من هنا وهناك هيثم صديق فليتة كلوب اي هلالابي تلقاه الايامات دي ماسك في ضهرو عندي اخوي دخل كورة فيتا الاخيرة في المقصورة امس ما مشي الشغل قال ضهرو بوجوعو اليافطة وقعت وعملت ليه فليتة ناس الهلال اتحولوا سريعا من فيتا لفليتة المادخل الكورة ماسك ضهرو ضهر ما عندك فيه فليتة ما تعد ايامو الهلال ده التقول لعب مع فليتة كلوب سيد الفليتة لو ما اطقطق ما برتاح عشان كده الموضوع ده حا يستمر طويل وشعار المجموعات هو (ممنوع الوقوف بين لافتتين كنغوليتين) واحد لقي لافتة مكتوب عليها ممنوع الوقوف انبطح وموضوع اللافتتة ده خطير ربنا يشفي الجرحي ولازم يكون في تعويض علشان اي زول تاني عايز يعمل يافطة يعرف انه في تعويض عليه لو وقعت مش لو كانت ليها عشرة سنة لو تمت قرن ارواح الناس ما ساهلة ولا هينة اي زول يعلق لافتة ويمشي البلد بعد المطرة تلقاها كلها لافتات طايرة اي لافتة واقعة بتوقع معاها حاجة وده لفت لانتباه اهل اللافتات البلد فيها شح في اللعيبة اللفت وكثرة في اللافتات ونلفت انتباه المعلنيين انه اي لافتة واقعة بتحملوا مسئوليتها مش كفاية الهلال يطير كان اللافتات تطير برضو علي الجرحي التشبس بحقهم لو اسقط احدهم اللافتة لتلتلوه في المحاكم لا تتنازلوا عن حقكم عفي الله عما سلف هي القطعت خلفنا اي زول لازم يتشدد في موضوع الحق العام ما تعوموا الموضوع عايزين بكرة اي شركة ..مصنع..مدرسة… تراجع لافتاتها كفاية الفتات البنلقاه منها ………………. قال ايهاب زغبير انه يريد اخلاء خانته نفي ايهاب زغبير انه يريد اخلاء خانته قالت الجماهير انها لا تريد ايهاب لم تنف الجماهير قولها ……………. * قالوا ان النابي سيعود من جديد مفروض كامبوس ما يسافر اي مدرب يعفوه يكون قاعد فيالبلد كورة واحدة وبرجعوا ليه الفرق ما بين النابي وكامبوس هو (خليفة) واحد يكورك لخليفة وواحد يكورك من خليفة *افادات جديدة للعجب لم تخرج من القديم تحسر علي ما مضي وتحميل المسئولية للغير لم يعترف بان مردوده قل وانه ضرب الرقم جل * وهيثم مصطفي يريد الرجعة للهلال كما قالوا ويغني متين العودة تاني اشطبوه يا اهل المريخ العرجا لمراحها لم يقدم لهم شيئا وقد كان يتوكأ علي موهبته والصبا فهل يقدم شيئا وهو يتوكأ علي عصا * احرز سيرجيو هدف الهلال الوحيد ولم يسلم تري لو خرج سليقة ماذا كان سيجري له اقترح الباسه رقم 8 عسي ان يكون مثل سيدي بيه الله عليه الذي احرز الهدف الثاني للهلال لقد اثبتت بعض الدراسات ان سيدي بيه قد احرز هدفا ساعة (الكتاحة) ولما لقينا عينيها لقينا الكورة (كتاحة) وللاستاد فتحنا دروب ولقزاز الفيتا جبنا فتاحة غريبة المطرة صقتعنا وبولوا عليها (كتاحة) … *برهان تية مية المية هكذا ستغني جماهير المريخ فداسي تفلق وتداوي تجيب معاوية تجيب الوالي فداسي ده ما بتعظ اصلو قالوا ان الذي فلق عمر بخيت هو الذي فلق مساعد الحكم الطريفي الزول ده نياش خلاص *واحد صاحبنا لسانو فالت..صاحبي قال ليه مالك ما بتمسك لسانك ده انت لسانك ده زي البلنتات مع المعز اصلو ما بتمسك ولا يزال الوضع في الهلال جائطا هل اثرت الشيشة في الكيشة ام اثر الكيشة في الشيشة بشري ساارة تم بنجاح تحويل لقب ديدا لفيتا