من هنا وهناك .. هيثم صديق .. احذروا غضبة الترجي طبعا الكلام ده ما لناس قريعتي راحت ولا اي لف زيرو الكلام ده للمريخ ذات نفسو اقول ليكم كيف الترجي لن يرضي ابدا بالخروج المذل امام المريخ في رادس وهو الذي تعود ان ينتصر في رادس بالخمسة والستة مع التحانيس وعليكم الله العنوا ابليس الترجي سيعمل بكل قوة لكي يفوز بالكونفدرالية ليقابل المريخ في (السوبر) طبعا في دماعة عاوزين يلاقوه في مباراة (حبية) حبية في تونس ممكن لكن عنده لا هناك في الحبيب بورقيبة وهنا قصروا رقبتنا (جوليام شكسبير) اجرت احدي الصحف حوارا مع لاعب الوصيف البرازيلي جوليام فقال :قادم من مناخ حار مهمتي هز الشباك باهداف نار واحلم بالنقص مع الانصار…هله هله…ده من بطانة البرازيل امو اسمها منو يا ربي مش يمكن يكون الصادق ود امنة بتاع هم… قبل كده جابوا اتبونج بي شعر ضفائر واليوم جابوا جوليام شاعر…سنة يا عكير … ممكن جدا نسميه (المتصفربي) علي وزن المتنبي..او صفير..علي وزن جرير..وممكن كمان يكون ابو اصفار علي وزن ابو تمام… المصفر …. الزول ده انا قلبي كان حاسي انه مخبي حاجة ..طلع شاعر… الا شاعر بالغربة… قصيدته الجاية حاتكون…. انا غلبان …اكلتني الغربان…. اوع يكون البرازيلي التاني بتاع رواية..الناس دي ممكن يكونوا جابوا (كويلو) … ممكن يكون مألف مسلسل رمضان في البرازيلي …قالوا اسمه الكامل انرزينو انور عكاشة..طلع اخو اسامة بالاب..امه برازيلية… والله جنس محن..ودمسيخ تاني لقي ليه منافس قوي… ممكن قناة الهلال تعمل برنامج (ريحة الصفر) تحاكي بيه ريحة البن…. حليلك آآآ البشري تاني ما بتلقاها بالساهل… (ابو جريشة) ليت المريخ ممثلا في مجلس الادارة يحقق خبر الامس ويعيد عادل ابوجريشة الي دائرة الكرة في الفترة القادمة التي تتطلب مجهودا كبيرا تعود عليه (كابيلا) وخبره… عادل ابوجريشة مريخي صميم وكبير ومحب ولقد لمسنا ذلك في كتاباته الداعية لجمع الدعم ولم الصف من همه الاكبر هو المريخ بدون النظر الي الانا (الهبوط) ان هبط منافس المريخي الجزائري الي الدرجة الثانية فلا يعني ذلك ابدا ضعفه ولكن قوة الدوري في الجزائر لما لاح من ترتيبه ان المتصدر لو دقس فسيجد نفسه يصارع للنجاة من الهبوط…. سبق ان فاز شباب بلوزداد-ان لم تخني الذاكرة) بكاس الكؤوس الافريقية وهو يلعب في الدرجة الثانية وتم استثناؤه بعد ذلك تكريما له….لعل حكام الجزائر فيهم عدل فيكون الانهزام في الملعب فقط فلا يبين البطل منتهي كما في بعض الدوريات (اولمبينا) خسر المنتخب الاولمبي في ونس بهدف ويمكن ان يصعد من الخرطوم لو تم الاستعداد بطريقة مثلي..ستكون المباراة في الابيض بلا شك وهو اختيار جميل وليت كل مباريات الاولمبي تكون هناك ففي عروس الرمال تتحقق كل الامال (استقبال في المطار) قالوا ان الهلال قد وجد استقبالا كبيرا في مطار تونس…والله الناس دي رايح ليها مطار… اوع يكون وصبت امطار فتمايلت طربا الاميال والارطال..وما بطّال (الدقة مطلوبة) قالت صحيفة الزعيم ان عمر البرازيلي (اللحمر) 45 عاما ..الاخبا الاكيدة تقول انه اكمل ال44 قبل شهرين…الدقة مطلوبة عزيزي الفاضلابي..وبياخذ 60 مليون في الشهر..لا حولاااا امال لو كان قدر (بكوري)
