تصريحات عقار .. هذا الضفدع من ذاك الورل    طموح خليجي لزيادة مداخيل السياحة عبر «التأشيرة الموحدة»    السعودية تتجه لجمع نحو 13 مليار دولار من بيع جديد لأسهم في أرامكو    خطاب مرتقب لبايدن بشأن الشرق الأوسط    عزمي عبد الرازق يكتب: قاعدة روسية على الساحل السوداني.. حقيقة أم مناورة سياسية؟    الحلو والمؤتمر السوداني: التأكيد على التزام الطرفين بمبدأ ثورة ديسمبر المجيدة    هلالاب جدة قلة قليلة..لا يقرعوا الطبل خلف فنان واحد !!    مذكرة تفاهم بين النيل الازرق والشركة السودانية للمناطق والاسواق الحرة    عقار يلتقي وفد المحليات الشرقية بولاية جنوب كردفان    سنار.. إبادة كريمات وحبوب زيادة الوزن وشباك صيد الأسماك وكميات من الصمغ العربي    (شن جاب لي جاب وشن بلم القمري مع السنبر)    شائعة وفاة كسلا انطلقت من اسمرا    اكتمال الترتيبات لبدء امتحانات الشهادة الابتدائية بنهر النيل بالسبت    كيف جمع محمد صلاح ثروته؟    اختيار سبعة لاعبين من الدوريات الخارجية لمنتخب الشباب – من هم؟    حكم بالسجن وحرمان من النشاط الكروي بحق لاعب الأهلي المصري حسين الشحات    شاهد بالفيديو.. القائد الميداني لقوات الدعم السريع ياجوج وماجوج يفجر المفاجأت: (نحنا بعد دا عرفنا أي حاجة.. الجيش ما بنتهي وقوات الشعب المسلحة ستظل كما هي)    المريخ السوداني يوافق على المشاركة في الدوري الموريتاني    شاهد بالفيديو.. مستشار حميدتي يبكي ويذرف الدموع على الهواء مباشرة: (يجب أن ندعم ونساند قواتنا المسلحة والمؤتمرات دي كلها كلام فارغ ولن تجلب لنا السلام) وساخرون: (تبكي بس)    شاهد بالفيديو.. الناشط السوداني أبو رهف يلتقي بحسناء "دعامية" فائقة الجمال ويطلب منها الزواج والحسناء تتجاوب معه بالضحكات وتوافق على طلبه: (العرس بعد خالي حميدتي يجيب الديمقراطية)    شاهد بالفيديو.. بصوت جميل وطروب وفي استراحة محارب.. أفراد من القوات المشتركة بمدينة الفاشر يغنون رائعة الفنان الكبير أبو عركي البخيت (بوعدك يا ذاتي يا أقرب قريبة) مستخدمين آلة الربابة    مصر ترفع سعر الخبز المدعوم لأول مرة منذ 30 عاما    السلطات السعودية تحذر من نقل أو ايواء مخالفي انظمة الحج    هكذا قتلت قاسم سليماني    الكعبي يقود أولمبياكوس لقتل فيورنتينا وحصد لقب دوري المؤتمر    سعر الدرهم الإماراتي مقابل الجنيه السوداني في السوق الموازي ليوم الأربعاء    خبير سوداني يحاضر في وكالة الأنباء الليبية عن تطبيقات الذكاء الاصطناعي في الإعلام    السودان.. القبض على"المتّهم المتخصص"    الموساد هدد المدعية السابقة للجنائية الدولية لتتخلى عن التحقيق في جرائم حرب    قوات الدفاع المدني ولاية البحر الأحمر تسيطر على حريق في الخط الناقل بأربعات – صورة    دراسة "مرعبة".. طفل من كل 8 في العالم ضحية "مواد إباحية"    السعودية: وفاة الأمير سعود بن عبدالعزيز بن محمد بن عبدالعزيز آل سعود بن فيصل آل سعود    والي ولاية البحر الأحمر يشهد حملة النظافة الكبرى لسوق مدينة بورتسودان بمشاركة القوات المشتركة    مدير شرطة ولاية النيل الأبيض يترأس اجتماع هيئة قيادة شرطة الولاية    الأجهزة الأمنية تكثف جهودها لكشف ملابسات العثور على جثة سوداني في الطريق الصحراوي ب قنا    ماذا بعد سدادها 8 ملايين جنيه" .. شيرين عبد الوهاب    بيومي فؤاد يخسر الرهان    نجل نتانياهو ينشر فيديو تهديد بانقلاب عسكري    الغرب والإنسانية المتوحشة    رسالة ..إلى أهل السودان    بالنسبة ل (الفتى المدهش) جعفر فالأمر يختلف لانه ما زال يتلمس خطواته في درب العمالة    شركة الكهرباء تهدد مركز أمراض وغسيل الكلى في بورتسودان بقطع التيار الكهربائي بسبب تراكم الديون    من هو الأعمى؟!    اليوم العالمي للشاي.. فوائد صحية وتراث ثقافي    حكم الترحم على من اشتهر بالتشبه بالنساء وجاهر بذلك    متغيرات جديدة تهدد ب"موجة كورونا صيفية"    مطالبة بتشديد الرقابة على المكملات الغذائية    السودان..الكشف عن أسباب انقلاب عربة قائد كتيبة البراء    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    حتي لا يصبح جوان الخطيبي قدوة    انعقاد ورشة عمل لتأهيل القطاع الصناعي في السودان بالقاهرة    أسامه عبدالماجد: هدية الى جبريل و(القحاتة)    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    الفيلم السوداني وداعا جوليا يفتتح مهرجان مالمو للسينما في السويد    كيف يُسهم الشخير في فقدان الأسنان؟    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نهارك (سعيد) يا حضري
قوون نشر في قوون يوم 02 - 07 - 2011


اتاريها الحكاية بايظة من كبارها.

مباريات (السلم والثعبان).

دا حق طمبل.

الفريق كلو بقي هدافين.

نحن ساكت كنا قايمين على (مصعب عمر).

بننتقد في الولد ساكت.

الولد طلع ما غلطان.

غلطان المرحوم.

سعيد السعودي كابتن الفريق سجل في شبكتو هدف عكسي.

دا الكابتن بعمل كدا.

كابتن الهنا والسرور.

نجم الدين عبدالله يسجل هدف عكسي ...عادي ما في مشكلة.

الولد جديد على المريخ.

الباشا يسجل هدف عكسي في الحضري ...عادي.

الباشا جا من الهلال.

يكون متأثر بي هلاليتو.

الباشا ما غلطان.

يكون فاكر نفسو الي الان بيلعب في الهلال.

في هلال الساحل طبعا ..ما هلال السودان.

علميتو دي في الهلال الكبير ما بقدر يعملها.

مصعب عمر يسجل هدف عكسي عادي.

برضو عادي.

الولد ما عندو خبرة.

الما عادي ...(سعيد السعودي) كابتن فريق المريخ يسجل هدف عكسي في الحضري.

زول بيلعب في المريخ 7 سنوات.

اتخيلوا هيثم مصطفي (حفظه الله ورعاه) يسجل في شبكة المعز محجوب.

دي ممكن تحصل.

البرنس في التمرين ما بسجل في (حارس الهلال).

عندو الحكاية دي عيب.

بالمناسبة (باسكال) قالوا كان فاكر حارس مرمي الفريق اليوغندي (الحضري).

عشان كدا سجل فيه.

باسكال تهديفتو ضلت طريقها.

يكون قاصد الحضري.

الحضري دا حارس عالمي أي زول عاوز يجيب فيه قون ..عشان يقول انا جبت قون في الحضري.

نجم الدين.

الباشا.

مصعب عمر.

سعيد السعودي.

الموضوع دا ما بفكو ليكم قريب.

خلاص ح نخلى (الطابق التاني).

وح نمسك في الجماعة ديل.

الجماعة البسجلوا اهداف عكسية ديل.

انتوا عارفين.

الاستثناء في المريخ هو ان يسجل (مدافع) المريخ هدفا في شباك الفريق الاخر.

اما الطبيعي فهو ان تسجل (هدف) عسكي في شبكتو.

الشبكة عيشتها تطير.

مسكين الحضري.

في مباراتين استقبلت شباكه ثلاثة اهداف.

كلها نيران صديقة.

يا الحضري ...(انت ما بتعرف صليحك من عدوك).

وعدو عالم افضل من صديق جاهل.

نحن زمان بنسمع بي حكاية (الباك صديق اللاين).

هسع في المريخ لقينا الباك صديق شبكتو.

انتوا ما عندكم (لاين).

الجدعة دي ما درسوها ليكم.

الكورنر دا ما سمعتوا بيهو.

ناس الباشا ديل..ضيعوك.

ودروك.

الجماعة ديل كلهم شايتين ضدك.

يكون ما عاجباهم الغرامة الدفعوها ليك.

عشان كدا أي واحد عاوز يخلص غرامتو بي هدفو.

الثلاثة اهداف سجلها مدافعين المريخ انفسهم.

احصائية غريبة.

المريخ في بطولة سيكافا سجل 6 اهداف.

3 في فريقين.

و3 في المريخ.

الاهداف الثلاثة التي سجلها هجوم المريخ في فريقين.

سجلوها مدافعين المريخ في فريقهم.

فيفيتي ..فيفيتي.

ما فيش حد احسن من حد.

نحن اي حاجة عندنا بي نظام.

تصوروا الاهداف العكسية التي ولجت شباك الحضري اكثر من كل الاهداف العكسية التي ولجت شباك حراس المريخ السابقين بهاء الدين واكرم الهادي سليم وايهاب زغبير.

اهداف العلامة الكاملة.

ما في حاجة عملتها فيكم غير العلامة الكلامة.

فيفيتي ..فيفيتي.

الحضري الي الان ورغم انه لم يكمل ال (6) شهور في المريخ استقلبت شباكه من النيران الصديقة فقط (4) اهداف.

4 اهداف عكسية.

قلت ليكم قبل كدا.

نجم الدين (الدوري الممتاز).

الباشا ..(سيكافا).

مصعب عمر (سيكافا).

السعودي ..(سيكافا).

مباراة المريخ والمان الصومالي العين على (بلة جابر).

يلا بلة...اتذكر انو البدري كان موقفك.

اتذكر الحاجات الكعبة كلها ..وسجل في الحضري.

قالوا ليك بلة جابر بتدرب على العكسيات.

ما عشان يطلعها.

عشان يسجلها في (الحضري).

دي فرصة تاني ما بلقاها.

خاصة وانو الحضري ماشي.

انا اول مرة اشوف الحضري (زعلان) كدا.

المسكين عاوز (يطق).

يلقاها من منو وإلا منو؟.

يقفلوا الباشا ...مصعب يدور من هناك.

يراقبوا مصعب عمر ...يظهر (سعيد السعودي).

وبلة جابر دا لو سرحو منو بسجل.

زول ما مضمون.

اوعكم تفكوا مراقبتو.

بالله المحترفين في المريخ بقي عينهم على التيم اكتر من الوطنيين.

المحترفين (الاجانب) يسجلوا للمريخ.

والوطنيين يسجلوا في المريخ.

هيع.

عفارم عليكم.

(الوطنيين) قلبوا.

باعوا القضية.

الظاهر الجماعة ديل مع (الانفصال).

مع الحركة.

عشان كدا بقوا يهدفوا في الحضري.

دا شغل انتقام عديل كدا.

دي ما اهداف عكسية والسلام.

الشغل دا مقصود.

قالوا ليك الحضري قالوا ليهو انت لعبت في الاهلي المصري وفي سيون السويسري وفي الاسماعيلي وفي الزمالك وفي المريخ ..من هو اخطر مهاجم قابلك.

الحضري ما كذب.

قال ليهم : (سعيد السعودي).

لكن مصعب عمر اخطر منو في (العكسيات).

امس حاولت اجد روليت الهدافين لبطولة سيكافا.

ما لقيت الروليت.

اجتهدت ..شوية كدا وطلعت لي روليت براي.

كلتشي..هدف.

سكواها ..هدف.

باسكال ..هدف.

الباشا ..هدف.

مصعب عمر ..هدف.

سعيد السعودي ..هدف.

ما شاءالله.

من بين هذه الاسماء من هو (المهاجم) الذي تتوقعه ان يكون هدافا لسيكافا.

انا من ناحية (حسابية) بتوقع (سعيد السعودي).

السعودي بتميز على كلتشي في (الثبات الانفعالي).

وبتميز على سكواها بالخبرة.

وبتميز على باسكال بالنزعة الهجومية.

عشان كدا سعيد السعودي سوف يكون هدافا لبطولة سيكافا.

قالوا ليك واحد ..قالوا ليه ما هو توقعك لنتيجة مباراة المريخ والمان الصومالي.

زولكم طوالي قال ليهم بتوقعها 3- 3.

اهداف المريخ ما عارف البسجلها منو؟.

لكن اهداف المان الصومالي بسجلها السعودي ومصعب والباشا.

الواحد بقي يعرف هدافين المان الصومالي اكتر من هدافين المريخ.

الليلة لو اتسجل في المريخ هدف عكسي ..إلا تقلبوا (النادي) كافتريا.

المريخ والمان الصومالي.

دي نهائي مبكر.

نهائي بين الطيشين.

فريق عندو نقطتين.

وفريق ما عندو ولا نقطة.

الحضري قال ما عندو مشكلة وما خايف من هجوم الفريق الصومالي...لكن في نفس الوقت قايل خايف من دفاع المريخ.

قالوا ليك المراقبون لهذه البطولة (الميتة) رشحوا النجم (مصعب عمر) وهدفه في حارس افريقيا الاول كاجمل هدف في البطولة.

الباشا عندو 6 اهداف في الممتاز وهدف في سيكافا.

الاهداف التي سجلت في شباك الحضري في سيكافا هي ضعف الاهداف التي سجلت في المريخ في الممتاز.

بمعني ان الحضري في مبارايتين استقبلت شباكه 3 اهداف وهي ضعف ما استقبلته شباك الحضري في 12 مباراة.

ملحوظة : غايتو يا الحضري في الدنيا دي (اتبهدلت) جنس بهدلة...الله يلعن (الغرامة) الزلوك بيها دي.

هوامش

عارفين ابوجريشة كان (بحنس) في حسام البدري بقول ليهو شنو عشان يطلع؟.

كان بقول ليه : بجيب ليك (تورتة) يلا اطلع ...فاااالح.

والبدري قال ما بطلع.

عليك الله ...ما تفضحنا مع الهلالاب.

البدري قال ما بطلع.

اطلع ..

ما بطلع.

مجاهد مسكين مع (التورتة) قال للبدري بنجيب ليك (تفاح).

تفاح في عينك.

البدري لمن نادوا ليهو اسامة عطا المنان ..بعد كدا طلع.

ما قلت ما بتطلع.

دا كلو من (التورتة).

خبرتو طبع الجماعة.

بعدين انتوا تعالوا هنا الحضري دا بكورك في السعودي كدا ليه؟.

انا اول مرة اشوف لي (كابتن) بكوركوا فيه كدا.

انت يا اخوي كابتن شنو؟.

انتوا عارفين الهلال لعب ضد كفر الشيخ الذي يحرس مرماه حارس بلغ الخمسين؟.

عشان الهلال في الممتاز ح يواجه المريخ.

والمريخ برضو حارسو بلغ (الخمسين).

خلاص عاوز تزيدها عشر سنوات مرة واحدة.

الليلة اتوقع الهدف العكسي يسجلو (الحضري) ذاتو.

قال ليهو الكورة انتهت كم؟.

قال ليهو : 2 – 2.

قال ليهو: الجاب الاقوان منو؟.

قال ليهو : كلتشي وسكواها ومصعب والباشا.

قال ليهو : انت المريخ كان لاعب ضد المريخ.

دا كان في مباراة المريخ الاولي امام الشباب التنزاني.

في المباراة الثانية ..قال ليهو اها الكورة انتهت كم؟.

قال ليهو : 1- 1.

قال ليهو الجاب الاقوان منو؟.

قال ليهو : السعودي وباسكال.

قال ليهو : تاني المريخ لعب ضد المريخ.

سيكافا دي كلها (مريخ).

المان الصومالي ما عندو (هجوم).

لكن دفاع المريخ ما بقصر.

عشان كدا الكورة دي (خطرة) على المريخ.

مفروض الحضري في التمرين يتدرب على الكور العكسية.

اقصد الاهداف العكسية.

عاجل: بشرى لجماهير المريخ اليوم باسكال سوف يقوم بمراقبة السعودي.

انقر هنا لقراءة الخبر من مصدره.