تهنئ أسرة (حريات) رئيس تحريرها الحاج وراق بزواج ابنته سهاد على مجاهد سليمان . والتهانى موصلة للعروسين مجاهد وسهاد ، وكافة أفراد الاسرتين . وبالمناسبة هنأت الأستاذة رباح الصادق المهدى العروسين بالقصيدة أدناه : عديلة سهاد ومجاهد صل عليه دوام طه المنار هادينا غيث جنة بلال يا رب مدينة مدينة ساير بالسبوت يا ود عزاز الديرة شايل لي سهاد ست البنات تأشيرة الآسية الالم في الطب عليمة قديرة بت وراق مسارب ضيو باقة منيرة مبروك يا مجاهد سعدك تجلى وبان وانطربت قلوب من جبرة لي جيزان أملاك الجليل والبركة في الأركان حفوك يا سليل العمروا السودان مبروك يا انتصار سويتي ليها الحنة يا اماتا يا الضاماتا ريد ومحنة في جنة عدن ديك أم سهاد تتهنى يا مولاي سهاد اديها ما تتمنى نعمات يا سهاد طيبا انردم عماكي سوميتا ودعاها اتقلديه براكي ما أحلى البخور المالي طيبه سماكي والنورة البهية حقيقة ما احلاكي الحاج العلم مبروك عليها بكورك يا سيد القلم غايب نراه حضورك ترجع للوطن باكر يضوي بنورك مولاي يا كريم في الظلمة تنفخ صورك ترجع يا اب سهاد تحضر بنينة اخوانا أسعد وجدو لي عبدو وبلدنا مزانة لا كوز لا فساد لا انتينوف لا دانة حرياتنا حق في الرقبة شلنا أمانة اجوادن كريم المتلو ما لاقانا مقلام الحجج سيد كلمة راقي بيانا والدك يا العروس كم شاهدوه عيانا زي ضي الشمس يفضح ضلام عمانا يا أخت القمر ود سبعتين التم يا ست الحسن يا الشايلة كأس الأمة والدك قالدك عزة ونباهة وهمة الواعي الجسور في الحارة خاض اتحمى الليلة العريس سارت مواكب سعدو لي ورياب يروم بدت البلابل عهدو زغردن البنات متباشرات بي رغدو بشر للشباب البغروا منه وشهدو عاجبانا العروس البي الأدب تريانة شبت في العلوم قطعا تشيل نيشانا عاجبنا الرزان في خدرتا الرويانة يا رب الفلق تحفظ شقيقة البانة عاجبنا العريس وهلاله ضوى جبينه لبس السرتي اتباشر بشر بيمينه رحب بي سهاد البيها حلوة سنينه يا رب العباد حقق سداده وزينه. رباح الصادق .