من هنا وهناك هيثم صديق نتيجة امتحان مبروك لكل الناجحين من الابناء الذي جلسوا لامتحانات الاساس هذا العام في كل البلاد وهاردلك لمن لم يحافلهم التوفيق فان التعويض ممكن والنجاح قريب لان الموسم الكروي قد اقتربت امتحانات نصف العام منه فانا نريد ان نقرأ نتائج كل اللاعبين وليت الاخوان يجعلون بابا هكذا يعطون كل مدرب لاعبا ويصحح له المواد ويكتب الملاحظات مواظبة …مهارة…تفاعل..انفعال…لياقة… زكاء… وغير ذلك وبعدها يكتب عليه الاجتهاد في كذا ان سقط في بعضها او يكتب لا يرجئ منه لكن لابد من نتيجة واضحة نعلم بها من سيمر ومن سيعيد ومن سيذهب الي السوق يبحث عن فرص اخري قالوا ان كامبوس قال ان الخماسية المازمبية الكنغولية الموبوتية العظمي صدفة صدفة واجمل صدفة انا يوم لاقيتك بهم…لو صدفة لاقيتك خمسة قينان صدفة…. هسي لو لاقيت ليك زول خمس مرات بتقول دي صدفة الصدف دي غيروها خلي بالكم قالوا في لفة راس صدقنا قالوا الارض مبلولة ااامنا لكن بعد ستاشر سنة ثانوي يقولوا صدفة القون المن النص داك صدفة المحاورة العملت لاسامة التعاون قضروف صدفة اللوز الجات لكامبوس من قولة هاااليفة صدفة الاغماءات في المدرجات صدفة الله يرحم عمنا حسن الزبير الصدفة دي زي الخوة القالها حبيبو وجيت تقول البينا خوة خوة ايه دي البتبكي سيدا وخوة ايه بتسهر ليالي الا دي الخوة الجديدة يكون دي الصدفة الجديدة ونحن ما عارفين غايتو كامبوس ده الا قنعان من روحو ما قالوا ليه ديل بيتعادلو مع الشجرة اربعة اربعة كامبوس ده حا نسميهوا عمك(كنغو) عمك كنغو جاري شديد ماشي يجيب ملابس العيد لاقتو كلبة وقالت هو عمك اتخلع وطار في الجو غايتو من هسي انا ماشي لاستاذنا شرحبيل احمد يرسم لي عمك كنغو شكلي حا اطلع مجلة الصدفان وكمان صلاح ادريس راجع كل عناصر الخماسية جاهزة المانشيتات ناس الجرايد جهزوها بالكربون حا تطلع ده ما الهلال ده لعب عيال فضحتوووونا تونا والا ساردين ييكا في واحد مشي لبتاع فرن قال ليه لي خمسة يوم ما ضقت طعم الرغيف بتاع الفرن قال ليه ياهو ذاتو ما اتغير ممكن اي زول محتفظ بعمودو ينزلو يبدلوا الاسماء بس كمان التبديل بغلبهم البدلوا 2 ب 12 ببدلوا اي حاجة قال ليك واحد هلالابي مرتو بدلت بدلتو بعمود طلع العمود معاد كامبوس ده زول بيحب التكرار بكرة يشتكي للفيفا ما ادوني قروشي وما عارف ايه يقولوا للفيفا صدفة المرة دي مع فريقين من الكنغو كن قو يعني ابقي ماشي …………………. مسكين حكم كوستي قال تك لعنز المك
