بسم الله الرحمن الرحيم في السلك بعد كورة الغزاله اكتشفنا انو الغزاله ما الغزاله الغزاله سقناها من هنا معانا الغزاله سودانيه ما تشاديه الغزاله عرفتوها ؟ الغزاله نمره تلاتين النفطي ده في رشاقه اكتر من كده ! الله يحفظ من العين ويبعد العوارض يعني يسترنا من عيون العوارض يا عوارض بالغتوا عينكم بتودي التوج الله يسترنا خليل ابراهيم بعد شاف المريخ بعينو ما افتكر غيبتو حاتطول حصل يا دكتور الوطن خيراتو راااااقده يكفي انو وطن المريخ استعجل يا ابو الخل كورة الترجي ما تفوتك وتلاته كور داخليه في المجموعات ما تفوتك وكورة دوري الاربعه لازم تحصلها وكورة النهائي الاولي عشان التانيه بره جوووووووووووويه حصل يا دكتور الحق المولد الخرطوم انهزم في مصر انا خايف الفاتح النقر في المؤتمر الصحفي بتاع المباراه يكون قال المريخ ضعيف ولا يستحق الانتصار والتحكيم ساعده في الفوز علي فريقه تخندق السنه كلها يا النقر خندقة شوط واحد غلبتك ! ما شفت الخندقه الاصليه ! كان تلعب بالطريقه الكامبوسيه اتنين واحد فيهم يمين المعز في خط المرمي والتاني شمالو وواحد خلف المعز جوه الشبكه وتلاته قدام المعز والاتنين الجمب المعز واربعه بين المعز والاتنين الجمب المعز وبعد ده كامبوس طرف شمال جاري اكتر من رجل الخط خندقه بمزااااااج احمد عادل راس حربه في خط سته بتاع فريقو اتخندق صاح يا نقر كورة ساحل العاج دخلوها سبعه افراد بس ده استاد ولا امجاد وبعد ده قال ليك ندمانين علي القدر الوداهم الكوره قالوا بالرطانه آولي ماروري شاوفي فاروقي ساكوني خاطوطي ساتوتي يعني اول مره نشوف فريق ساكن في خط سته الزعيم واجع ناس الرشيد والزعيم واجعه ناس الرشيد الوجع كتر ياروشا اقلب وارتاح لكن بعد الطابق التالت المكان مليان حاليا والدليل الجمهور داخل الاستاد في تشاد قال ليك الفكي قفل وقال للنسوان ( مافي تريقه الليله ,خيره ما اندها تريقة نوم , خيره مساهره ورتينزات ما انكتبن الزئيم في امجمينا كان ما شفناهو وانجمينا ناس شمهروش ما بشتغلوا هم زاتهم دخلوا الكوره من اسرا بدري ) عظمه يا زعيم طالما الاستادات بتتملي فل في افريقيا اينما حل الزعيم يبقي الوالي مطالب ببناء طابق تاني في اي استاد افريقي حا يلعب فيهو الزعيم تعال ياروشا لابس اصفر بعد الطابق التالت اسمو طابق ايداهور قلنا حاناكل شاورما غزال بايدي حبشيه في تونس الخضراء البرنامج ماشي كويس الخوف من الحمصيه في الاسماعيليه بالمناسبه انا اسماعيلي من بدري شيخي العارف بالله الاستاذ اسماعيل الولي يعني ما اسماعيلي دور السطاشر بعدين لما تلقوني شايل لافته الاسماعيليه ما تلخبتوا ساااااي نيالا بالغت في اكرام المريخ وده طبعا طبعهم كرماء بس في مشوار كده في نيالا اتمني انو ناسنا يكونوا مشوهوا لانو كفانا خلاص مشوار مهم ولازم تظهر نتائجه سريع مشوار بفعل مرض ام سادومبا و ( مرت ) كركون حوالينا وماعلينا دايرين نطلع صحيفه نسميها زعيم افريقيا البلد طبعا في افريقيا الحله وافريقيا البلد وحانخلي اسم الحله لي ناس الحله عشان يطلعوا صحيفه يسموها زعيم افريقيا الحله ويلعبوا في افريقيا الحله هناك تجيهم مرت ( كركون ) تجيهم عشه ام ضنب ما بهمنا واحد قال لي الغزاله ده جبتوهوا من وين ؟ قلت ليهو من عواسا الاثيوبي وتمبو ناقص ال0000 هو تمبو ناقص بلدو وين ؟ اخير تشاد عندها عاصمه ومطار ورئيس ناس تمبو ناقص ديل قالوا بمشوا ليهم بالمراكب الري المصري بس وقالوا رئيس دوله ما عندهم اعلي رتبه عندهم رئيس لجنه شعبيه وحلوها زاتها يا الرشيد حاتبيع ولا نزود السعر ! بسعر الباقر بعت يا فرده ! كاااااااااااااااااااش ايوه كده , شوف مصلحتك بره حركه وطنيه بره حركه وهميه وبنخليك فيها عمودك في محلو بالاصفر حلات صورتك بالاحمر في العمود الاصفر حبيب بالاحمر والبلد بالاصفر تشرح القلب بيييييييييييييييع يا فرجاني خلينا نكسب الزمن في صفوه قالوا لي جيمي دايرين المشاهد عندنا شغل غيرك كتييييييييييير ايوه كده مبروووووووووووووووووووووك سلك كهربا لن ننساااااااااااااااااااااااااااااااااااااااااك والي لقاء سلك babikir maki [[email protected]]