بسم الله الرحمن الرحيم في السلك الليله الكلام صعب كلام جاييكم بالكريز الكريز البتجيب المرافعين كلام اصعب من المرافعين لكن قبل الكلام احكي ليكم قصه طه يوسف مختار وعمر البشري اولاد عم ونسابه طه صفوه من تشوفو تعرفو صفوه هدوء وكياسه ووسامه وابتسامه عمر البشري غايتو الهدايه علي الله طه جابو ليهو ولد بدون نقاش سماهو يوسف طه يوسف مختار والايام مشت ويوسف ماشاء الله بقي يضحك ويقعد ويحبي اها عمر لبشري كان فرحان بجية يوسف محمد اكتر من جية يوسف طه وفجأه عمر غضب شانه شأن الاهله لاصابة يوسف وقنعوا من خيرا في رجعتوا قريبا اها يوم عمر مقيل مع ناس طه في البيت الكبير لاوي بوزو ووشو يلعن قفاهو ضربت يوسف محمد داااااخله عليهو شديد فجأه طه كورك يا امي يا امي يوسف مشي البيت كلو يغني تااااااتي يوسف مشي تاااتي يوسف مشي عمر سمع الكلام وجا جاري قال صحي ! زاعوهو في (اي آر تي ) ! طه ضحك وقال ليهو (اي آر تي ) انت المشي يوسف ولدي 000 يوسف طه موش يوسف محمد وعادت خيبة الامل لعمر البشري من جديد طه ضحك وقال لعمر الخوف يوسف ولدي يمشي المدرسه ويوسف ولدكم يكون لسه مامشي اها نرجع للكلام الصعب ورد في صحيفة انترناشونال العملاقه العدد 722 بتاريخ 28/1/2010 الصفحه الاولي الآتي الهلال يوقع عقد يوسف ويرسله لانجولا وفي نفس الصحيفه ونفس العدد صفحة 4 قالوا وقع نادي الهلال ممثلا في امين الزينه سعد العمده والمقدم (م) شاكر علي الطاهرنهار امس بمكاتب الاتحاد العام للكره عقد احتراف مع النيجيري يوسف محمد نجم سيون السويسري المشارك هذه الايام مع منتخب بلاده في بطولة الامم الافريقيه وذلك امام ممثل سكرتير الاتحاد العام لمدة ثلاثه اعوام وتم ارسال العقد مساء امس الي سكرتير الاتحاد العام للكره مجدي شمس الدين الموجود بانجولا لعرضه علي اللاعب وتكملة الاجراءات الكلام ده ياناس واضح فريق وقع علي عقد احتراف مع لاعب يعني يفترض يكون عندو خانه لذلك اللاعب لانو وقع امام الاتحاد وورد في صحيفة قوون الرائعه العدد 6607 بتاريخ 20/1/2010 في الصفحه الاولي مانشيت كبييير يوسف هوت يبصم للهلال امام سكرتير الاتحاد ويدحض الشائعات وورد في نفس الصحيفه والصفحه والعدد الاتي وقع النيجيري يوسف محمد علي عقد الاتفاق مع نادي الهلال مساء امس امام سكرتير الاتحاد السوداني مجدي شمس الدين 00000الخ وواصلت وقد اطلع اللاعب علي عقد الاتفاق من جديد بعد ان وافق عليه عبر الهاتف قبل ساعه واحده من نهاية فترة تنقلات وتسجيلات اللاعبين ( حلوه قبل ساعه دي ) المهم في نفس العدد وبالصفحه الاخيره نفس الخبر وصور لمجي ويوسف وهو يوقع طيب ياناس طالما الهلال وقع امام مفوض السكرتير ويوسف وافق بالتلفون قبل ساعه بس ويوسف وقع امام مجدي علي العقد الوافق عليهو بالتلفون يبقي كيييييييييف يوسف مالاعب الهلال وقبل كده في اي خانه تم اعتماد تسجيل يوسف يا مجدي واين كان امولادي من كشف الهلال عند توقيع عقد يوسف من قبل الهلال وتوقيع يوسف امام السيد السكرتير ! يعني امولادي بره الكشف السؤال يامجدي شنو الرجع امولادي للكشف بعد اصابة يوسف بعد ما وافق قبل ساعه بالتلفون ؟ وهل لو كان يوسف مامصاب كان امولادي ببقي برضو لاعب للهلال يامجدي ؟ يعني الهلال يلعب بورق زايد ؟ ندكها ولا كيف ياناس ! مابندكها الورقو بيزيد كيشه يمسكو ويقعد فتوح نهي يتقبض بيهو فوق والغريبه الورق زايد بتحسب هبابه بس الوزع الورق منو يامجدي ؟ يابتاع الكريز عليك الله دسته مرافعين في الاتحاد العام واقفل الباب وراك خلونا نرتاح قال امولادي مستهبل حاشاك يا امولادي انا لو محلك يا امولادي دكوه ما اخليها ليهم عشان يفتحوا عيونهم يا مجدي لأ 0000 سلك كهربا تااااااااااااااااتي يوسف مشي والي لقاء
