عٍشْنَا وشفنا في زمن اللغف ماعيب رشوة واختلاس ياريتا نشلة جيب يوت من كان خمش ما سمعنا ليهو حسيب حسنا انقرش ما ظنو يلقي مجيب اتراكمت الديون من يورو لي دينار وانفنس الجنيه من ضربة الدولار لا بترول نفع لا نزلت الاسعار اتفشي المرض من جلطة لي سرطان انعدم العلاج الكان زمان مجان كان عندك قرن ما بتعيش عدمان والمسكين يموت والله موت الضان قوموا يا اهلنا كفاية نوم ما خلاص ولا شنو الحصل فقدتو للإحساس البلد اتملت بي كل صنوف من ناس واحدين قعدو كيرى تانين شروا الأجناس ما تقولو الزمن السمح يا بلدنا عدّ وفات والخير الكنا فيه اصبح حجا وحكايات شدو الهمة يلا اعملو للجايات ديل عايشين في وهم قايلين قلبكم مات انهض يا عظيم يا مفجر الثورات عاديتو الدول بوظتو كل علاقة مسختو الحياة فقدنا حتي مذاقا عذبتو الخلق قطعتو ليها ارزاقا ما خليتو ست الشاي ولا العرقان ورا الدرداقة ساكنين القصور عاد راحة وآخر فاقة اكلو الكيكة انتو ما تخلو فيها ضواقة شايلين الصبر والله فاق الطاقة ربنا هو العليم لي يوم قريب نتلاقي لي عز البلد اليوم اكيد يا رفاقا اليوم اكيد يا رفاقا.