علي شرف الذكري السادسة لقرارات المحكمة الجنائية الدولية التي قضت بأمر القبض علي السفاح الهارب من العدالة الدولية. والتي كانت بتاريخ الأربعاء 4 مارس 2009 قالو قايد للمسيرة ورمز دولتنا في بشيرا والبيهبش ذرة منك ياما يندم ويلقي حيرا وبرضو علقو في الشوارع صورتك الزاهية الكبيرة وكتبو فيها احبك الله ! والأعجب حبب الشعب في مشيرا ؟؟! وقالو ردا غير سدا الجموع الجات غفيرا القطاعات والفيئات والعواصم والقري وأي زولا هو ندد في المسيرة هو يشجب كيف سيادتو يقولو مجرم لي حزيمة ضجت استنكر حميرا والكل يهتف :- اوكامبو ياشافع السجم ورينا بس ادوكا كم ؟ اكامبو يابتاع البنات ياسكرجي مره ويسكي ومره بيرا يا عميل امريكيا ياود الحرام انت مجنون ولا طيرة. حاجه تقرف .. حاجه تكتل .. ياخ كفاااااااااااية يا مطبلاتة النظام دي النهاية الليو مريرة ياحلاقيم القروش التحرش ومابتكاتل يا أجيرة ياحشر قوش البصرح إنو بعدم أي زول يخوض في سيرة آن أوآنكم في بدايات النهاية مارس الشمس المنيرة مارس الحرية لينا مارس أبرك وزين وخيرة ومارس الحق والجبيرة ومارس العين التفتح لي ربوع دارفور بصيرة ومارس النور البضوي في جبل مرة القميرة ومارس العدل القصاص لي يحي بولاد ورفاقو الأسود الهد زئيرا عرش أركان النظام في زنازين الظلام في التواريخ الزفيرة ومارس الفرصة التوازن بين حقوق الناس في وطنا لوتفاكرو كيف تديرا وكيف بتفرض رأي بيقبض للبشير وكل اعوانو المجارمة في هبة واحده تكون قديرا فور مساليت وزغاوا نوبا بقارة وبجا دينكا جعليين شوايقة هوسا فلاته وليرا كل قبايل في الجزيرة وبحر ابيض ونيلنا ازرق وشلك فراتيت بي نويرا تطلع الشارع وتهتف :- للزنازين ياعصابة للسجون الفاتحة بابا لأي كوزا بيو جديرة كم كتلتو وأغتصبتو وكم نهبتو وكم فصلتو وكم صفعتو وأي شابا في عطلتو والظلم ليلاتو قصيرة عدن الساعات وفاتن في عصر اربع يوم ما اصدر امر قبضك لاحصانة ولامجيرا لاتلعلع ترقي تزبد يااب عميرة مابتسلم للكديسة مابتحلك تبقي رامبو لي اكامبو ما بتحلك نحن مهدية ومهيرة ونحن سلطان ودعجبنا مابتحلك ونغمة إستعمار وطنا مابتحلك فبركة وحنكا فطيرة لابتحلك كل قيادات المعارضة الواقفة جمبك في الضيافة بي كراسيها الوثيرة لابتحبك لابتدورك بس جبانه ومستهانه ولو لقت فرصة في جفيرة ويالا أسفا ثم أسفا الوحيد البينم ايد برضو مجرم زي سيادتك شاركك فيها الجريرة القصر والمنشية سحقا البشير وترابي محقا في هباءا مستطيرا النضال نشط الوتيرة واللي متعطل ومبطئ في نضالو رقعة الوسط الشمالي عائق الحركة وعضيرة ياوسط كجنا فعلا الطوائف والبثاقف والبوافق والبخالف شان بهادن في الضيافة بي كراسيها الوثيرة. وينها حركاتك تحالف كل جهات كانت بتنزف ولسه باقي فيها نازف ياوسط فيض الدميرة ياوسط الفرصة عندك تعلن المنفستو حركه جده في الغاية وخطيرة تعلن الطوفان توازي في الشوارع وبي سلاحك كان مظاهرة او زخيرة مابنصادق الا حركة ترفض التهميش تناضل هادفه لي غايات كبيرة أول الحاجات بناهو خاته في الساس العدالة والحيط علماني جيره والسقف تحديث منور والديمقراطية كرسي بي طرابيزا وسريرا يلا ياوسط الكسالي نومة التخدير دي طالت وأي زول مله لشخيره حركة تقبض لي زعامات العصابة من بشيرا لي غفيرا يا الجنائية بتحاكم يا بنحاكم بي رصاصنا وبي سكاكينا وشفيرا وقالوا قايد للمسيرة ورمز دولتنا في بشيرا لا هو قائد لا هو رمزا لا في تنمية لامسيرة ولو سألت ايه مسيرة ؟ بقولو قاصده الا قصدت لي دمارنا ونهب متقن مستطيرا ومافي سد اصبح محامي ومن بني الخزان حرامي وهجر الناس في الجزيرة وما بحل شئ من محاكم لا عياطا لا حلاقيما كبيرة أو عبراتا حقيرة بس مثولكم في قفص تلك العدالة جوة لاهاي يا حثالة مافي غيرا .. وغيرا ابدا مافي غيرا