هل كانت المرأة مسؤولة عن توزيع الميراث في "مصر القديمة"؟    تُقلل الوفاة المبكرة بنسبة الثلث.. ما هي الأغذية الصديقة للأرض؟    في المؤتمر الصحفي للمدرب كواسي أبياه..المباراة لن تكون سهلة ونملك الخبرة الكافية في مثل هذه المواجهات    بتشريف الرئيس سلفاكير ورئيس الفيفا…منتخبنا الوطني ينازل شقيقه في جنوب السودان    الجهاز الفني يقدم محاضرة المباراة ويعلن التشكيلة والجكومي يخاطب اللاعبين    4 عيوب بالأضحية لا تجيز ذبحها    الملازم أول (م) محمد صديق إبراهيم: لا يبالي على أي شق كان للوطن مصرعه    ليفربول يخطط لإبقاء صلاح تفاديا لسيناريو "الرحيل المجاني"    لماذا قد تبدي "حماس" تحفظًا على قرار مجلس الأمن؟    قنصل السودان بأسوان عبد القادر عبد الله يعلن دفن 51 جثماناً خلال ثلاثة أيام    بفستان أخضر.. إلهام شاهين وإيناس الدغيدي في العرض الخاص لأهل الكهف    وزير الداخليه المكلف يتفقد منطقة اوسيف    عدوي: السودان يمر بظروف بالغة التعقيد ومهددات استهدفت هويته    قصة عصابة سودانية بالقاهرة تقودها فتاة ونجل طبيب شرعي شهير تنصب كمين لشاب سوداني بحي المهندسين.. اعتدوا عليه تحت تهديد السلاح ونهبوا أمواله والشرطة المصرية تلقي القبض عليهم    في عملية شهدت أحداث درامية بليبيا.. نادي الأهلي بنغازي يخطف لاعب الهلال السوداني جون مانو..يخفيه عن الأنظار يوم كامل ويقوم بتسجيله مقابل 450 ألف دولار للهلال ومثلها للاعب    "حكم تاريخي" على المتهمين بالعنصرية ضد فينيسيوس    نداء مهم لجميع مرضى الكلى في السودان .. سارع بالتسجيل    شاهد بالفيديو.. الراقصة آية أفرو تهاجم شباب سودانيون تحرشوا بها أثناء تقديمها برنامج على الهواء بالسعودية وتطالب مصور البرنامج بتوجيه الكاميرا نحوهم: (صورهم كلهم ديل خرفان الترند)    منظمة مشاد تستنكر الصمت الدولي تجاه انتهاكات المليشيات بمستشفى الفاشر    شاهد بالصورة والفيديو.. ظهر وهو يصنع "القراصة" ويتحدث الفرنسية بطلاقة.. شاب سوداني متخرج من أفضل الكليات بتقدير ممتاز لم يجد وظيفة وأجبرته الظروف على عمل متواضع في الخلاء    الإمارات.. الإجراءات والضوابط المتعلقة بالحالات التي يسمح فيها بالإجهاض    الحرارة وصلت 51.. تحرك برلماني لاستثناء صعيد مصر من تخفيف أحمال الكهرباء    إسرائيل: «تجسد الوهم»    الهلال الأحمر القطري يشرع في شراء الأضاحي بهدف توزيعها على النازحين    الإعدام شنقاً حتى الموت لشرطى بإدارة الأمن والمعلومات    بعد موسم خال من الألقاب.. البايرن مستعد للتخلي عن 6 لاعبين    السنغال تعمق جراح موريتانيا بعد السودان    اللعب مع الكبار آخر قفزات الجنرال في الظلام    انقطاع الكهرباء والموجة الحارة.. "معضلة" تؤرق المواطن والاقتصاد في مصر    نصائح مهمة لنوم أفضل    إغلاق مطعم مخالف لقانون الأغذية بالوكرة    شرطة بلدية القضارف تنظم حملات مشتركة لإزالة الظواهر السالبة    الجزيرة تستغيث (4)    انتظام حركة تصديرالماشية عبر ميناء دقنة بسواكن    "كعب العرقي الكعب" .. وفاة 8 أشخاص جراء التسمم الكحولي في المغرب    التضخم في مصر.. ارتفاع متوقع تحت تأثير زيادات الخبز والوقود والكهرباء    إجتماع بين وزير الصحة الإتحادي وممثل اليونسيف بالسودان    أمسية شعرية للشاعر البحريني قاسم حداد في "شومان"    تونس.. منع ارتداء "الكوفية الفلسطينية" خلال امتحانات الشهادة الثانوية    السعودية.. البدء في "تبريد" الطرق بالمشاعر المقدسة لتخفيف الحرارة عن الحجاج    بنك السودان المركزي يعمم منشورا لضبط حركة الصادر والوارد    عودة قطاع شبيه الموصلات في الولايات المتحدة    داخل غرفتها.. شاهد أول صورة ل بطلة إعلان دقوا الشماسي من شهر العسل    محمد صبحي: مهموم بالفن واستعد لعمل مسرحي جديد    خطاب مرتقب لبايدن بشأن الشرق الأوسط    السودان.. القبض على"المتّهم المتخصص"    قوات الدفاع المدني ولاية البحر الأحمر تسيطر على حريق في الخط الناقل بأربعات – صورة    الأجهزة الأمنية تكثف جهودها لكشف ملابسات العثور على جثة سوداني في الطريق الصحراوي ب قنا    ماذا بعد سدادها 8 ملايين جنيه" .. شيرين عبد الوهاب    الغرب والإنسانية المتوحشة    رسالة ..إلى أهل السودان    من هو الأعمى؟!    حكم الترحم على من اشتهر بالتشبه بالنساء وجاهر بذلك    السودان..الكشف عن أسباب انقلاب عربة قائد كتيبة البراء    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    يس علي يس يكتب: السودان في قلب الإمارات..!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



تأهل المريخ زي الزول البعرسو ليه مع اخوه
قوون نشر في قوون يوم 23 - 08 - 2015

اندية المجموعة الاولى كلها مازالت تحتفظ بحقها كامل في التأهل ...يمكن تتصدر (سموحة)..وممكن يطلع (مازيمبي)
تأهلنا بنحققو برانا ..ما بنسمع بيه في الراديو ..ولا بجيبوه لينا في رسائل الهاتف الجوال


تأهل المريخ زي شنو؟...زي الضيف البيجيك من البلد...يقعد اليوم الاول..واليوم التاني..اليوم التالت تلقاه ماسك (الريموت)


المجموعة الاولى ما في فريق حتى الآن ضمن التأهل ..وما في فريق فقد فرصته في التأهل ..من هنا تظهر قوة المجموعة
*****************************

· تأهل المريخ دا ما فيه اي (عرق).

· تأهل (معلب).

· ما فيه تعب.

· الجماعة قاعدين في (النجيلة) والشفع طالعين في (المرجيحة).

· ديل بقطعوا في النجيلة ..والشفع شاغلنهم بالمرجيحة.

· تأهلكم كدا.

· نفس الشيء.

· بلعبوا في (المرجيحة).

· او زي شنو؟.

· زي الزول البقول ليك تمشي معاي صالون الحلاقة ..تقوم تمشي عشان تنشطو.

· ما عندك اي هدف في الحلاقة.

· تلقى الصالون فاضي ...تقوم بدون ما تشعر تلقى نفسك قعدت في الكرسي.

· بدون ما تشعر تقول للحلاق ...عليك الله صلّح لي الشعر دا.

· هو وينو الشعر؟.

· رأسك يكون (صلعة)...وعاوز تحلق.

· شيل الفوطة.

· خت الفوطة.

· رش الموية.

· تدفع الحساب على كدا وتتخارج.

· وبتغش نفسك بعد السيناريو دا انك حلقت.

· الحكاية كدا.

· تأهل المريخ ..زي الزول البكون مرافق للمريض.

· الدكتور ما يلقى ليه موضوع.

· يكمل نظرياته كلها في (المريض)..وقت المرض يغلبو ..يقوم يقبل على (المرافق)..ويقول للمرافق اعمل لي فحص للدم.

· وجيب لي صورة للرأس.

· تأهل المريخ زي شنو؟.

· زي الضيف البيجيك من البلد.

· يقعد اليوم الاول.

· واليوم التاني.

· اليوم التالت تلقاه ماسك (الريموت)..لو عاوز تتابع ليك (فيلم) إلّا تنتظرو (ينوم) عشان (الريموت) يقع منو وتجيب فيلمك.

· ناس المريخ شالو (الريموت).

· لكن برموه.

· بنومو وبقع منهم.

· تأهل المريخ ..زي الزول البكون ما معزوم.

· لا كلموه.

· ولا جابو ليه كرت.

· ولا في زول عبرو.

· مع ذلك..الزول مشى المناسبة.

· جابوا ليك (الغداء)..استلم ليك الموضوع – نزل ليك في (الضلع) زي كأنو العرس عرس اخوه الكبير.

· الضلع ح يتعب معاكم.

· نحن عارفين دي.

· تأهل المريخ ..زي حكاية كمال ترباس التى رواها للناس ..وتداولوها حتى صارت مثلا.

· كمال ترباس ..قال جنو وجن الزول البكون ما دافع وما مساهم في قروش السمك ..مع ذلك الزول دا بيقوم يقلب السمكة.

· ناس المريخ هسع قلبو (السمكة).

· ما عندهم اي دور في موضوع (التأهل) دا.

· وبيقلبوا السمكة.

· انا موش عارف بيقلبو السمكة ليه؟.

· والحكاية برضو زي شنو؟.

· زي الزول البيجيك ضيف ..(غير الزول الاول)...يقوم نص الليل يقفل (المكيف) بتاع الصالون.

· يقول ليك (المكيف) ما بنفع معاي.

· عندي جيوب انفية.

· تقفل المكيف.

· يقوم مع النباه الاول ويقفل (المروحة).

· يقول ليك (المروحة) ما بتنفع معاي.

· تأهلكم كدا.

· اصلو ما في فرق.

· ما عندكم اي دور.

· زي شنو؟.

· زي الزول البختارو ليه.

· ويخطبو ليه.

· ويعقدو ليه.

· وبعدين في النهاية ..اهلو يقوموا يطلقوا ليه.

· تعالوا اتعلموا من الهلال.

· شوفوا الحاجات على اصوله.

· بدون ضربات جزاء.

· اندية المجموعة الاولى كلها مازالت تحتفظ بحقها كامل في التأهل ...يمكن تتصدر (سموحة)..وممكن يطلع (مازيمبي).

· عادي ..كورة القدم كدا.

· ما في فريق حتى الآن ضمن التأهل ..وما في فريق فقد فرصته في التأهل ..من هنا تظهر قوة المجموعة.

· منافسة حقيقية.

· الحكاية في المجموعة الاولى ما زي حكاية المجموعة التانية تقول فاتحين ليهم محل (تحويل رصيد).

· بنشر بس.

· فرق المجموعة التانية بتعازموا على (التأهل)..وكل فريق بيقدم التاني عشان يتأهل.

· اتحاد العاصمة الجزائري حسم موضوع التأهل من الجولة (الرابعة)...عليكم الله دي كورة وإلا (طلمبة) بنزين.

· الكلام دا في كورة الشراب ما قاعدين نسمع بيه.

· فريق العلمة من الجولة الرابعة في المنافسة فقد فرصته تماما في التأهل.

· يعني العلمة بتلعب ...بدون دوافع.

· وبلعب الاتحاد بدون دوافع.

· ووفاق سطيف قاعد ساكت ..ما شغال بالبطولة ..بيلعب بدون نفس وبدون غرض.

· ما عندو اي قضية بالبطولة.

· المجموعة الاولى تلعب فيها الجولة الخامسة واي فريق في المجموعة عندو (امل) في الصدارة.

· بنتكلم عن الصدارة وليس عن (التأهل).

· انتوا مجموعتكم يا ناس المريخ زي (الداخلية)..اي زول ممكن يشيل شنطتو ويجي ينزل فيها.

· استراحة بلا بواب.

· زي عمود المستشفي ..احسن شيء فيه (رز).

· فريق المريخ اتأهل لدور الاربعة بدون ما يلعب.

· قبل ما يلعب اتأهل.

· خسارة محترفين ساكت.

· ما في داعي لي ناس بكري المدينة وكوفي وقت بتتأهلوا بي عرق غيركم.

· ولا بتتعبوا.

· مرات ضربات جزاء.

· ومرات حالات طرد.

· ومرة حظ ساكت.

· تأهل المريخ لي دور الاربعة ...زي حكاية الزول البكون قاعد ساكت في البيت وما شغال.

· الزول دا وقت يكون اخوه عاوز يعرس ...ناس البيت بخترعوا يعرسوا للزول دا مع اخوه التاني.

· احسن الخسارة تكون واحدة.

· الصيوان واحد.

· وكروت الدعوة واحدة.

· والعجول واحدة.

· والفنان واحد.

· ومرات العروسات ...هن ذاتن بيكونن اخوات.

· الاخو ..بعرسوا ليه مع اخوه ..ما يدفع ليه قرش.

· خاصة لو كان العريس الاساسي ..(مغترب)..بقوموا يتكلوا عليه كل كلفة عرس اخوه معاه.

· يقولوا ليه عرس معاك لي اخوك.

· هسع ناس المريخ ..عاشوا نفس الدور ..صعدوا ليك مع (الاتحاد)..بفضل الخسائر التى ألحقها الاتحاد على الاندية المنافسة.

· الاتحاد هزم وفاق سطيف ذهاب واياب.

· الاتحاد هزم العلمة ذهاب واياب.

· تاني يعمل ليكم شنو يا ناس المريخ؟.

· لا ضفر.

· ولا غارزيتو.

· ولا بكري المدينة.

· التأهل هذا منحكم ليه فريق الاتحاد.

· الغريبة ناس المريخ فرحوا بالتأهل (الميت) دا.

· تأهل ما تعبوا فيه ..وما عملوا فيه اي شيء.

· تأهل كلو ضربات جزاء.

· تأهل بفضل الاتحاد.

· وبعد دا فقد كان التأهل ب (7) نقاط.

· تتأهلوا بي سبع نقاط – ما قاعدين تخجلوا.

· النقاط السبعة في التأهيلي للممتاز ما بتأهل ليها فريق.

· تجي وتأهلكم للمجموعات.

· خربتوا لينا سمعة مرحلة المجموعات ...المجموعات بقت اي كلام.

· بقت زي الداخلية.

· المجموعات انتهت يا رجالة.

· نحن تأهلنا بنشيلو حمرة عين.

· بنقلعو قلع.

· تأهلنا بنحققو برانا ..ما بنسمع في الراديو ..ولا بجيبوه لينا في رسائل الهاتف الجوال.

· الليلة تعالوا شوفوا التأهل ح يكون كيف؟.

· تعالوا افرحوا بالهلال.

· اتمتعوا ..وافرحوا فرح حقيقي.

· ما فرح مصنوع.

· كلكم تعالوا استاد الهلال.

· الحضور في (المقبرة)..عشان تكونوا شهداء على مازيمبي الضحية.

· ح نضرب من طرف.

· ونغلب عديل.

· بدون ضربات جزاء.

· بدون حالات طرد.

· بدون (كلام) جرايد.

· .........

· ملحوظة : مازيمبي ..الليلة وقع وقعة سودا.


هوامش

· الهلال الليلة غالب – غالب باذن الله.

· ابقوا على مساندتكم.

· وحافظوا على تشجيعكم.

· انتوا امام خيار واحد.

· كل الطرق تؤدي الى التأهل.

· كلها.

· الذين يراهنوا على مازيمبي ..يراهنوا على حصان خاسر.

· حصان ح يشبع خسارة باذن الله.

· الهلال دائما في المواعيد الكبيرة موجود.

· الهلال دائما يكتمل بدرا في الليلة الظلماء.

· لا عاوزين ضربة جزاء.

· ولا حالة طرد.

· (جدعة) زيادة ما عاوزنها.

· بنغلب بعيد عن هذه الاشياء.

· بنفوز ...عشان نفرح.

· ما عاوزين فرحنا يتلبخط بي اي حاجة تانية.

· كديابا ..الليلة يومو اسود.

· كديابا ..الليلة ح يشوف اسود يوم في حياتو.

· اليوم مباراة خاصة للهلال.

· مباراة خاصة للجمهور.

· مباراة خاصة ضد مازيمبي.

· ضد كديابا.

· المريخاب ..كل خوفهم ..من تأهل الهلال ..عشان ما يلاقيهم.

· الهلال يجب ان يلعب اليوم من اجل (الصدارة).

· عاوزين نقابل (وصيف) المجموعة التانية.

· عاوزين (الوصيف) بالطلب.

· وصيف في الممتاز.

· ووصيف في المجموعات.

· جيبوا لينا الوصيف دا.

· ...........

· عاجل : حلوة (سجدتكم)..كل ما تجيبوا ليكم قون...ح تسجدوا كتير الليلة ان شاءالله شكرا لله.

انقر هنا لقراءة الخبر من مصدره.