بسم الله الرحمن الرحيم *اي مؤسس لاي دولة ناجحة *تلقاهو كان من عامة الشعب *ويكمن سر النجاح في خبراته التي اكتسبها من معايشته للبشر الحقيقيين الذين استمتع معهم بمعاناتهم وعرف مكامن طموحهم ومدي حبهم لاوطانهم وكيف انهم لاينشدون صالحا خاصا بقدرما يهمون بالوطن ويؤمنون بالشعب ويستنكرون الكيمان والشلليات والتفرقة بشتي انواعها *وكيف انهم يكرهون ويرفضون تنصيب شخصا وصيا عليهم وعلي ارادتهم *اها *بمناسبة انتخابات المريخ *هل نتوقع رئيسا من عامة الشعب؟ *عرف المدرجات وعركها *وضع العصا علي عاتقه مرافقا للزعيم في حله وترحاله *رئيس ماعندو التكتح *يعني لما تنتهي فترتو لابقول عندي ديون علي الكيان عفيت منها كدة وباقي كدة *ولا بمن بيها علي الكيان *رئيس ماعندو جهة تدعمو *كل تفكيره في تفعيل موارد المريخ لتسيير امر الزعيم *رئيس من عامة الناس العارفين البير وغطاها *وعارفين ماذا تقول مجالس المدرجات عن الناس القاعدين بهناك *رئيس زي ده اتخيل لي بمرقنا من زولي وشلتي وروابط مشجعين يملكها أقطاب وبعض قدامي الاداريين *رئيس من قلب المدرجات يقود التشجيع ويكتفي بهتاف مريخ مريخ مريخ *رئيس استراتيجتو الوحيدة عودة المريخ لمنصات التتويج القارية والاقليمية *رئيس لايسمح لنفسه ان تشعر مجرد احساس بأنو اكبر من الكيان *رئيس يقود الهتاف للكيان لا للافراد *هل نحلم بذلك؟؟؟ *رئيس نلقاهو مع مونس انفعالا واشتعالا وحب للكيان خلف السياج *المهم *ارجوا ان لاتشغلنا الانتخابات عن الديربي *وقصة الكورة ملحوقة المهم الانتخابات *دي قصة محطمة *الاهلة تداعوا احتراما للمريخ *فلا تهملوا احترامهم *نحترمهم لنهزمهم *ثم نعود للانتخابات *واحترام الهلال يبدأ من ترك امر الانتخابات *والالتفات لدعم الفريق معنويا *واعداده طبيا وفنيا *فلاصوت يعلو فوق صوت المعركة *ولو كان ذلك الصوت بوق انتخابي كبير *ايها الناس *يانتشفتن يانتشفتن *لاجل المريخ وبس *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *العمر كلو بقي فترة انتقالية يا اخينا *القصة دي لما ننتقل للرفيق الاعلي يا اخينا؟؟؟؟ سلك كهربا ننساك كيف والكلب قال لا اطاري جايب حقو لا برواز محافظ علي الصورة والي لقاء سلك