بسم الله الرحمن الرحيم في السلك معقوله الناس الشتلوا قصة كاس الكنغو بمشوا وين بعد كلام شداد ! شداد قال انا كنت الصحفي المرافق للهلال ولم اشاهد اي كأس جوي نحنا عارفين ياشداد لكن لبقنع الديك منو ! لكن لاحظنا انو شداد قال في الوقت داك كان في اتنين كنغو الكنغو كنشاسا والكنغو برازفيل والحكايه دي بتساعد ناس الشتل علي شتل جديد حايقولوا شداد قاصد رحلة الكنغو كنشاسا ونحنا شلنا كاس الكنغو برازفيل برازفيل بالبا ! جزيرة الفيل كشفت الورق تقول لي برازفيل افرض جبتوهوا من برازفيل جوي كيف والانجليز مرقوا بالقطر وقطر زاتو الوكت داك في برازفيل مافي غايتو لو جبتوا كاس برازفيل الا تكونوا جبتوهوا راكبين لوري او راكبين فيل كاس قال يعني كاس الكنغو طلع مرقنبو قرنبو وعمر الزين صغيرون رئيس بعثة الهلال للكنغو عام سته وستين قال حكاية الكاس دي ماعارفها والهلال ماجاب كاس ولا حاجه قالوا اخت موبوتو ادت كاس هديه شخصيه للكوارتي موبوتو ده من الستينات مباريكم نسميهو كاس اخت موبوتو يعني الكوارتي جاب كاس والهلال رجع ساااااااااااااااي الناس الشتلوا خبر كاس الكنغو يريدون تحطيم البرنس لان البرنس له شرف اول كابتن هلالي يرفع كاس جويه طيلة عمر النادي رغم انو كاس فلنتاين سااااااي لكن لا تسلبوا البرنس انجازه ناس الفول ياهيثم دوروا خلي بالك كامبوس قال لياقة المباريات ستعيد قوة الهلال ولياقة الدولارات كيف يا كوتش ! قلت لي قيلت في البحر سمعنا باعذار للعب الكعب زي قلة الاوكسجين الامطار الملعب كعب لكن تعطل البص اول مره نسمع بيهو كعذر يعتبر من عناصر الاخفاق التي تؤثر علي اللاعبين دي جديده ياكامبوس يعني ممكن لماضة الكمساري تكون سببا لهزيمة الهلال الرائع طارق محمد عبدالله بصحيفة الهلال العملاقه كتب تحت عنوان ماذا دهي المعز انت ماعارف ياطارق ؟ المعز عندو اعراض مرض ام سادومبا العلاج ساااااهل دولارسايكولين عشره الف وحده مرتين في الشهر والراجل يبقي زي الحصان لو معدوم ادوهو يورودلياكتين سته الف وحده مرتين في الشهر لو مالقيتوهوا في شوامخ داخل التأمين فتشوهوا في المك نمر في بديل اسمو شيكو سايكولين ده خطير وماتدوهوا ليهو بجيب نتائج عكسيه مرض ام سادومبا معدي جدا وخطير ولكنه يستجيب للعلاج الصحيح بسرعه في علاج اسمو ارضياكوتين ده بالذات مابنفع مع المعز يستحسن الرجوع لدولارسايكولين فهمت ياطارق ! شفتوا كورة جزيرة الفيل انتوا ابوالهل مالوا مع الطرف الشمال امادو من نزل الملعب واحد قال ده كابوندي ! التاني قال ليهو كابوندي شنو ده امولادي وكلو محصل بعضو الطرف الشمال ده خلوهوا بور السنه دي يمكن يتحسن السنه الجايه كواريزما بدت تظهر عليهو اعراض مرض ام سادومبا المرض ده اليومين دي منتشر اسلام في المدرسه قالوا ليها باقي الرسوم وين ؟ قالت ليهم ابوي عيان قالوا ليها مرض ام سادومبا ده لسه ماخلي ابوك ؟ مازيمبي فاز بالسوبر مازيمبي ياخ بتاع ترحيلات الحتانه مازيمبي يا عابدين ادفن جزيرة الفيل تشكو الحكم للاتحاد الشكيه لغير الله ماسمحه يا جزيره جزيرة الفيل عرفناها تشكو للاتحاد العام الكنغو برازفيل تشكو لي منو الكضبه دي ! تحيه خاصه لمريخاب عطبره وام الطيور وللاخ محمد محجوب بارك الله في كاس الفلنتاين ومازال الزعيم هو بطل البطولات الجويه الرسميه والوديه الماهديه والحقيقيه المافيها شتله كنغوليه انتوا ما لقيتوا غير الكنغو دي ؟ بالمناسبه الانتخابات علي الابواب فرصتكم شوفوا ليكم زول يدخل ليكم النور والمويه ويعمل ليكم مدرسه وشارع زلط وادوهوا اصواتكم ده لو عندكم بطاقات شخصيه كان جمال عملها ليكم الله اكبر , ولو اعتذر الله اكبرولله الحمد سلك كهربا خالتي لي هسي بتزغرد والي لقاء سلك babikir maki [[email protected]]