*من بحر دار *من حظنا *من سوء الخصم *من الله سااااااي *المهم اتأهلنا *تسعين دقيقة ماشفنا لمسة تدريبية *ولافهم احترافي *ولا موهبة فردية *غايتو بس اتأهلنا *مادايرين نحكم علي الاجانب *نحنا بنعرف اكتر من الحكومة؟؟؟؟ *اجانبنا بالذات الكمروني القدام والتونسي الورا *امال اجانب ابوجريشة الاباهم المدرب حسب ماقالوا لينا كانوا كيف؟؟؟؟ *التونسي الطرف ده غايتو(معلول) عديل كدة *وتقييم المدرب ممكن يكون من خلال اختيارتو للاعبين عند الانتقال *المهم *تسعين دقيقة تمنينا لو فشل النقل التلفزيوني حتي لايشاهد الناس عورتنا *هذا المستوي الطيران اخير من التأهل بيهو *لانو لي قدام اي(علة)بتمرقنا برة *واذا ده الاداء *من بدري فررررر *ونهواهو في كل الظروف *علي الله نستفيد من باقي الموسم في تأهيل التيم والاستاد *علي الاقل نلعب فيهو *ايها الناس *بصراحة *ماكنا نمني النفس ببطولة افريقية *ولكن كما نتمني ان نذهب بعيدا *بالطريقة دي بعيد مافي *قريب وقريب جدا *بالطريقة دي مسألة طيراننا بقت زي الموت *متوقعة في اي لحظة *التونسي الورا *ودايرين نذهب بعيد؟؟؟؟ *يادوبك عرفت تونس دي بقولوا ليها تونس الخضراء ليه *ايها الناس *نبارك لاهل الساحل التأهل *ونتمني لهم المضي قدما *علي الاقل يمشوا بعيد *المهم *اخواننا في الله الحبش *اليوم ينزلون ضيوفا علينا *والكرم السوداني يستقبلهم بقوله *ياضيفنا لو زرتنا لوجدتنا نحن الضيوف وانت رب المنزل *وكوووولنا داخلين *وطنية كدة *بس ناس الحركة الوطنية يخلوا بالهم طويل *المهم *من اربعة اندية *كونو انو يصعدو ناديين *وفي الظروف دي *مبروك للسودان *،مبروك للثوار *مبروك للاحباش *فشرف لهم اللعب بجوهرة الشيخة *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *قعدنا ولي مشكلة بلدنا حلينا *طالما قصرين جمهوريات لدينا *برهان يقعد في واحد وحميدتي يقعد في واحد ويخلو الشارع لينا سلك كهربا ننساك كيف والكلب قال غايتو الليلة يا النجاشي يا ابرهة والي لقاء سلك
