بابكر سلك ثم عمل عمل اهل النار *بدون عواطف *وبالرجوع للثوابت والمعطيات *المريخ ادي مباراة منضبطة *علي الاقل علي المستوي الدفاعي *فالخندقة هي فن من فنون الاداء الكروي *وبالنظر لعيوب كورتنا السودانية *البتشبه سياستنا السودانية *سياستنا الضيعتنا *بالنظر لكل ذلك *نجد ان الزعيم ادي مباراة جيدة علي المستوي الدفاعي مع الاخذ في الاعتبار كونترول اللاعب السوداني السئ *وضعفه الفطري في الاستلام والتمرير *وضعفه الفكري في ردت الفعل وسرعة التصرف *(راجع هدف صن داونز) *انا شايف ان ماقدمه اللاعبون كان مسؤولا *وان النتيجة برغم انها خسارة *الا أنها مصدر للثقة بالنفس كبير *نعم المسألة مرحلية *ونحنا(في السودان)لاعندنا اهداف ولا خطط ولا استراتيجيات ولا رغبة *لكن دعونا نقاتل لآخر رمق بشجاعة *فنحن نفتخر بابطال كرري الاشاوس برغم خسارتهم للمعركة *ولكنهم قاتلوا بحسب امكانياتهم وعتادهم واسلحتهم *ونحنا في الكورة لا عندنا عتاد فني ولا سلاح تكتيكي ولا تخطيط *لامنهج ولانشئ *ولذا يجب ان لاتنقصنا الشجاعة حتي آخر رمق فينا *ايها الناس *البرازليون اضافة *كلهم *وحتي نجاح دفاعات ريكاردو *كان بسببهم بي راس حربتهم *وحركتهم بي كورة وبدونها كانت فرق *وكان كرشوم(فلته) *استلامهم غير *تمريرهم غير *نفسهم في الملعب غير *لذا كان شكل المريخ الانضباطي غير *وفي امل *ومابنخاف مابنخاف مابنخاف مابنخاف *المهم *زمااااان *بدري الكلام ده *في المدرسة *كان عندنا استاذ رياضيات بقامة وزارة تربية وتعليم بلغة اليوم *كان حريص يعلمنا *ويفهمنا *ويورينا انو حل اي مسألة *ببقي ساهل باتباع خطوات *يعني جمع معلومات وتحليلها *ويدينا الواجب *بصحح بالخطوة *ممكن يديك تلاته خطوات صاح *والرابعة غلط *والحل النهائي غلط *كان براجع مع طالب طالب *او قل تلميذ تلميذ *خطوة خطوة *ولما يلقاك مشيت كل الخطوات صاح *وغلطت في الجواب الاخير *كان بقول عبارته المشهورة *عمل عمل اهل الجنة ولما تبقي لك منها شبر عملت عمل اهل النار *في كورة الترجي *محمد المصطفي ذكرني بهذا الاستاذ العتيق وتلك المقولة المهولة *تعيش وتاخد غيرها ياكابتن *ومافي خاسر طالما كان الانسان بستفيد من الاخطاء *خليك صاحي طول ما انت في الملعب *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *حفينا *ولا اطار معاهم ماقسموا لينا سلك كهربا ننساك كيف والكلب قال حفايا هينه كعبة التانية والي لقاء سلك
