في السلك بابكر سلك روشا …ياهو دااااك هلال تاني *الجزائريون الشرفاء اعترفوا بصحة الهدف المريخي *ناس وفاق سطيف والعلمه *وحتي ناس الاتحاد *اعترفوا بصحة الهدف *الا الاهله امثال روشا *وكمان عملوا ليها قصه *قال واضح الكورة اتقوست وخرجت بره الملعب *معقوله يا روشا *الحقد يعميك لدرجة تشوف شئ ماحصل ؟؟ *هو انت زاتك يا روشا *السمعناهو من شيبون قام للركنيه قالوا وقعت من كرسيك *شفتها كيف مرقت واتقوست *داير يعمل ليها قصه كمان *قال اتقوست وشافها *وطبعا في اهله عجبتهم الحته دي *واحد فيهم ماحضر الكورة *قال شافها اتقوست وجات *وروشا ينظر *كلما يلاقي هلالي عجبتو الفكره *يرددها ليهو *قرب يقول هديك اتقوست تاني *زي الزول القالوا البشوف الهلال بتاع رمضان بدوهوا حافز *واحد قال اهو داااااك *ادوهوا خمسينالف ريال *قال ليهم داك واحد تاني *وديك توقيسه تانيه يا روشا *قالها الطاهر محمد عثمان بدون خجله *قال الهدف غير صحيح *معقوله يكون صحيح يا الطاهر ؟؟؟ *ولكن عصام الشوالي قال الحق *كل الحق *قال بالحرف الواحد *لن تتطور الكرة افريقيا وبطولاتها مادام هناك اداريين فاسدين وتحكيم اكثر فشاد *ويتواصل مسلسل مهازل التحكيم الافريقي في مباراة الاتحاد والمريخ *ويحرم المريخ من هدف صحيح بدون اي سبب سوي انه اتي في الدقائق الاخيره من زمن المباراه *التحيهىللاستاذ الرشيد بدوي الذي قال الحق *وداك هلال تاني يا روشا *تاني يقولوا قوست *وناس يقولوا دخلها بي يدو *ولكن دعوات المريخاب علي الظمه *نظن خيرا في الله وفي قبوله لها *دايرين نشوف حقنا في عيون اولادهم الفجره المتربصين *المهم *و لخبطة روشا هضرب *مره يقول عشان المريخ يشعر بالظلم *ومره يقول الهدف غير صحيح *من وين ظلم ومن وين غير صحيح ؟؟؟ *دي الجزائر يا روشا *ما لعب *ده المحل البشردوا منو الناس *البقولوا ابيت ما بمش *دي الغابه المابدخلها الا اسد *ولكن الغزلان تحاحي بي بره وترفض دخول الغابه *اين انتم من الجزائر يا روشا *ولماذا لم تذهبوا لمقابلة وفاق سطيف في مباراة الرد ؟؟؟؟ *واشار روشا الي ان المريخ تربي علي استمالة الحكام *روشا يا اخوي لما كتبت كلامك ده حلو مركم ده بلت من متين ؟؟؟؟ *ولا بله جابر يا اخوي *تهضرب كده مالك ؟؟ *من الذي يتحدث عن التربيه علي استمالة الحكام ؟؟؟ *اهو روشا ؟؟؟ *روشا الهلالابي ؟؟؟ *الهلال الذي قام باكبر عملية تزوير في تقرير حكم ايام 2 ,12 *اليوم داك الاستماله كانت جمب الاسبتاله مراقب وحكم يا اخوي *ومن منا لايذكر ضربات جزاء محل الحقنه ؟؟؟ *ومن منا لا يذكر الحكام الذين يرفضوا الاستماله *ياخدوا القاضيه *ويرقدوا الواطه *الدايمه دي *يا تقبض يا ترقد *عن اي استماله تتحدثون *وحماده يظهر في الصور ومعاونيه في صالة المغادره بالجلاكسيات الجديده *واللاب توبات *حقوا ابواب زي دي ماتفتحها ياروشا *من تربي علي استمالة الحكام بعرف روحو كويس *وفي البلد دي في فريق بدون تواطوء حجر من الارض دي ما برفعو *وانت سيد العارفين بذلك *يوم واحد يا روشا *وتعود لمانشيتات *لعب عيال ……ده ما هلال ……قروش الكاردينال *لأ ….الاخيره دي بصراحه ماقاعد تكتبها *اصلو ما شفتك جبت سيرة قروش الكاردينال *بس بتكتب لعب عيال وده ما هلال *شوف يا روشا من فطم علي استماله الحكام من زمن الانجليز وحتي محل الحقنه *وخليكم من سموحتكم *سموحتكم لكن ما سموحه يا روشا *فريق يجي بي طلطاشر لاعب ؟؟؟ *جايين بي هايس ديل ولا شنو ؟؟؟؟ *الطلطاشر زاتهم قالوا فيهم تلاته حراس *يا ربي !! *كي ام والفشنكات وسانغا وسموحه وتطواني *هييييييييييييي وهيييييييييييييي وتاني هيييييييييييي *وقرن شطه هناك ومجدي رئيس لجنة والقصه كلها قرعه *طوااااالي طره قرعتكم دي ؟؟؟؟؟؟؟ *دي استحاله *ولا احتمال تكون استماله يا روشا ؟؟؟؟ *ايها الناس *العالم كلو عارف انو هدفنا صحيح *وعارف انو مجدي رئيس لجنة الحكام في الكاف *وعارف انو روراوة الاتحاد ده بالذات بحبو من دون فرق الجزائر *وصوت رورواه جميل *بالذات اذا كان الغناء داخل الاتحاد الافريقي *ودقي يا مزيكا *طالما برأصني الجدع *اسمو ايه ده بتاع اللييييييييييييي *الراجل الراح مصر ومارجعشي تاني ده *الله ياخد عمرو *نسيت اسمو *معاك فلفل ؟؟؟ *ايها الناس *من اجمل اهداف البطوله الافريقيه الي الآن *هو هدف شيبون *اسمو نسيم شبال *ختافي *وختاها جوه *الجزائر كلها هرجت *وشاكلو الحارس *ونمره تلاته وعشرين اظنو شاتها تاني جوه الشبكه زعل بس *يعني لاعبين الجزائر حسبوها قون *تجي انت يا حكم تقول ماقون *وتقول ما شفت الحصل لكن رجل الخط شاف *ذكرتنا كورة في البلد يد *افريقيه *انتهت واحد صفر بضربة جزاء *كانت بين فريق سوداني وآخر عربي من عرب شمال افريقيا *فريقنا لم لبو يجيب القون *فجأه رجل الخط رفع الرايه والخط *ورفع صوتو *قال بلنت بلنت *والحكم حسبها *وقال ماشفتها لكن رجل الخط شافها *واذكر اني كتبت وقتها *وحدين قالوا شفنا الشافها ما شفتوها يا خلاني *دي تعتبر استماله ولا استحاله يا روشا ولا استهبالا ؟؟؟؟ *تتذكرها يا روشا الواقعه دي ولا كنت صغير وكتها مابتعرف التربيه علي استمالة الحكام ؟؟؟ *اللهم انتقم يا جبار من كل من تواطأ علي المريخ *ومن كل من انكر هدف شيبون وافتي دون علم *اللهم والحكم ده *يا ارمي بيهو الطياره *يا سلطنا عليهوز في بيتو عند اهلو يا رب العالمين *اللهم واي زول يقول قون شيبون ما صحيح *اللهم الليله لو فريقو لاعب اغلبو عشان تاني ما يكضب يا رب العالمين *ايها الناس *البعض قال غرزه غلطان وغير التشكيل *غير علاء الموقوف *وتوليف سلمون في الدفاع والبدء بايمن المصري *ماذا تغير من مباراة العلمه ؟؟؟؟ *عشان نفهم بس ؟؟؟ *وهل فقد غرزه شوط المدربين ؟؟؟ *ايها الناس *الراجل شغال وبعرف شغلو كويس خلوهو *لكن نحنا حكام مجدي بخلونا ؟؟؟؟ *اللهم الحسسنا بيهو حكم مجدي امس *يحس بيهو مجدي الليله في فريقو يا رب العالمين *يا بركة رمضان والايام الطيبات *ايها الناس *ننعي الي امة المريخ وتنعي امة المريخ *قطب المريخ الكبير والعلم الذي رفرف علي سارية العطاء دوما *القطب المريخي محمد علي ابو راس *له الف رحمه تتنزل عليه في هذا الشهر الفضيل وهذه الايام المباركات *ايها الناس *ان تنصروا الله ينصركم *اها نجي لي شمارات والي الخرتوم *والينا *صح القالوا لينا *قالوا الايصال الالكتروني اكتشف لينا *اننا كنا بندفع سته وتليتن الف نوع رسم مفروض علينا *الفرضها منو يا والينا *والقروش دي كانت بتمشي كافوري يا والينا *اقصد كانت بتمشي الخزنه يا والينا *ولو ما بتمشي الخزينه اللينا * ليه فارضنها علينا يا والينا سلك كهربا ننساك كيف والكلب بجي قبل العربيه يا عمك , وبتي الصغيره قايله كافوري حلة الكفار ,,يا بت خشي جوه , تشابه اسامي ساي والي لقاء سلك
