد صبحي: مهموم بالفن واستعد لعمل مسرحي جديد    فيصل محمد صالح يكتب: مؤتمر «تقدم»… آمال وتحديات    ميتروفيتش والحظ يهزمان رونالدو مجددا    السعودية تتجه لجمع نحو 13 مليار دولار من بيع جديد لأسهم في أرامكو    خطاب مرتقب لبايدن بشأن الشرق الأوسط    مذكرة تفاهم بين النيل الازرق والشركة السودانية للمناطق والاسواق الحرة    سنار.. إبادة كريمات وحبوب زيادة الوزن وشباك صيد الأسماك وكميات من الصمغ العربي    السودان.. القبض على"المتّهم المتخصص"    قوات الدفاع المدني ولاية البحر الأحمر تسيطر على حريق في الخط الناقل بأربعات – صورة    دراسة "مرعبة".. طفل من كل 8 في العالم ضحية "مواد إباحية"    الأجهزة الأمنية تكثف جهودها لكشف ملابسات العثور على جثة سوداني في الطريق الصحراوي ب قنا    ماذا بعد سدادها 8 ملايين جنيه" .. شيرين عبد الوهاب    نجل نتانياهو ينشر فيديو تهديد بانقلاب عسكري    الغرب والإنسانية المتوحشة    رسالة ..إلى أهل السودان    شركة الكهرباء تهدد مركز أمراض وغسيل الكلى في بورتسودان بقطع التيار الكهربائي بسبب تراكم الديون    من هو الأعمى؟!    اليوم العالمي للشاي.. فوائد صحية وتراث ثقافي    حكم الترحم على من اشتهر بالتشبه بالنساء وجاهر بذلك    متغيرات جديدة تهدد ب"موجة كورونا صيفية"    مطالبة بتشديد الرقابة على المكملات الغذائية    السودان..الكشف عن أسباب انقلاب عربة قائد كتيبة البراء    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    حتي لا يصبح جوان الخطيبي قدوة    أسامه عبدالماجد: هدية الى جبريل و(القحاتة)    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    الفيلم السوداني وداعا جوليا يفتتح مهرجان مالمو للسينما في السويد    كيف يُسهم الشخير في فقدان الأسنان؟    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



خدمة التواصل (الوارغ آب)
قوون نشر في قوون يوم 19 - 02 - 2014

الهلالاب دائما اصحاب (نظام) حديث ..وفريد ..وعندهم (هارموني) خاص.

الشاي بالزلابية دي اختراع (هلالي) خالص.

ناس المريخ ديل لو قعدوا (350) سنة ما بخترعوا ليهم حاجة بالشكل دا.

يتخيل لي الهلالاب ديل هم الاخترعوا (التمريرة القصيرة).

هيثم مصطفى كانت عندو جولات وصولات في الحتة دي.

وهيثم مصطفى هو الاخترع حكاية (تمريرة) القون.

هيثم مصطفى عندو (360) رواية للقون.

هسع هيثم مصطفى في المريخ طبعا شغال بي رواية واحدة في المريخ.

فرد (بلك).

وهم الاخترعوا (الون تو).

من زمن حمد والديبة ..الناس كانت تشيل (قفتها)..وتمشي على الاستاد.

في زول بمشي الاستاد بي (قفه).

حمد والديبة ..اجبروا الجمهور يدخلوا الاستاد ب (قفة).

الون تو ..عندهم زي (السمك).

قالوا ليك زمن حمد والديبة ..الناس كانوا بشبعوا عديل كدا من (الون تو).

ناس الهلال عندهم (ابتكارات) بهذا الشكل.

شفوت.

وعارفين اي حاجة.

ناس الهلال هم الاخترعوا المرقه يوم الخميس العصر.

هم في الغالب اصحاب (ابتكارات) عديدة...وفهم حديث.

بحبوا (التفردات).

الواحد من تلقى (متفرد) كدا ..اعرف طوالي انو (هلالابي).

اقول ليكم حاجة بالاثبات والتفرد.

عوض احمودي عازف العود الشهير (هلالابي).

هلالابي اكتر من بشة.

قالوا ليك كمان عوض احمودي دا ... (هوبة) مهند الطاهر بتطربو ليك اكتر من (القمر بوبا).

وعازف آلة البيكلو ..اسامة بيكلو ...هلالابي بشاكل ضلو في الهلال.

بيكلو بعزف ليك هدف (بويا) في الحضري زي (لن ننسى اياما مضت).

اها عليكم الله في (تفرد) اكتر من كدا.

غايتو الهلالاب ديل عندهم جنس (تفردات).

خالد عزالدين سنة 2007م كان عندو تقلعية (النظام العالمي الجديد) عندما كان الهلال فارض ليه (نظام) براهو.

الكلام دا قبل الجماعة ديل ما يلطشوا اسم (العالمي).

حاجاتنا برانا.

ما زي جماعتنا (البشفوا) ديل.

يشفّوا لينا في (الالقاب) من جوة وبرة ..ويجوا يلصقوها على المريخ.

المريخاب لطشوا من الهلال لقب (الزعيم).

فكينا ليهم (الزعيم)..يعني شنو؟...هو قالوا ليكم (الزعامة) في الاسماء.

الزعامة بالفعل.

الهلالاب عشان (شفوت) ..خلوا ليك المريخاب يعلقوا في اسم (الزعيم)...قاموا اطلقوا على هلال الملايين اسم (سيد البلد).

هسع اسم (سيد البلد) بنشف ليك في (ريق) المريخاب ..الواحد من تجيب ليه سيرة (سيد البلد) يقعد يعاين للساعة.

طبعا الزول لو عاوز تعرفو مضايق شديد شوفو لو كان بعاين في الساعة ..طوالي اعرف الزول دا (قرفان).

ونفسو مارقة.

مباراة الهلال وتشيلسي التى لعبت يوم الاثنين الماضية ...كان فيها (فنون) جميلة.

كان فيها معارض تشكيلية.

كان فيها (ندوات ثقافية) بين مهند الطاهر ومحمد احمد بشة.

قالوا ظهرت في تلك المباراة (الثنائيات) من جديد...تاني رجعوا يولدوا (الكهربة) من ثنائيات الهلال.

والشاي باللبن.

الهلالاب رجعوا ينوتوا ليكم (التمريرات)...ويهرمونها ليك...لمن تتهرمن.

اول انتوا فاكرين انا جبت ليكم سيرة عوض احمودي واسامة بيكلو ساكت.

نحن ما قاعدين نتكلم ساكت.

ما عندنا حاجة بنقطعها من رأسنا.

نحن اي حاجة عندنا بي نظام.

قالوا ليك في مباراة الهلال وتشيلسي الودية ...ناس وليد علاءالدين ..شغالين زي كأنهم في اوركسترا الاذاعة.

ما شاءالله ..ما شاءالله.

اي (مشجع) في الاستاد طلع مبسوط..زي كأنو طالع من حفلة (عقد الجلاد).

الشاف (سيدي بيه) كلو ..قال انتوا (الفاتح وديدي) دا نظرتو بعيدة الي هذه الدرجة.

هسع دا بطروده.

لو دي ما (امرخة) ساكت.

الحمدلله ناس الاتحاد التفتوا للموضوع ..قاموا رجعوا (السكر) للتموين تاني.

اقصد رجعوا (سيدي بيه).

الناس طلعت من الفرجة في (سيدي بيه) زي كأنها طالعة من (قاعة الصداقة).

نضاف ..وجداد ... وما بشكوا من اي حاجة.

كأنهم طالعين من حفل موسيقي ..منتشيين وبيلمعوا ..وما شايلين هم.

تسالي ما شايلين.

طبعا (التسالي) دليل (قلق).

طالعين (فرايحية).

ما زي الزول وقت يكون طالع من السوق الساعة اربعة شايل ليه (بطيخة)..وجريدة.

المعنى كدا (مقطع) اي حاجة.

نحن قبل الاقوان في الهلال بتهمنا (العروض).

لكن طبعا ما للدرجة ناس المريخ ..يتغلبوا امام بايرن ميونخ ..يقولوا ليك المريخ قدم عرض جميل.

العرض الجميل القدمو منو (عنكبة).

يتغلبوا امام زينت الروسي ..يقولوا ليك المريخ قدم عرض جميل.

العرض الجميل القدمو منو (ضفر).

يتغلبوا امام الوحدات الاردني يقولوا ليك المريخ قدم عرض جميل.

العرض الجميل القدمو منو (بلة جابر).

يتغلبوا امام ريد بول النمساوي يقولوا ليك المريخ قدم عرض جميل.

العرض الجميل القدمو منو (موسى الزومة).

يتغلبوا من كمبالا سيتي يقولوا ليك المريخ قدم عرض جميل.

العرض الجميل القدمو منو (احمد الباشا).

انتوا تعالوا هنا ..انا عاوز اسألكم سؤال.

انتوا فريق كورة قدم وإلّا شركة اتصالات؟.

عاوزين نعرف ..عاوزين نفهم.

العروض الجميلة ..البتطلعكم من (التمهيدي) عاوزين بيها شنو؟.

دي زي (عروض) طابور الصباح في مدرسة الاساس.

شن فائدتها العروض؟.

شن طعمها؟.

الهلالاب (شفوت) ..اول حاجة بحسموا النتيجة ..بعد كدا بقبلوا على (العروض).

يعني لو نيمار لعب ليه كورة بالكعب وبرشلونة مغلوبة ...الاستاد كلو بهتف ضدو.

بهتفوا بالاسباني طبعا.

ورنالدو ..لو ثبت ليه كورة بي صدرو لعبها برة الشبكة ...وريال مدرب مغلوب ...الاستاد كلو بقول ليه انت الفلهمة ليك شنو ؟..عشان تلعب لينا بي (صدرك).

لذلك ناس الهلال مفروض يفهموا الحتة دي ...العروض بتأتي بعد (النتيجة)..وبعد ما تحسموا المباراة.

الايامات دي قالوا ليك ناس الهلال عندهم خدمة تواصل جديدة.

خدمة قالوا اخطر من (الواتس آب).

خدمة جديدة ..اسمها (الوارغ آب).

الخدمة دي حقت (وارغو)...الزول دا قالوا ليكم دخل ليه (نظام) جديد في تنكلوجيا الهلال.

المريخاب طبعا عارفين التكنلوجيا دي.

جمال الوالي قال وارغو ح ينجح في الهلال.

الامين العام ..قال وارغو ح ينجح في الهلال.

هم عارفنو.

ناقشين التكنلوجيا الشغال بيها (وارغو).

خدمة (الوارغ آب) دي ..ح ندشنها في اول مباراة رسمية للهلال.

ان شاءالله تشوفوها في كادوقلي.

عشان تفهموا الخدمة دي كيف؟.

بعدين خدمة (الوارغ آب) دي ما فيها تعقيدات كتيرة زي (الواتس آب) هي خدمة اكثر تقدما.

يعني (ضفر) ...لو دخل (الوارغ آب)..بكون دا اخر ظهور ليه في عمرو.

تاني ما بظهر.

الواتس آب ..طبعا عاوز (جلاكسي).

اها خدمة الوارغ آب ..دي ما عاوزة اكتر من انك تكون (هلالابي) وتقعد تستمتع بالخدمة.

تستمتع بالروعة.

سيدي بيه مع وارغو ..ومهند الطاهر مع وليد علاءالدين.

نزار الصاقعة مع محمد أحمد بشة...تاني عاوزين اكتر من كدا شنو؟.

تدخل (الوارغ آب)..طوالي الهلال بجيب قون.

كاريكا يفتح في الشمال.

وكوليبالي يفتح في العمق.

بكري المدينة يدخل (الوارغ آب) باليمين ..الكورة طوالي تجي (هدف).

اها نوع الفنون دي.

نوع المتعة دي.

نوع الروعة دي.

عليكم الله بتلقوها في الواتس آب.

التنكلوجيا دي ناس سعيد السعودي ما بستوعبوها لينا.

فيصل العجب طبعا عمل (خروج) ومشى مريخ الفاشر.

القعاد في الخرطوم ما نفع معاه.

البقعدو مع ناس ضفر ديل شنو؟.

انتوا عارفين خدمة التواصل (الوارغ آب) دي المعطلها شنو؟.

عارفين ..مشكلتها الوحيدة شنو؟.

استاد الخرطوم دا.

خلوا استاد الهلال يتكتمل وتعالوا شوفوا العجائب.

ح تستمتعوا عديل كدا.

خدمة (الوارغ آب) عاوزة بس ارضية ملعب جيدة ..وتحكيم نضيف ..وادخلوا للتواصل.

ملحوظة : تاني ما بتنوموا.

هوامش

مع خدمة (الوارغ آب) دي لا عرفت اكمل العمود ..لا عرفت اشاهد مباراة برشلونة وسيتي.

تلخبطوا الزول في تواصلو.

الاتحاد العام جمد عقوبة سيدي بيه.

يكون البلد ما فيها (سكر).

قلق واصل تألقه مع الخرطوم الوطني.

فيصل العجب في منتهى التألق مع مريخ الفاشر.

وبعد دا ناس المريخ عاوزين يطلعوا من (التمهيدي).

انتوا طفشتوا العجب ..وطفشتوا قلق ..وعاوزين تتأهلو.

تتأهلو بي منو؟.

بي ناس ضفر وعنكبة.

عليكم الله هسع قلق وإلا عنكبة؟.

العجب وإلّا عنكبة.

العجب دا لو قعد ليكم في بيتو ..احسن ليكم من مشاركة عنكبة.

كورنر من العجب ....ولا قون من عنكبة.

كمان نحن ما بنعرف.

كمان نحن ما بنقول الحقيقة.

كمان نحن ما بنعرف.الموضوع واحد ...ما عاوز ليه اي (جرجرة).

الموضوع ما عاوز ليه (تلتلة).

تطلعوا من (التمهيدي) وتقعدوا في شارع النيل.

شارع النيل علاقتو شنو بي التمهيدي.

انتوا يا الهلالاب ..ساكت عاوزين تجيبوا سيرة (التمهيدي).

قالوا ليك مريخابي طقتو عربية.

شالوه وجرى على المستشفى.

الدكتور عاين ليه كدا ..لقى عندو (تمهيدي) في الشريان.

طبعا ما في علاقة بين التمهيدي وحادث الحركة.

لكن نحن الهلالاب شفوت.

بنعرف نلقى لينا (مدخل).

ما بنعدم المدخل.

....

عاجل : انتوا السويدي (ابرا) قايل نفسو مهند الطاهر ..مالو بجيب في الاقوان بالطريقة دي.

انقر هنا لقراءة الخبر من مصدره.