سنظل نحن مع الطيور وحياة غلاوتك عندنا داقشين مساحات الزمن لابصيب تعب او إن كلل أو إن ملل في مشينا نقطع فيافي الحب مجاز من غير جواز ونطوف هناك او كان هنا لانخلي قطية في بلادي ولا الرواكيب الصغيرة الهي اكبر مننا وبننثر الأفراح درر حقا ابر يامصطفي آمال مني كلمات غناك جوة القلوب وحياتنا زاده ومسكنا تدينا في القدرة احتمال مامن محال واقع جديد بي يدنا من قول غناك ودمنا مابين حقيقتك وهمنا الحان شعر والدوزنه كم من وعي كم من فهم ثورة وخلاص لي شعبنا من ارزقية وناس دجل بالدين يكتلو وينهبوا بإسم الله دينهم وربنا كهنوت وبوت دايسين رقابنا وبالقهر وسياط عذاب لي ضربنا لمن تقول طيبة بنقول هادرين بجية تنجنا لمن تقول نورا بنقول ما اه اه حزنا دني ما الضيم مرير والحالة عدت للشنه يامصطفي نستلهم القوة بغناك والدندنه حنظل نعيد نقلب شريط مليون في ايام السنه ويطل نضال تصحي المدن من ها السنه خالص التحايا وكل مجد لك الخلود يامشجنا يامصطفي بكل احساس بحب لصوتك الابهي انحني لك الصباح المستنير لك الليالي الماجدات والنهارالإنبني من شموسات أغنياتك وصوت معتق بالوهج سنداله واقف بيننا
