من هنا وهناك هيثم صديق فليحذر الحكم الرابع لما الطريفي كان مساعد حكم وقع مفلوق يوم الوقفة شفنا حكم الوسط جاري بجري المدينة مالحقو الكينيين ديل ابطال العاب قوي بتوع جري الحكم ده بيكون عنده رقم قياسي وسبب السك كان شنو عندنا اولاد الهلال جاب هدف ابيض منقوض يعني جروا يكوركوا رجعوا يشوفوا الاعادة لقوا النتيجة مكتوبة فوق اتنين واحد واحدفيهم قعد يبكي قال انا حوصتا قالوا ليه ابدا والله الحوصت قناة بين اسبورت متحوصة ..دائما نفس توقيت قون الباشا في اهلي الخرطوم الباشا كان بيديهم في حبة صبر عشان يتوقعوا اي حاجة بقوا يتوقعوا وهم ساكين الحكم الحكم قالوا لسه بينوم بالفاليوم مخلوع المسكين الحكم كا ن مسكوك الختام قال ليك في حرامي بيشاهد الكورة في نادي لما شاف الحكم جاري كورك بلا ارادة ارمي المحفظة يا فردة الدماعة قالوا صايمين ناس فيتا عندهم اخلاق ادوهم الفيتا مع الاذان اللهم لك صمت وعلي رزقك افطرت التاج محجوب قالوا اكل البلحة مع البلنت واحد قال لي كل سنة وانت بخير علي الطلاق العيد بكرة الهلال ظهر علي حقيقتو واحد قال انا عايز كوكا كولا قلنا ليه انتظر مازيمبي سكة الحكم اتلخبطت مع احداث غزة حبوبتا لين قالت لي:كر علي وده فلسطيني المسكوك ده قلت ليها ده كيني قالت لي اكيني انشرب اديتها تشرب ترباس في بيتهم مشي يشرب من الحفاظة ويرجع يصلي لي الهلال مغلوب في جماعة قالوا الاحتياطي مشي الفندق والكورة درون استغربوا لما جاهم سيرجيو وكامبوس يربطوا في الشنط مما سيرجيو ده جاء السودان انا عرفت البرازيل انتهت اهو اخدت سبعة من المانيا سيرجيو البتكلم زي بت قضيم ده كبير خلاث قالوا نديد صفر الهلال الكاردينال طلع كج قالوا ضرب لكمبوس عشان يهنيهو الاتصال جاري شاف الحكم جاري قال لكامبوس اعفيناك اعفي لينا كامبوس قال ليهو انا عافي عفوا الحكم واحمد عافية فين صاحبي مخستك ضرب لي قال المرة سكتو لقت البيتي فور بيتي (تو) اي لف يو اي لف يو تو واحد حلف بجملة الايمان انها ما ضربة جزاء قلنا ليه شنو يعني قال بلنت الحكم غلطان والله صفر ضربة جزاء وهي بلنت لاعبين الهلال سكوا الحكم لييييه؟ علشان سيف مساوي ما ضرب اللاعبسيف مساوي بس البيعمل بلنت دي تعليمات مدرب سامي عبد الله طمعان يثبت في التشكيلة الظاهر ما عارف الاختصاصات مساوي للبلنتات واتير للقلشات اي حاجة في الهلال بنظام البابا وبعديه الكاردينال صلاح وبعديه البرير التاريخ بيقول كده ومن خلا قديم تاه لذلك الصفر باقي الحكم الكيني طلع قريب اوباما تسكوا قريب رئيس امريكا والله عينكم قوية يقوم يستعمل حق الفي(متو) تبقي فيمتو وفيتا فيتا وخراب ديار بكري المدينة قالوا شاف الحكم بيشبه سيسيه اكتر زول جري وراه المهاجمين بتحسروا علي الفرص الضايعة وناس بكري بتحسروا علي مرقة الحكم منهم قالوا عادل رجب حا يشيل القضية مش طلع هو اللي سك الحكم الحيمودي قالوا بيحضر في الكورة قام جاري كانت تلك المقدمة غدا باذن الله تفاصيل اوفي