بسم الله الرحمن الرحيم *لعل معظمنا يذكر فيلم تايتنك *ذلك الكم الهائل من الابهار وفنون التصوير *الفيلم الذي نال اعجاب كل العالم *لالقصته *فالقصة تكاد تكون عادية *ولكن الابهار كان في الفخامة ومواقع التصوير والاستفادة من تكنلوجيا ذلك الزمان بالكامل *وهاهو التاريخ يعيد نفسه *قطر تعيد فيلم التايتنك تحت مسمي كأس العالم 2022 *تسخير لكل الامكانيات المادية والمهارات الشخصية الجماعية والفردية *تطويع لآخر صيحات تكنلوجيا العصر *وصرف زي الصرف *واذا علمت بان السودان اغني من قطر مليون مرة *اكيد ماحاتصدق *فلو جرت المياه علي سواحل قطر بترولا *واصبح الاقليم الجوي لقطر غازا *لما عادلت قطر واحد علي مية من انتاج السودان للطماطم بس *بدون دهب وصمغ ولحوم ومنتجات اخري *طماطم بس *شوف كم فدان صالح للزراعة *واضرب ذلك في انتاجية الفدان من الطماطم *شوف كم صندوق طماطم بطلع *اضرب في السعر العالمي لسعر صندوق الطماطم *اكيد الرقم البجيك ماحاتلقي ليهو اصفار تكفيهو *لكن الله غالب *فلقطر حكومة تعمل لصالح البلد *ولنا علي مر العصور حكاما تعلمونهم جيدا *المهم *مونديال قطر هو تاتيتنك العصر *ونهاية فيلم التايتنك كانت غرق السفينة الجميلة المبهرة *بي وسكيها وجكسيها وعمايلها الكانت فيها *اما مونديال قطر فالنهاية غير *لانه وقف بشدة في وجه(المثلية)التي كان القبول بها سيغرق سفينة الابهار القطرية *المهم *للمريخ مشاكل تعملونها وتعلمونها جيدا *الالتفاف علي القانون *وتفسير كلو زول حسب هواهو *اوصل المريخ لهذه الدرجة *ولسسسسسة *لسة الناس بتكابر وتصنع في المشاكل *السعي خلف الذات والانتصار للذات وتنصيب الناس لانفسها اوصياء علي الكيان واسياد حق برغم التاريخ القريب والغريب *هو احد اسباب الاشكالية *بعضنا يبكي علي فقدان نقاط بالدوري *ولا يفكر لامكانية تحطيم رقمنا القياسي بالفوز بالدوري بدون خسارة او تعادل *هذا الشرف في هذا الموسم مع هذه الغفلة *سيجعل لنا شريكا فيه *وبكاء علي الاستاد *ثم يتولي الامر اهل البكا *فنلقاهم غفروا *والجيران كفروا *يجوا الجيران يستلموا *ويغفروا برضو *اللودر يرمي الحاجز *الحاجز يعتر للودر *الشركة تنهي الحاجز *الشركة التركية مادايرة حاجز *وهكذا *ولو طالبت الفيفا قطر بمجموعة إضافية *ماعلي قطر الا ان تخصص جوهرة الكاردينال للمجموعة *الفرق شنو؟ *ما العرش ده؟ *مشمع من شعبي امدرمان بتخيط في ساعتين *وتتلعب الكورة *فكردنة اسس *وماكلفت *واي مجهود ببقي اضافة *اقيفوا لحظة ياشفوت *وفكروا *التصريحات والتلميعات والشخصيات الخنفشارية *لن تصنع مريخا يرضي الطموحات *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *السراميك في بيت الجالوص مابرضي الطموح الفينا سلك كهربا ننساك كيف والكلب قال خلاف خلاف خلاف والي لقاء سلك