من هنا وهناك هيثم صديق المنقذ ومبارك سلمان يجوب المطارات مستعجلا يريد ان يصل الي لوممباشي لكي يساعد الهلال في العودة الي المنافسة مبارك سلمان مع الاحترام له لا يملك بصمة واضحة وليس متفردا كما انه لولاي والهلال مفطوم من اللبن لو ارسل الهلال حكما لقلنا معليش ام ان مبارك يحمل خطة جديدة في عالم التجريب فقد يلعب بالمعز كراس حربة ونزار حامد حارس مرمي ما دون ذلك فلن يجدي فتيلا فافريقيا لن تعطي تاجها الا لمتوج سابق كذا الايام علمونا كما علموا المغني في احرموني ولا تحرموني فلربما طبع كتاب (سلمان وسمعان من ناس مبارك سلمان) وهو اخو لكتاب( تجميل وجه الشيتة في الغلب من فيتا) ليكون سلسلة كتب (الاستعجاب من الفرات للمسيسيبي في الهزيمة من مازيمبي) *والمريخ اليوم يبتدر اولي مبارياته في سيكافا فاعادني لعهد بعييييد زمن الطفولة لمريخ البطولة يوم رايت والدي رحمه الله يوزع البلح وحوله الاولاد يتقافذون بالفرح اذ احرز المريخ اول كاس من الخارج لهذه البلاد قبل ان تعقبها اخريات منه هو بس كان الراديو هو ناقل الاخبار السعيدة وفيما بعد عرفت كيف كان الاستقبل قبل ان اوعي بعد سنوات قليلة علي استقبال اضخم ثم قيض الله لي ان شاهدت سيكافا الثانية ولا زلت اذكر عرجة سانتو وهو يسنتتها لذلك مهما كان الامر والحال فان المريخ هو السحابة الوحيدة التي تمطر ما سواها (تخا ساكت) فكم ربوعا اجدب خصيبها يوم اظلتها غمامة المريخ مرعة ومبرقة وهطالة والحالة ما بطالة لكل مرحلة ابطالا وفتي المريخ في كل مكان مرجوء قميص المريخ مثل فميص السوبر مان له خاصية وخصوصية مثل مظلة المظلي من غيرها بكسر رقبتو ورقابنا يرفعها طويلة هذا المريخ فنرتجيه فائزا علي الدوام امام جيش او بوليس او كشافة الامر عندنا سيان ولا يأسان مع النجمة (نفير) . قالوا ان المرابط هزم المرشح في تمرين الهلال الختامي . قلت يكون ده مخطط . احتمال مبارك سلمان يفاجئ الغربان بالمرابط . المرابط ادناه لمشاهدة الخماسيات . احتمال الهلال يبقي بتاع خماسيات بعد كده . غايتو لو اتغلب خمسة تاني الا يضموه للخماسيات . لكن المرابط يهزم لمرشح دي جديدة . اغرب حاجة هم بفرقوا بينهم كيف . مش كل لمستوي واحد . يعني بكري مرشح وخليفة مرابط الفرق شنو . والله يدوك فرصة لي بطرة ما تقدر تطلع فرق . ………………….. . اول مرة ما اقرأ لناس الهلال انه حايكون في كاس العالم للاندية . لعل المانع خير . سيرجيو لسه ما ادوه خاطرهم . منتظرنوا يكون شماعة . شماعة تااااني؟ . المرة الفاتت طلع اشاعة والمرة دي شماعة . ………………….. . اختار برشلونة اربعة كباتن لفريه بالانتخاب . اولهم تشافي فان غاب فانيستا وكذا . ونحن لسه ماسكين في الاقدمية . نحن قديمين بشكل . ………………… . اتوقع حربا ضروسا علي مازدا في مقبل الايام . اصلهم من يطيروا بقبلوا علي مازدا ما عارف ليه . ……………….. . عندن واحد بلدياتنا ول مرة يشوف الزيتون . كان فاكروا تحلية خلاه اخر حاجة . لم يتذوقه فما عرفه . هسي ناس الهلال ديل ما ضاقوا سيكافا . ويقولوا ليك مرة . مر عليهم
