خرج المطرب حسن شاكوش، عن صمته، للرد على اتهامات طليقته بخيانتها في نهار رمضان. وفي هذا السياق، نشر "شاكوش" عبر حسابه الرسمي على فيس بوك صورة الفنانة حورية فرغلي معلقًا عليها بقوله:"جمهوري الغالي كل معاني الشكر ليكم ولكل شخص متفهم الموقف وشاركني البوست أنا شفت معظم التعليقات ومحترم كل شخص وكل كلمة حتى لو هي عكسية، الحقيقة دائما عند ربنا وسكوتي وعدم ردي شيء مريحني أكثر من الكلام" وتابع:"لكن في شيء يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال ولكن أنا من خلال صفحاتي الرسمية بحب أقول إن الفنانة حرية فرغلي لا يمسني بيها أي شيء غير إنها زميلة وصديقة عمل ومش فاهم سبب وجود سيرتها في الموضوع إيه من خلال البرامج" واختتم منشوره على "فيس بوك" بقوله" أنا دلوقتى كلامي للإعلام أرجوكم بلاش تشاركوا الناس كلام غلط كفاية كلام في تفاصيل وحياة شخصية اللي ظاهر للناس يخص الناس أنا دلوقتي بمتنع عن أي كلام في حاجة تخص حياتي الشخصية أرجوا أرجوا احترام رغبتي مع احترامي لكل الصحافة المصرية ولكن الأخبار غير الحقيقية دي بتضعف موقفكم في يوم من الأيام لما الحقيقة تبان كل الاحترام والتقدير ليكي يا فنانة يا كبيرة وبعتذرلك مرة أخرى عن أي شيء اتحطيتي فيه" وفي وقت سابق قالت ريم طارق طليقة حسن شاكوش: "حسن في نهار رمضان كان على علاقة بممثلة مشهورة وتعاني من مشكلة صحية منذ فترة طويلة وفي أحد الأيام بعد عودته من عندها في شاليه بالعين السخنة بعتت له رسالة بتقول: "أنت وصلت يا حبيبي" وبينهم علاقة، وطوال ال30 أيام في شهر رمضان كان بيعمل العلاقة مع الممثلة المشهورة وكانوا مع بعض ومرة حاولت تسمعني صوتها بضحكتها". وردًّا على سؤال بسمة وهبة والذي قالت فيه اذكري الحرف الثالث من اسمها لتجيب طليقة "شاكوش" ساخرة: "تالت حرف من اسمها حرف الراء". وأضافت خلال لقائها ببرنامج "90 دقيقة" المذاع على قناة "المحور": "من ضمن الحاجات في رمضان اتفق معايا يطلع لايف يصور على تيك توك علشان بتجي له هدايا، وكان بيطلع يقول يحرم على أي جنيه يجي لي من تيك توك وهتبرع به لجمعيات خيرية للأطفال وأنا فرحت أوي إني هاخد الفلوس وأوديها وتفاجأت إنه بعد مع خلص لايفات اختفى وقال لي لأ مفيش فلوس هتبرع بيها". وتابعت طليقة حسن شاكوش: "طلعت له من لايفات تيك توك في رمضان حوالي 30 ألف دولار وخدها وما اتبرعش بيها لأي جمعيات". حورية فرغلي وأردفت: "حسن شاكوش كان يعلم إنني سبق لي الزواج وأني مطلقة قبل أن يتزوجني، وسأل عليَّ من 3 سنين قبل انفصالي عن زوجي السابق". "بوابة فيتو" الوسوم
