بابكر سلك في السلك الحمام المغربي *الموضه والتقليد اصبحتا سمة عصرنا هذا وسط العصر العايشنو ده *وكريمات تفتيح البشره وتغيير اللون والحقن التي تجعل اللون اصفرا يسر الناظرين *انتشرت وملت البلد وعمت القري والحضر *وكريمات الفرد لخبطت علينا الانساب *زمان عندنا جدا لينا فقد بصرو *لكن زي المافقد بصرو *اذا جا شافع جاري *بناديهو *تعال يا ولد *ويخت ايدو في شعر الشافع ويتونس معاهو *اذا قلنا ليهو عرفت الشافع ده يا جدي *يقول ليك بالحيل *ده موش ود فلان الفلاني *مجرد لمس الرأس جدنا بعرف امك وابوك ونسابتك زاتهم *لكن الزمن ده جدنا الله يرحمو لو حضرو *لو خت جهاز كشف الذهب في راس زول مابعرف ده منو *كريمات الفرد لخبطت علينا الانساب *المهم * من دواعي الموضه والتقليد التي انتشرت عندنا الحمام المغربي ( بتشديد الميم الوسطي ) *ده كمان فيهو جنس حكحكه *اسكت بس *قال ليك تدخلو ازرااااااق *تطلع منو اصفاااااااار *حكحكه شديده *مافضل ليهو الا يطلع جلدك بره *يسلخك عديل كده *وجماعاتنا الزرق مشو للحمام المغربي في محلو *حايرجعوا لينا صفر عدييييييييييييييل كده *واتصفري *بعضهم حايرجع احماااااااار *حا ينسلقوا عديل كده *كمان لو لقوا ليهم كريم فرد يفرد صفرهم المطوطو الملولو ده يكون اخير *صفر ملفلف عمرو ما انفرد *صفر نوع اصلي *قرقدي يا عمك *محتاج فرد زي الفرد *واوصف ليكم خلطه كويسه *تجيبوا الحبه السوداء تزرعوها زي الحلو مر *بعد تزرعوها تنشفوها *بعد تنشفوها تسحنوها ناااااعمه *بعد داك تكبوها في زيت زيتون اصلي *وتضيفوا للخليط تركيبة السبعه زيوت *وتخجوا كويس *تخجوا زمن طويل *يمكن تخجوا الموسم ده والبعدو *بعد تخجوا كويس *تضيفوا ليهو نارجين *مايغشوكم يدوكم النارجين الكلو فزلين وروح جوز الهند *يدوكم النارجين الاصلي *بعد داك تبدو تمسحوا *امسحوا يوميا تلاته مرات *لمدة تلاته سنين *يمكن صفركم ينفرد حبه *كان ابي *جبدوهوا جبيد *بس براحه *ما تزعطوهوا وتقدوا ساي *ايها الناس *الحمام المغربي بفسخ عديل كده *بعد الحمام المغربي ماتعرض نفسك للشمس *باقي الشمس بتشويك *جلدك بكون رهييييييييييييييف *ولا اقول ليكم *الرهيفه التنقد *وكان انقدت الرهيفه *مافي بد غير التقوقع داخل الصفر الكبير *حماية من الشمس وكده *المهم *معسكرنا عال العال *رضي ناس المهنيه المحريه ام ابو *لكن لسه ماعرفنا كيبي مالو ؟؟؟ *نلسون مالو ؟؟؟ *سيدي بيه مالو ؟؟؟ *وهل ادوهوا مالو ؟؟؟؟؟؟ *مستنيين المهنيه توضح لينا *ايها الناس *قلناها ونكررها *شح مال وجمال ما بتلمو مع بعض *شوفو الشح وين وعدم المال وين *جمال مالو مؤسس *والمال المؤسس ما بقط *ربك رب الخير بحفظو *بل ينمو وينمو *ايها الناس *السرطانات الكملت الناس حمانا الله واياكم دي *تفتكروا الناس الاتسببو فيها *سواء بالزيوت الفاسده *او بالكيماويات الممنوعه التي تضاف علي اكلنا وزرعنا *او بالسلع الفاسده منتهية الصلاحيه *او ببيع السموم *والسموم تشمل المواد الفاسده والتبغ بانواعه وغيرها *زي ديل تفتكروا ربنا ببارك ليهم في اموالهم *ولا يمدهم في طغيانهم يعمهون لحين ويجردهم منها ؟؟؟ *عشان كده لو درتوا الصح مال جمال ما بشح *ايها الناس *معسكرنا رغم كيد الكائدين مثالي *وطريقنا للمطار مفروش لينا مخصوص *مفروش بمهاراتنا وعزيمتنا وشمة نخرتنا لريحة المطار *من اسي *الجماعه *الماعندو جواز ممغنط *يطلع جواز ممغنط *عشان لما نجيب الكاس *البلد دي ما بتنقعد ليهم *والتذكره مهمه *الماعندو حق التذكرة يشيل تمويل اصغر *ويفرتق *والكاس كاسنا ونحنا اهلو ونستاهلو *ايها الناس *جماهير المريخ الشفته عرفت الصالح من الطالح *والطالح حقو يبقي فالح ومايعرض تاني علي القلعه الحمراء *يشوف محل بلقي المصالح *ابقي فالح يا طالح *ومن غيرنا اعطي لهذا الشعب معني ان يعيش وينتصر *ايها الناس *تبقي مشكله لو الحمام المغربي (بتشديد الميم) طلع حمام مغربي (بفتح الميم ) *اللهم ولا تفتح الميم يا رب العالمين *ايها الناس *شامي لي ريحة مطار *صدقوني *روشا ما تغالطني *جنك غلاط *ريحة المطار بتعرفها من وين انت ؟؟؟ *شميتها متين ؟؟؟؟ *شميتها وين ؟؟؟؟ *دي رائحتنا المفضله بنشمها علي بعد سنه كامله *الكمونيه يا بت *ريحة الكمونيه برضك فاحت *كمونيه مستويه بالحمام المغربي *ياخ دي بتكون مستويه شديد *ماتنسي الشطه *رمضان *مبيعاتكم زادت موش ؟؟؟؟ *قلت ليك ايامك *زيد الطباعه يا حبيب *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *المويه بقت تجينا *لكن يا والينا *لما نمشي لي زول ويجيبها لينا *نتمطق نقول ليمون او عرديب جاب لينا *ونتعزز ويخصم فينا *ونعتزز ويحلف علينا *ونتعزز ويخصم فينا *ولما نشرب نلقاها المويه يا والينا *اول مره اشوف زول بخصموهو علي مويه يا والينا *لالون لها ولاطعم ولا رائحه كده قالوا لينا *غيرتو المقرر ولا شنو يا والينا *جاتنا بي لونها وطعمها والريحه فاحت فينا سلك كهربا ننساك كيف والكلب لسه بجي قبل العربيه وفي حتات بجي فيها الكلب بس ما بتجي فيها العربيه والي لقاء سلك بسم الله الرحمن الرحيم في السلك الحمام المغربي *الموضه والتقليد اصبحتا سمة عصرنا هذا وسط العصر العايشنو ده *وكريمات تفتيح البشره وتغيير اللون والحقن التي تجعل اللون اصفرا يسر الناظرين *انتشرت وملت البلد وعمت القري والحضر *وكريمات الفرد لخبطت علينا الانساب *زمان عندنا جدا لينا فقد بصرو *لكن زي المافقد بصرو *اذا جا شافع جاري *بناديهو *تعال يا ولد *ويخت ايدو في شعر الشافع ويتونس معاهو *اذا قلنا ليهو عرفت الشافع ده يا جدي *يقول ليك بالحيل *ده موش ود فلان الفلاني *مجرد لمس الرأس جدنا بعرف امك وابوك ونسابتك زاتهم *لكن الزمن ده جدنا الله يرحمو لو حضرو *لو خت جهاز كشف الذهب في راس زول مابعرف ده منو *كريمات الفرد لخبطت علينا الانساب *المهم * من دواعي الموضه والتقليد التي انتشرت عندنا الحمام المغربي ( بتشديد الميم الوسطي ) *ده كمان فيهو جنس حكحكه *اسكت بس *قال ليك تدخلو ازرااااااق *تطلع منو اصفاااااااار *حكحكه شديده *مافضل ليهو الا يطلع جلدك بره *يسلخك عديل كده *وجماعاتنا الزرق مشو للحمام المغربي في محلو *حايرجعوا لينا صفر عدييييييييييييييل كده *واتصفري *بعضهم حايرجع احماااااااار *حا ينسلقوا عديل كده *كمان لو لقوا ليهم كريم فرد يفرد صفرهم المطوطو الملولو ده يكون اخير *صفر ملفلف عمرو ما انفرد *صفر نوع اصلي *قرقدي يا عمك *محتاج فرد زي الفرد *واوصف ليكم خلطه كويسه *تجيبوا الحبه السوداء تزرعوها زي الحلو مر *بعد تزرعوها تنشفوها *بعد تنشفوها تسحنوها ناااااعمه *بعد داك تكبوها في زيت زيتون اصلي *وتضيفوا للخليط تركيبة السبعه زيوت *وتخجوا كويس *تخجوا زمن طويل *يمكن تخجوا الموسم ده والبعدو *بعد تخجوا كويس *تضيفوا ليهو نارجين *مايغشوكم يدوكم النارجين الكلو فزلين وروح جوز الهند *يدوكم النارجين الاصلي *بعد داك تبدو تمسحوا *امسحوا يوميا تلاته مرات *لمدة تلاته سنين *يمكن صفركم ينفرد حبه *كان ابي *جبدوهوا جبيد *بس براحه *ما تزعطوهوا وتقدوا ساي *ايها الناس *الحمام المغربي بفسخ عديل كده *بعد الحمام المغربي ماتعرض نفسك للشمس *باقي الشمس بتشويك *جلدك بكون رهييييييييييييييف *ولا اقول ليكم *الرهيفه التنقد *وكان انقدت الرهيفه *مافي بد غير التقوقع داخل الصفر الكبير *حماية من الشمس وكده *المهم *معسكرنا عال العال *رضي ناس المهنيه المحريه ام ابو *لكن لسه ماعرفنا كيبي مالو ؟؟؟ *نلسون مالو ؟؟؟ *سيدي بيه مالو ؟؟؟ *وهل ادوهوا مالو ؟؟؟؟؟؟ *مستنيين المهنيه توضح لينا *ايها الناس *قلناها ونكررها *شح مال وجمال ما بتلمو مع بعض *شوفو الشح وين وعدم المال وين *جمال مالو مؤسس *والمال المؤسس ما بقط *ربك رب الخير بحفظو *بل ينمو وينمو *ايها الناس *السرطانات الكملت الناس حمانا الله واياكم دي *تفتكروا الناس الاتسببو فيها *سواء بالزيوت الفاسده *او بالكيماويات الممنوعه التي تضاف علي اكلنا وزرعنا *او بالسلع الفاسده منتهية الصلاحيه *او ببيع السموم *والسموم تشمل المواد الفاسده والتبغ بانواعه وغيرها *زي ديل تفتكروا ربنا ببارك ليهم في اموالهم *ولا يمدهم في طغيانهم يعمهون لحين ويجردهم منها ؟؟؟ *عشان كده لو درتوا الصح مال جمال ما بشح *ايها الناس *معسكرنا رغم كيد الكائدين مثالي *وطريقنا للمطار مفروش لينا مخصوص *مفروش بمهاراتنا وعزيمتنا وشمة نخرتنا لريحة المطار *من اسي *الجماعه *الماعندو جواز ممغنط *يطلع جواز ممغنط *عشان لما نجيب الكاس *البلد دي ما بتنقعد ليهم *والتذكره مهمه *الماعندو حق التذكرة يشيل تمويل اصغر *ويفرتق *والكاس كاسنا ونحنا اهلو ونستاهلو *ايها الناس *جماهير المريخ الشفته عرفت الصالح من الطالح *والطالح حقو يبقي فالح ومايعرض تاني علي القلعه الحمراء *يشوف محل بلقي المصالح *ابقي فالح يا طالح *ومن غيرنا اعطي لهذا الشعب معني ان يعيش وينتصر *ايها الناس *تبقي مشكله لو الحمام المغربي (بتشديد الميم) طلع حمام مغربي (بفتح الميم ) *اللهم ولا تفتح الميم يا رب العالمين *ايها الناس *شامي لي ريحة مطار *صدقوني *روشا ما تغالطني *جنك غلاط *ريحة المطار بتعرفها من وين انت ؟؟؟ *شميتها متين ؟؟؟؟ *شميتها وين ؟؟؟؟ *دي رائحتنا المفضله بنشمها علي بعد سنه كامله *الكمونيه يا بت *ريحة الكمونيه برضك فاحت *كمونيه مستويه بالحمام المغربي *ياخ دي بتكون مستويه شديد *ماتنسي الشطه *رمضان *مبيعاتكم زادت موش ؟؟؟؟ *قلت ليك ايامك *زيد الطباعه يا حبيب *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *المويه بقت تجينا *لكن يا والينا *لما نمشي لي زول ويجيبها لينا *نتمطق نقول ليمون او عرديب جاب لينا *ونتعزز ويخصم فينا *ونعتزز ويحلف علينا *ونتعزز ويخصم فينا *ولما نشرب نلقاها المويه يا والينا *اول مره اشوف زول بخصموهو علي مويه يا والينا *لالون لها ولاطعم ولا رائحه كده قالوا لينا *غيرتو المقرر ولا شنو يا والينا *جاتنا بي لونها وطعمها والريحه فاحت فينا سلك كهربا ننساك كيف والكلب لسه بجي قبل العربيه وفي حتات بجي فيها الكلب بس ما بتجي فيها العربيه والي لقاء سلك
