الهلال يرفض السقوط.. والنصر يخدش كبرياء البطل    قصة أغرب من الخيال لجزائرية أخفت حملها عن زوجها عند الطلاق!    الجيش ينفذ عمليات إنزال جوي للإمدادات العسكرية بالفاشر    كيف دشن الطوفان نظاماً عالمياً بديلاً؟    محمد الشناوي: علي معلول لم يعد تونسياً .. والأهلي لا يخشى جمهور الترجي    مطالبة بتشديد الرقابة على المكملات الغذائية    تستفيد منها 50 دولة.. أبرز 5 معلومات عن الفيزا الخليجية الموحدة وموعد تطبيقها    السودان..الكشف عن أسباب انقلاب عربة قائد كتيبة البراء    حادث مروري بمنطقة الشواك يؤدي الي انقلاب عربة قائد كتيبة البراء المصباح أبوزيد    شاهد بالصورة والفيديو.. حسناء سودانية تخطف قلوب المتابعين وهي تستعرض جمالها ب(الكاكي) الخاص بالجيش وتعلن دعمها للقوات المسلحة ومتابعون: (التحية لأخوات نسيبة)    شاهد بالصورة والفيديو.. حسناء سودانية تخطف قلوب المتابعين وهي تستعرض جمالها ب(الكاكي) الخاص بالجيش وتعلن دعمها للقوات المسلحة ومتابعون: (التحية لأخوات نسيبة)    شاهد بالصورة والفيديو.. "المعاناة تولد الإبداع" بعد انقطاع الماء والكهرباء.. سوداني ينجح في استخراج مياه الشرب مستخدماً "العجلة" كموتور كهرباء    شاهد بالفيديو.. تاجر خشب سوداني يرمي أموال "طائلة" من النقطة على الفنانة مرورة الدولية وهو "متربع" على "كرسي" جوار المسرح وساخرون: (دا الكلام الجاب لينا الحرب والضرب وبيوت تنخرب)    بالفيديو.. شاهد رد سوداني يعمل "راعي" في السعودية على أهل قريته عندما أرسلوا له يطلبون منه شراء حافلة "روزا" لهم    برشلونة يسابق الزمن لحسم خليفة تشافي    البرازيل تستضيف مونديال السيدات 2027    السودان.."عثمان عطا" يكشف خطوات لقواته تّجاه 3 مواقع    ناقشا تأهيل الملاعب وبرامج التطوير والمساعدات الإنسانية ودعم المنتخبات…وفد السودان ببانكوك برئاسة جعفر يلتقي رئيس المؤسسة الدولية    عصار تكرم عصام الدحيش بمهرجان كبير عصر الغد    إسبانيا ترفض رسو سفينة تحمل أسلحة إلى إسرائيل    مدير الإدارة العامة للمرور يشيد بنافذتي المتمة والقضارف لضبطهما إجراءات ترخيص عدد (2) مركبة مسروقة    منتخبنا فاقد للصلاحية؟؟    قيادي سابق ببنك السودان يطالب بصندوق تعويضي لمنهوبات المصارف    شاهد بالصورة.. (سالي عثمان) قصة إعلامية ومذيعة سودانية حسناء أهلها من (مروي الباسا) وولدت في الجزيرة ودرست بمصر    آفاق الهجوم الروسي الجديد    كيف يتم تهريب محاصيل الجزيرة من تمبول إلي أسواق محلية حلفا الجديدة ؟!    شبكة إجرامية متخصصة في تزوير المستندات والمكاتبات الرسمية الخاصة بوزارة التجارة الخارجية    يوفنتوس يتوج بكأس إيطاليا للمرة ال15 في تاريخه على حساب أتالانتا    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    عثمان ميرغني يكتب: السودان… العودة المنتظرة    سعر الريال السعودي مقابل الجنيه السوداني في الموازي ليوم الأربعاء    وسط توترات بشأن رفح.. مسؤول أميركي يعتزم إجراء محادثات بالسعودية وإسرائيل    "تسونامي" الذكاء الاصطناعي يضرب الوظائف حول العالم.. ما وضع المنطقة العربية؟    "بسبب تزايد خطف النساء".. دعوى قضائية لإلغاء ترخيص شركتي "أوبر" و"كريم" في مصر    شاهد بالصورة.. حسناء السوشيال ميديا "لوشي" تنعي جوان الخطيب بعبارات مؤثرة: (حمودي دا حته من قلبي وياريت لو بتعرفوه زي ما أنا بعرفه ولا بتشوفوه بعيوني.. البعملو في السر مازي الظاهر ليكم)    حتي لا يصبح جوان الخطيبي قدوة    5 طرق للتخلص من "إدمان" الخلوي في السرير    انعقاد ورشة عمل لتأهيل القطاع الصناعي في السودان بالقاهرة    أسامه عبدالماجد: هدية الى جبريل و(القحاتة)    "المايونيز" وراء التسمم الجماعي بأحد مطاعم الرياض    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    باحث مصري: قصة موسى والبحر خاطئة والنبي إدريس هو أوزوريس    الفيلم السوداني وداعا جوليا يفتتح مهرجان مالمو للسينما في السويد    بنقرة واحدة صار بإمكانك تحويل أي نص إلى فيديو.. تعرف إلى Vidu    أصحاب هواتف آيفون يواجهون مشاكل مع حساب آبل    كيف يُسهم الشخير في فقدان الأسنان؟    هنيدي ومحمد رمضان ويوسف الشريف في عزاء والدة كريم عبد العزيز    أسترازينيكا تبدأ سحب لقاح كوفيد-19 عالمياً    تنكُر يوقع هارباً في قبضة الشرطة بفلوريدا – صورة    معتصم اقرع: حرمة الموت وحقوق الجسد الحي    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    بعد عام من تهجير السكان.. كيف تبدو الخرطوم؟!    العقاد والمسيح والحب    أمس حبيت راسك!    جريمة مروّعة تهزّ السودانيين والمصريين    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



المريخاب فهموها بعد (17) سنة
قوون نشر في قوون يوم 21 - 12 - 2012

تذكرت رجل ...ما ...لا اعرفه ...(كان فهمه تقيل) بعض الشيء...بفهم بعد (فسحة الفطور).

لاحقا سوف اتحدث لكم عن توقيع هيثم مصطفى في كشوفات المريخ.

تابعوا بقية العمود.

رجل فهمه تقيل ....متل (الملاح البايت).

عاوز ليه مدرب لياقة ..ومدرب احمال ..عشان يفهم ليك شوية (مسألة) كدا.

ربع المسألة ..بفهمها ليك بعد (تلاتل)...ومجابدة ..زي ولادة الحبل.

متل حاج حمد الرواتيلي ..الزول دا كان ربع كيلو لحمة بجهجهو.

في ناس طموحها متواضع.

عندنا طالب زمان في المدرسة ...كان أي (مسألة) ما بفهمها ...إلا بعد (فسحة الفطور).

فسحة الفطور بالذات.

ما بصحصح إلا بعد الفسحة.

عيونو بفنجلن بعد الفطور.

وكان يعلل ذلك قائلا : (والله انا لو ما مليت بطني) ...ما بفهم أي حاجة.

وكان بقول ..ما تسألوني من أي حاجة ...لو ما فطرت ...لو عاوزين تجنوني ..وتجيبوا لي اخلاقو في نخرتي ..اسألوني قبل الفطور.

لاحقا سوف اتحدث لكم في هذه المساحة عن توقيع هيثم مصطفى في المريخ.

الصبر يا جماعة.

فلسفة قديمة ...وجدتها مكتوبة في علبة صلصة قديمة.

هي الدنيا شنو ؟..غير عجورة ومعاه بصلة ..وقطعة لحمة ..وكيلو باسطة.

الدنيا عنده ..ما بتتجاوز الحكاية دي.

في منتهى السهولة ..وفى كل بساطة ..الدنيا عنده (قطعة لحمة).

هذا عنده منتهى الطموح.

ذلك الرجل ...كان مثل ذلك الطالب ...(فهمه) بجي متأخر.

تذكرت الان ذلك الرجل ..فقد كان عندما تحكي له (نكتة)..يمشي منك (صاري) وشيهو..ويرجع ليك بعد سنة وهو بضحك.

الضحك عاوز يشقو.

تقول ليه في شنو؟.

يقول ليك (النكتة) الحكيتها لي (عامن اول) ..يا دوب فهمتها.

هذا يشبه عندي ايضا (الساعتي)...الذي تذهب اليه ..وانت شايل ساعتك (البايظة) ..عشان يصلحها ليك.

الساعتي يفك (الساعة) مسمار ...مسمار ... يكومها قدامو زي (الفكة) ..ثم يقول ليك تعال لي بعد 4 يوم.

4 يوم ليه؟...ما عارف.

4 يوم عشان شنو؟...ما تسألوني.

احتمال يكون عاوز يصعب ليك المسألة شوية.

عاوز يوريك انو اجتهد ليك في الساعة ...وان الموضوع دا عاوز ليه (عبقري).

زول عادي ما بقدر عليه.

المهم انت بعد ما تشوف (الساعة) مفكوكة قدامك ..بتقنع من الساعة ..خاصة بعد ما يقول ليك تعال لي بعد 4 يوم.

تمشي تشتري ليك ساعة جديدة ...احسن ليك من (التلتلة) دي.

ندخل على الموضوع ..(برندة وغرفتين).

الان احدثكم عن توقيع هيثم مصطفى في المريخ.

ناس المريخ ..تعبنا معاهم.

دخلناهم فصول محو الامية.

بدينا ليهم من (امل كتبت ..وبدر رسم).

مشينا معاهم ..خطوة ..خطوة.

ما خلينا ليهم درس عصر.

شيء حصص صباحية ..وشيء مراجعات.

17 سنة بنشرح ليهم في العملية (التعكيبية) لتمريرات البرنس ..تقول (عوض احمودي) بعمل ليها التوزيع.

17 سنة نشرح.

خطوة ..خطوة ..مشينا.

اخدناهم ..حسب عقلهم.

ناس معاوية الجاك ..رافضين ..يقتنعوا ..(المسألة) دي ما وقعت ليهم.

ناس هيثم كابو ..(حارنين) عديل في النقطة دي.

بابكر سلك ..عاجبو (مجدي ام بدة).

قدر ما حاولنا نزحزهم من الحتة دي ..ما قدرنا.

سلك دا ..ابعد شيء كان عندو ..هو مجدي ام بدة.

وقت يقول ليك (مجدي ام بدة)..الحديث يتقطع.

عملنا كورسيات.

عملنا ..ورش..عملنا منتديات.

عملنا سنمارات.

عشان يفهموا لينا حكاية (سيدا) دي...ما قدروا.

يا دوب يا معاوية الجاك ...عاوزين تمتحنوا (لغات).

يا دوب ..اكتشفتوا الزرة.

طبعا الموضوع دا قبل 17 سنة ...ما كان واقع للمريخاب.

القصة الشهيرة ..براهم ..بحكوا فيها.

قالوا المريخاب قبل 17 سنة ..جابوا ليهم محمد موسي وهيثم مصطفى..قاموا بدون تفكير كدا ..اختاروا (محمد موسي).

قالوا البرنس ..صغير شديد ..وقصير كمان.

الايام ..لفت ودارات ..المريخاب عرفوا ان اختيارهم داك كان غلط.

المسألة وقعت ليهم يا دوب ..بعد 17 سنة.

بعد 17 سنة ..فهموا ان (تمريرة) البرنس ...ما في زيها.

بعد 17 سنة ..عرفوا الفرق في (القيادة).

بعد 17 سنة ..جونا راجعين تاني عشان يسجلوا هيثم مصطفى.

يا دوب فهموا (التمريرة).

جمال الوالي ..عمل ليه حركة في شكل (استقالة)..وجاب ليهم ممثل ماهر ..اسمو عصام الحاج.

عملوا لينا (مسرحية).

زي مسرحية المحاولة التخريبية.

المجلس ..اجتمع ..رفض تسجيل البرنس وفييرا.

قلنا خلاص الموضوع انتهى.

تاني اجتمعوا.

المسرحية ..كان عندها فصل تاني.

في الفصل التاني ..قالوا وافقوا على تسجيل هيثم مصطفى وعلاءالدين يوسف.

غايتو المريخاب ديل (كرامة) ما عندهم ..اصلو.

بعد (البصمة) والحاجات التانية ديك ..تاني جعتوا لي اولادنا.

المريخ دا من جمال الوالي ...لي اكرم الهادي سليم ...كان بيلعب في الهلال.

نخلي دا الان ...(لاحقا سوف نرجع ليه).

اولا ..هيثم مصطفى ..لم يوفق عندما اختار التوقيع في كشوفات المريخ.

هيثم مصطفى ..لم يحترم وقفة الجماهير معه ..ومساندة الاعلام له.

الهلال ليس هو البرير ...ولا هو مجلس الادارة وحده.

هيثم مصطفى تعامل بردة الفعل فقط ...وكان كل هدفه فقط هو ان يرد على الامين البرير.

لذا فان البرنس هنا لا يختلف كثيرا عن البرير.

كلاهما تعامل بردة الفعل.

مع هذا ..اقول ربما يكون كلامي هذا (عاطفي)..فقد كنا نتهم بالعاطفية ..عندما كنا ندافع عن هيثم مصطفى ..ونستعرض تاريخه الطويل مع الهلال.

كنا نهاجم عندما نقول ان هيثم مصطفي لعب 17 سنة في الهلال.

الان الذين كانوا يهاجموننا على عاطفيتنا تلك ..يتحدثون بنفس (العاطفة).

رجعوا يتحدثون عن تاريخ هيثم مصطفى ..وعن ال (17) سنة.

وعن جماهيرية البرنس.

علما ان هيثم مصطفى حسب الاحتراف ...للعب في المريخ من اجل ان يأكل عيش ..(لان الكورة رزقه).

وان كنت اختلف مع هيثم مصطفى حول هذا الفهم ...لأن اكل العيش ...والارزاق يمكن ان تكون بصورة افضل من ان تكون من المريخ.

اعرف ان هيثم مصطفى لعب في المريخ من اجل الرد على غارزيتو ومجلس الهلال ودائرة الكورة ..الذين اتهموه بضعف المستوى ..وبتراجع المردود الفني له.

كان هيثم مصطفى في تحدي مع اولئك الذين شككوا في مقدراته الكروية.

غير اني اعود واقول ..ان هيثم مصطفى ..اختزل الهلال في الامين البرير.

ومضى للمريخ فقط من اجل ان يرد حق شخصي له.

هيثم مصطفى فاوضه المريخ وسجله وهو في حالة غير مستقرة ..هدفه فقط في هذا الوقت هو ان يرد على الذين شككوا في مقدراته.

كان هيثم مصطفى يحتاج الي بعض الوقت ليقرر مصيره بعد ان يخرج من هذه الحالة.

شطب هيثم مصطفى من الهلال ..لم يخرجه من قلوب الجماهير...بل ان الشطب لم ينقص شيئا من قدر البرنس.

بل ان جماهيرية البرنس تضاعفت ..وشعبيته زاردت.

لكن توقيع هيثم مصطفى في كشوفات المريخ ..سوف يخرجه بشكل نهائي من قلوب جماهير الهلال.

الان يمكن ان نقول ان هيثم مصطفي اصبح (خصما) على الهلال ..وذلك لأنه يلعب في المريخ.

سوف نحترم ..ونقدر تاريخ هيثم مصطفى في الهلال...لكن نحسب ان هيثم لم يحترم تاريخه يوم ان وقع في كشوفات المريخ.

مرة اخرى.

نختلف مع الامين البرير الف مرة ..ونختلف مع هيثم مصطفى مرة واحدة.

هيثم الان اضحى غريبا على الهلال.

ملحوظة: نواصل.

هوامش

اخشي كثيرا على الهلال في الموسم القادم.

الامين البرير تعرض لخدعة كبيرة من جمال الوالي ..استجاب له بسذاجة..حتى اهدي البرنس وفييرا للمريخ.

استقالة جمال طلعت مسرحية.

جمال الوالي بدير المريخ وهو (مستقيل).

ناس عصام الحاج ديل ..قاعدين تمومة (اجتماعات) ساكت.

يا عبدالله حسن عيسي طلعت أي كلام.

البرير ..سمعوه ان رئيس شجاع ..ونفخوه ناس المريخ (كلام)..حتى شطب البرنس وفييرا.

عليكم الله هسه لو البرير دا شطب البرنس وفييرا في اخر يوم من التسجيلات ..كان الله حاسبو.

الفهلوة دي تعملها بس على ناس هيثم.

ناس معاوية الجاك ..وهيثم كابو ..الذين كانوا يتحدثون بسخرية في الامس عن هيثم مصطفى...عادوا يتحدثون عنه بكل ادب وروعة اليوم.

سبحانة مغير الاحوال.

انظروا كيف احتفلوا بهيثم الان.

انتوا براكم ما قلتوا هيثم انتهى.

الامين البرير ..اذا استمر على هذا الوضع ...اتوقع ان يشطب في يونيو القادم المعز محجوب.

واتوقع ألا يجدد البرير لكاريكا ومساوي.

البركة في مالي والسنغال.

الله شافنا من (بلغاريا).

نخشي على الهلال كثيرا في ظل ادارة البرير وهاشم ملاح للهلال.

مشكلة البرير ...انه يدير الهلال كما يدير (دكانة).

المفوضية ..والاستئنافات ...اضاعوا الهلال بين شرعي وغير شرعي.

شغلونا بالطعون ..والاعتصامات ..اشتغلوا شغلهم.

السلطة مسؤولة عن هذا الذي يحدث في الهلال.

فرتكوا الهلال.

المشكلة ان الامين البرير بستجيب لهذه الاشياء.

الان يا خالد بخيت ويا ابوشامة ..ويا غارزيتو ..هيثم مشي المريخ ...ارتحتوا كدا.

يلا وروانا شطارتكم.

ان شاءالله في الموسم القادم ..تنستروا.

ما يحدث في الهلال ...نتاج (لسياسات) الدولة ...واستهدافها الواضح لجعل الهلال بهذا التفكك.

نسأل الله ..ان يلم شمل الهلالاب.

الهلال في المرحلة القادمة ..يحتاج الي كل اولاده.

المرحلة القادمة ..سوف تكون صعبة.

يمكن ان يمنحنا المريخ ..المزيد من الرغبة في الانتصار عليه.

ابناء الهلال في تحدي جديد.

يا بلة جابر ..جايكم معلم ..اتعلموا منو حاجة.

شيلوا ليكم منو (نقلة).

يا البرير ..اتحرك.

اعمل ليك حركة من الان للتسجيلات القادمة.

انتظر فيصل العجب.

المريخ بقى كلو كباتن.

البرنس والحضري والعجب.

واحد كان كابتن الهلال ..وواحد كابتن الاهلي المصري ..وواحد كابتن المريخ.

هيثم مصطفى ..قلب صفحة جميلة له في الهلال.

خلاص القصة انتهت.

نتمنى التوفيق لسيدا في المريخ ..ونسأل الله ان يحقق الهلال كل بطولات الموسم القادم.

براك يا سيدا مشيت (الوصيف).

خلاص ح نجردك من كل الالقاب...(سيدا ..والبرنس).

عاجل : الله يسهل.

انقر هنا لقراءة الخبر من مصدره.