# جاء في الاخبار عن طريق الوكالات من لندن ان ندوة كانت على الهواء شارك فيها جورج بوش الرئيس الامريكي السابق وبيل كلينتون الرئيس الأسبق جرى فيها ما يلي: # ان جورج بوش الذي تحكم بمقدرات العالم ثماني سنوات وبعد تسليمه الحكم لاوباما أصبحت مهامه الحالية تقتصر على تنفيذ اوامر زوجته »لورا« والتي طلبت منه التنظيف وراء كلب العائلة »بارني« في الحي السكني »بدلاس«. بوش قال بعظمه لسانه امام 6 آلاف شخص في الندوة في تورنتو قبل فترة الماضي ان سعادته شايل كيس نايلون وماشي يلتقط »مؤاخذة الكلب«، صاحبنا بوش بدل يشاكل مرته مشى اشتكى لي امه باربرا، وقال لناس الندوة انه منذ ان ترك الحكم قبل فترة قاعد ساي وشكرهم لأنهم اعطوه فرصة علشان يعمل حاجة. # بيل كلينتون الرئيس الاسبق شارك ايضاً في الندوة وصرح انه لم يكن خائفاً من خيانة زوجته عندما كان رئيساً وان تحديه الجديد الان هو الصحف والخوف من ان يقول كلام »يجلط« فيه لأن زوجته بقت وزيرة سياسية مهمة، مذيع ساخر قال بعد الندوة بساعتين : الرئيسان ما قالوا حاجة مفيدة كما خرجت مظاهرات من مئات الاشخاص احتجاجاً وحمل المتظاهرون احذية لرشق الرئيسين على الطريقة الزيدية العراقية كما حملوا صورة بوش وكتبوا عليها »مذنب« ومجرم حرب وطالبوا بارسال بوش وديك تشيني إلى لاهاي للمحكمة الدولية. # كلينتون طلع عضو منظمةWeak Husbands Organization »W.H.O« (جمعية الأزواج الضعفاء)، ولاذ بالصمت والصبر وقال خشمي عندي »يا ولد ياحمش«. علمت الجاسوسة الحسناء ان »اوكامبو« العامل رامبو برضو طلع يرجف من الوليه ويسلمها الماهية. وما بيخلي مشوار للعشية »ما قلتو نوبة«. هدايا الحلقة المأذون للعريس: ردد وراي »اقسم برب البرية ان أكون مطيعاً للولية وان أسلمها الماهية وكل الحوافز الشهرية وحسابات البنوك المخفية وان اخرِّط ليها الملوخية وان أكون في البيت قبل المغربية، وحسبي الله ونعم الوكيل من العرسة دية«!. واحدة قالت لراجلها: انا نسيت الشنطة في البيت عايزة ألف جنيه ضروري قال ليها هاكي 10 جنيه امشي جيبيها وتعالي!. الأستاذ: ما الذي يسبب نزول العرق وزيادة ضربات القلب؟ الطالب: أسئلتك يا استاذ!. الزوجة: شوف في حرامي في المطبخ بياكل في الحلة العملتها ليك الراجل: هسي أنا اطلب ليه منو؟ البوليس ولا الاسعاف؟!. المعلم: ما هي أحبة دولة لديك؟. التلميذ: تشكوسلوفاكيا المعلم: اطلع اكتبها على السبورة التلميذ: أنا يا استاذ بهظر أنا بحب مصر!. بخيل فتح سوبر ماركت ولده جاء وقعد يعاين للشامبو ابوه فهم انه نفسه فيه قام حلق ليه صلعة على الزيرو!. بتاع خيال بينصح في صاحبه: قال ليه ما تدي سرك إلا لحبوبتك لأن سمعها تقيل وبتنسى بسرعة!. حناكيش طلعوا في مظاهرة غلاء الأسعار بوليس مكافحة الشغب فك فيهم بخور تيمان!. موقف المريخ زي موقف شروني، المواقف نضيفة ومسفلتة والحافلات مافي، ربنا يعدي باقي الموسم على خير. هاك مهند وبشة ديل!. نصيحة: اتزوج أجنبية ودخلها الإسلام أحسن من تتزوج عربية تكفرك!. جزار مشى يخطب، ابو العروس قال ليه عايز مهر 50 مليون جنيه. الجزار قال ليهو: ليه؟ حسبت الكيلو بي كم؟! واحد رمى يمين الطلاق على زوجته »زاغت منه«! إيراني تزوج كورية جابو ولد سموهو آية الله سوزوكي!. الشافع قال لامه بتعذبيني ليه اصلو انا بابا!. واحدة قالت لي جارتها شفتي المصيبة رسلت راجلي يجيب ملوخية ضربه دفار كتله، قالت ليها سجمي وعملت شنو؟ قالت ليها: ابدًا عملت ام رقيقة!. واحد قال لصاحبه الشكلة البينك وبين زوجتك انتهت على شنو؟ قال ليه كيف الوليه اجرست وركعت على رجليها. قال ليه: عندما ركعت قالت ليك شنو؟ قال ليه: قالت لي انت لو راجل اطلع من تحت السرير يا جبان. خاتمة: # قالوا سيدى بي سيدو والتعملوا بي ايدك يغلب أجاويدك، عرفنا ان وريق الخضرة وفرمها هو لغة عالمية، والله نسوانا فيهم هوده. وريق الخضرة ممكن لكن قش الحوش وعمل بامبرز للكلب دي كتيرة يا امريكا. مع تحياتى،،، د. احمد دوله