بابكر سلك في السلك عبرت ولا ماعبرت ! *هدف من ركنيه احرزناهوا في اتحاد الجزائر *طلعوا علينا بعض الناس بانو كورة كوفي عبرت *امس عكسها كوفي *وكباها جابسون *احلي جابا باجبسون *احلي من كباها جابسون *المهم *ركنية امس دي عبرت ولا ماعبرت ؟؟؟ *مجدي *عبرت ولا ماعبرت ؟؟؟ *الفاتح النقر *عبرت ولا ماعبرت ؟؟؟ *رضا بتاع التلفزيون *عبرت ولا ماعبرت ؟؟؟ *محمد عبدالماجد *عبرت ولا ماعبرت ؟؟؟ *روشا *عبرت ولا ماعبرت ؟؟؟ *فطومه اختي *عبرت ولا ماعبرت ؟؟؟ *خالد عز الدين *عبرت ولا ماعبرت ولا النور كان عندكم قاطع ؟؟؟؟ *ناس المهنيه المحريه *عبرت ولا ماعبرت ؟؟؟؟ *الكوكي *عبرت ولا ماعبرت ؟؟؟؟ *ولا بري بري ماشفنا !!!!!! *اقول ليكم *عبرت لكن انتوا ما شفتوها *الكوره من قامت من الكورنر *وبكري المدينه قام مع اطول زول فيهم *انتوا تاني ماشفتوا شئ *عينكم ماشافت الا النور *كان بالكم مع بكري المدينه *قام جابسون طفا النور *عرفتوا الطفا النور منو ؟؟؟؟؟ *ايها الناس *لولا تحامل حكام لجنة الكاف علي المريخ في مباراة الاتحاد *لكنا قد اعلنا تأهلنا ن الجزائر *ولكن لجنة حكام الكاف لسه ماقادره تجيب حكم نزيه لمباريات المريخ *حتي بتاع امس ده *بعد ذبحنا امام الترجي *تاني جابوهوا لينا *فوت حالات كتيره لصالحنا *وفي آخر ربع ساعه قلب عدييييييييييل كده *قرب يقول قون جابسون عبرت ويرجع يلغيه في آخر الكورة *نعمل ايه مع لجنة حكام الكاف ؟؟؟؟ *ايها الناس *اهم يعلمون جيدا ان الكأس مريخي *لذا بدأت الحرب عليه منذ مباراة الترجي *ومدرب عزام قالها بدري *-لما اقصيناهو قال *ستعرفون ان من اقصاني هو بطل افريقيا *شامي ريحة المطار الراجل *تفتيحه مدرب عزام ده *ايها الناس *امس فيكم زول ما شمه ريحة المطار ؟؟؟؟ *علي اليمين عندي صاحبي عندو زكمه ولحميه وجيوب انفيه *قاعدين نتفرج في كورة سطيف *قال لي دي ريحة شنو القويه دي ؟؟؟ *قلت ليهو ريحة المطار يا اخوي *لابتعرف ازمه ولا زكمه ولا لحميه ولا جيوب انفيه *ريحه ظااااااهره وواضحه وبنعرفها برااااانا *المهم *تسيدنا الملعب طولا وعرضا وفضاءا *وجعلنا من اولاد سطيف زناطير لافين سااااي *ده سطيف يا محمد عبدالماجد البتعرفوهوا ؟؟؟ -طبعا ده ما سطيف البتعرفوهوا *سطيف البتعرفوهوا هو البغلبكم هنا جوز *وبتزوغوا منو في اكبر فضيحة انسحاب كروي دولي في العصر الحديث *طبعا ده ما سطيف البتعرفوهوا *ده سطيف البنعرفوا نحنا *سطيف عرف حاجه *بارك الله فيك يا كردنه *بكري مريحنا تمااااام *سطيف كلها نفسها قام *سطيف كلها تناهد *اي لاعب منهم تجيبو الكاميرا كلوز *تلقي نفسو قايم *تلقي بكري جمبو *عندنا ثمرة تانيه عندك يا كردنه *شهر اطناشر يحين قطافها *ونحنا ناسها *المهم *المريخ كبير *وادي مباريات كبيره بالجزائر *خلي كبار الجزائر صغااااااار *طلعهم زناطير ساكت *المريخ كبير لانو رئيسو كبير *ومدربو كبير *ولاعبينو كبااااار *وشيبون الصغير كبير *حتي ابراهومه الاشبال كبير *وريحة المطار وجبت *بس مادايره تراخي *دايرين جديه *مباريات الداخل حقت الشفوت *جماهير ساااااي *بنحقق النصر فيها *قول عشره نقاط *والعلمه راجيانا في الجزائر *مبروك التاهل *ويمكن القرعه في دور الاربعه تقسو علينا *وتوقعنا مع التطواني *التطواني ما هين بالنسبه لفرق المجموعه ديك *لكن حتي اوقعتنا القرعه مع الالماني *الالماني الضرب البرازيل تسعه *برضو بنتخطاهوا *قشه ما بتعتر لينا في درب المطار الجميل *شارع المطار *شارع افريقيا يا عمك *ومن غيرنا تجول في شارع المطار لمن حفظو ؟؟؟ *قال ليك واحد من الجماعه مواعد ليهو زول *الزول قال ليهو اركب حافلات السلمه انزل جمب المطار *صاحبنا ركب حافلات السلمه *لكن مسكين المطار مابعرفو *شافو متين عاد *المهم الحفله ماشه لي آخر محطة وصاحبنا قاعد *الكمساري قال ليهو اشتريتها انت ؟؟؟ *صاحبنا قال للكمساري انا نازل المطار *الكمساري قال ليهو انزل ده بص سيره *زول يواعدوهو جمب المطار ينزل مايو ؟؟؟؟؟ *احراج شديد *المهم *تحيه للبعثه الاداريه التي رابطت منذ البدايه *وتحيه لهمد وش السعد ورفاقه الذين لحقوا بالبعثه الظافره *وتحيه لحاتم عبدالغفار خاصه جدا مني *وتحيه للشفوووووت *ايها الناس *الشعب السوداني يحتاج لفرحه *دايرن نفرح كلو يوم *برغم اننا بنفرح لمن النور يجي *وبنفرح لما المويه تجي *وبنفرح لما عربية النفايات تجي قبل الكلب *ولسه محتاجين نفرح *والفرحنا امس *يفرحنا الليله *البلد محتاجه لفرحات كتيره ومتواليه *ايها الناس *ناس سطيف قايلننا بنجري زي الجروا منهم *ياناس سطيف *شعارنا الجري ده ما حقي *الجري ده عندنا حق بكري بس *ايها الناس *تحيه للشفت عوض الله كهربا الذي اقترح اسم هذا العمود *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *ناس سطيف طلعوا زناطير زي العندينا *والله يا والينا سلك كهربا ننساك كيف والكلب بجي قبل النفايات زاتها نختها والي لقاء سلك
