يا وِلادِي وبناتي كيف هالكم ، مِسّكَاقرو، يا هليييلكم أنتو هسه آرفين أنا منو؟ أنا يويتكم يو أرنتى، يا أولادي وبناتي أنا يو أرنتى بنت السكوت بنت النوبة، وأخواتي يو ساي وأبري وأمارا وأتّب وتبج ونلوتى كتيييرييين ما شاء الله اللهمصلي على النبي، وأمي يو سكوت بنت النوبة، وبناتي وأولادي صمدمون وأوبا وآب شدّاد وكلوسود وكسنتة وهدين وسوكار نركِى وارابنركى و دامين وفرغلاب مار و كونج وساب و دروبين وأزبيندا ومشكيلة و بدروبِنْ إرْكِى وعمدن أركي وتاهرنارتي وشقيق وأبيدي إركي وترا وساقية العبد ماشاء الله كتييريين وأنا خايفة من العين، يا ولادي انا مشتاقة ليكم هالس هالس يا مسكين وآآ وِلادِي وبناتي، يا أولادي أنتو ليه بقييتوا بعييديين مني هالس؟ وحتى في الإجاصات ما تجوني مع أتفالكم الصغييرين أنا مشتاقة هالس ليهم ياهليلهم، وأنا بقيت كبيرة هالس وعند دقت (ضغط ) وكورتين أودى زمان ولدي أمين عبد الله كان بيخلو بالو علي وحسه دكتورين بتاعي حتى ما بيسلموا علي ولا بيرسلوا لي دواء ليه يا أولادي أنا ربيتكم زمان بسترة حال في وقت الديق أكلنا مكادا وتُربى كابد وإتر دَسي وبليلة وبوجي بس ربيتكم أهسن تربية بعزة نفسي وكرامتي فوق ولبستو وزن عشرة وركبتم الحمير وبقيتوا ماشاء الله اللهمصلي على النبي بقيتوا دكتورين ومخندسين ومدرسين وموسفين كبييريين وبقيتوا أشطر ناس في الكورة ورفعتوا راسي فوق فوق ،بس آيه الفائدة يا أولادي ؟ أنتوا نسيتوني هالس هالس وأناما عايزة منكم قروشكم ولا دولاراتكم ولا ريالاتكم ولو محتاجين اي هاجة منكم كمان ولو آيزين برسل ليكم من هيراتي ومزارعيني زرعوا المكادا والفول والبهايم ولدت السنة دي واللبن كتير(سو نيو) أنايايو أرنتى عزة نفسي مانعاني أمد يدي إليكم ( بري يا يمة بري ) اولادي المزارعين عندي واقفين معاي وشادين هيلهم وبيقولوا يايو أرنتى نحن معاكي ولا هنسافر ونخليكي براكي، يا أولادي مخندسين زراعيين ليه ما تجوا عندي تزرعوا لي تفاخ وتشوفوا نخيلي نخلة قربانة و الشانادة بقت زي قلم أرساس وأنا عشانكم قاومت الدميرة بحر المسورى كل سنة بتضربني لُوقامية ليه ما تعملوا سور كبير عشانتخلوا بالكم عليّ وأولادي المزارعين عجبوني شال الطورية والأربور وترسوا البحر، أمبارح أناكنت بايتة عند أختي عبري وأول أمبارح كنت بايتة عند أهتي صاي هي وناس هالس وبتعمل لي سيجي سيجى وبتقول يا بوجي داج وأنا قلت ليها أنا أهسن منك أنتو تأكلوا الكدايس يا عيب الشوم ضحكت كتير. يا ومدرسين ليه ما تصلحوا مدرستي وترسلوا وسائل تعليمية وشنتة مدرسة وقلم أرساس ، بكرة أنامسافرة لخالتي هلفا قالو مريضة بكورتين أودى يا ولدي بدري رضوان رسل لي فيزة لون بمبي أنا آيزة أحج السنة وأنا مرسلة ليكم عجوة ومنين وشريك وأمبو وترمس وأبرى ومشي مع ولدي عزيز وقسموا بيناتكم كلكهم وأناخايفة من ولدي عزيز يقوم يبيعوا في الطريق قبل كده باع في أبو همد، يا ولدي مهمد سعيد أمينة رسل لي مرقة دجاج ومعجون تماتم ، ما عندكم معجون بوجي وأرسل لي ترحة هجولي لون بني غامق وشبب قمر بوبا ورسل لبناتي قماش صوت المطر وحجر بطارية وشنتة تياري ( شنطة طياري) يا ولدي محمد هاشم أثمان مبروك غنمايتك ولدة أتنين تيمان واحد أبيض وأسودبرق برقا والتاني بميي نبروك يا ولدي وسمعت إنك بعد الغربة الطويلة دي نسيت الرطانة وما تعلمت العربي ليهيا ولدي كده؟ وأناسمعت كمان بالتواتر ولدي بدري رضوان أمبارح كان عندو طراش وإسهال ومشاد وما تخاف يا ولدي بدري ده تسنين مبكر ماشاء الله تبارك ، يا ولادي غطوا بالبطانية بالليل عشان برد ، آه آه يا ولادي متين هتجوني متين متين، هسون هسون فا كجرو ( بدأت يو أرنتى تبكي إإإإهينق إهنيق إهينق والدموع تبلل طرحتها وبناتها صمدمون وأوبا وآب شدّاد وكلوسود وكسنتة وهدين وسوكار نركِى وارابنركى و دامين وفرغلاب مار و كونج وساب و دروبين وأزبيندا ومشكيلة و بدروبِنْ إرْكِى وعمدن أركي وتاهرنارتي وشقيق وأبيدي إركي وترا وساقية العبد واقفات جنب العنقريب ، يا ساتر يو أرنتى وقعت من العنقريب وبناتها جروا ينادوا دكتور أمين عبد الله آه رحمتو الله عليه) فاقت شوية وبدأت تحكي يا هليل أيام زماني بالله أنامش أهسن من حلة كوكو وأبو آدم والحج يوسف وغبيرة ومنفوحة كلو بوليس وتفتيش وساهر وكفيل وصديق، بالله لفة أرنتى مش أهسن من لفة القبة كلو حرامية وناموس ؟ يا هليل أولادي زمان الشيخ أحمد إسماعيل بردويل وجندى عبده و يمانى صادق ، هاشم محمد عثمان، الحاج صديق صادق ، محمد على صالح، الشيخ رضوان البدرى ، و بلال ، عثمان داؤد ، والعبدلابي وتيرابي وفرغلابي وتاجر، وعلي سيلة و آشة شوربجي،والبدري ويماني ومبروكة جبارة وحرم موسى وعبدون محمد أحمد وحسن خيرى وسيد البدرى وجلال سرور وخيري عثمان واحمد بشير وحسن حافظ وحسن محمد أحمد وآمنه حجيجة و ابراهيم فرغلي وزينب شنقيلى و سعيد فرغلي وعثمان صالح وعلي صالح و داؤود أحمد ومحمد أحمد إسماعيل وجارة وآشة همد وأحمد حافظ و عبدالرحيم عامر ومحمد أحمد الطويل وأرباب صالح و فضل والحاج محمد أوون ومحمد هارون أحمد اسماعيل وحسن جبارة . وعبد الله حاج وعلي خليل ومحمد صالح اوندي وأمين عثمان وخيرى عثمان وخليل فرح وشيخ عباس توفيق وسعيد أمينة ومحمد عبد الحميد تاجر وكامل جندي وعلي فرغلي وسعد الدين يماني وشاطر صديق وحسن سعادة يا أولادي وبناتي أنا تعبت أعد أولادي كلهم وشوية شوية بتذكر وأنا مبسوتة من إنطرنتخ بتاعي ( منتديات أرنتى ) وأنا عايزة منكم تثبتوا خطابي ده فوق هالس بالمشبك ،عشان أي واحد من أولادي وبناتي يتذكرني بيها ،وكما عايزة هاجة تانية ليه ما تفكروا تعملوا مهرجان يو أرنتى وكلكم تجوا عندي مع أطفالكم الصغيريين عشان يلعبوا جنب البحر في السِيو والبنات عندي ماشء الله اللهمصلي على النبي متربيات هالس وفي إنتظاركم ورشور الحوش السمنتو بالرمل وعلقون الحنة في الأبواب وملوا الأزيار وعملوا المنين والبسكويت والكهك والشعرية مِلاد والشباب جهزوا الحطب وفرشوا الأبراش أهان أبقوا على عشرة تجونا كلكم في الدميرة والفنتين موكرى وتعملوا مخرجان كبير والطريق بِقا ساهل وزلت وأسمنت، أهان في إنتظاركم يا وِلادي ( بدأت يو أرنتى تبكي إإإإهينق، إإإهينق وكأنها تودع أبناءها وكأنها تقول حتى الطيف رحل وخلاني) ما السلامة، آفيالوقو، أهان وِيدا نوريكو أنبيكولوق سامحوش. من ترف يو أرنتى جوالي كمان موخبالي (0544676864)
