بسم الله الرحمن الرحيم في السلك قبل كل شئ فات عليا ان اتقدم بالتهنئه لناس قون بمناسبة تدشين قناة قون الرياضيه اتمني ان تسهم القناة في اداء رساله رياضيه غير منحازه علي الاقل نقبل انحيازها فقط اذا ركزت علي حال الرياضه المحليه واقتحمت ملاعب المناشط المختلفه وفتحت ملفات الاتحادات الرياضيه واستضافت اهل الخبره من الرياضيين وعمدت الي ان تعمل علي ارشفة التأريخ الرياضي السوداني في شتي دروبه بعد داك لو مالت قليلا علي اللون الذي تحبه فمن حقها بس يارمضان جهزوا ميزانيه ضخمه للعمل عشان ماتبقي قناتكم زي قناة زول كلها غني حبشي يعني تفتح قناة قون تلقي كوره بين سانت جورج واواسا تفتحها تاني تلقي حبش جاريين في الاولمبياد تفتحها تاني تلقي منافسات الزغني ده طبعا مع احتراماتنا لقناة زول التي كنا نتوقع منها افضل من الذي نشاهده عليها انتوا قناة زول مكاتبها الرئيسيه في الديم ولا شنو ؟ الكلام للاخوه احمد البكري و هيثم وهدان ورفاق دربهم الرحله لكريمه كانت فهرسا يبين عظمة ناس وتطور بشر ومشروع رياضيين مبشر في كريمه مدينه اولمبيه زي المدينه في مرحلة التشطيب ستساعد حتما في احتضان الرياضيين من ابناء المنطقه وستخرج لنا ابطالا للعالم فقط اذا احسنا الاعداد والاهتمام بالنشئ في كريمه العريقه ارض البركل والحضارات القديمه منذ قبل التاريخ توجد انديه رياضيه تمارس الرياضه باهتمام يعطيها اهلها بقدر ما استطاعوا المريخ البركل شبا والهلال وغيرها تلك الانديه تحتاج لدعم مقدر ووقفة صلبه لمريخ كريمه مشاريع ضخمه تولدت عن عقول شباب نير يدير شؤن النادي وعلي المريخ الاب واجب كبير وعلي الرياضيين كذلك سنبدأ الدعم لاندية كريمه دون فرز وضربة البدايه مريخها وتتواصل الجهود لكل الحمر داخل المليون ميل اها اليومين دي الكلام كلو هجين حكام هجين للجماعه الطيبين من اولها كده ! انا خايف الفرق الافريقيه تطالب بحكام هجين ومراقبين دوليين (ملخبطين) بعناصر من الاتحاد الافريقي غايتو سمعتنا بقت عجيبه وكت من اسي هجين في المكرر جايبين شنو ؟ واحد من الجماعه قال لي الترجي كيف ؟ قلت ليهو قالوا اسأل مجرب ما تسأل طبيب دحين يا اخوي الستات كانن في راداس ولا في المنزه ؟ قال لي يعني شنو ؟ قلت ليهو في حتات خمسات وفي حتات ستات قال لي مافاهم قلت ليهو قاقرين نزل بين الشوطين في راداس ولا في المنزه ؟ قبل ما يجاوب قلت ليهو ترباس مشي يشرب في راداس ولا في المنزه ؟ سكت وعيونو رقرقت قلت ليهو قوم فرتق برا ترجي برا لمه المهم تحدثنا عن الترجي اكثر من اللازم امامنا هلال الساحل الكلام دخل الحوش يجب ان نعود من الثغر بنقاط شرعيه حلوه تزيد نقاط كادوقلي حلاوه جنبلاط عارف شغلو كويس بالمناسبه مصطفي جعفر يجد قبولا كبيرا من الصفوه والصفوه ما بتحب من طرف يلا يا مصطفي قمر اقصد جعفر بادلنا الحب بالحب والولاء قيمتك الصفوه وهي تهتف لك بريمه 0000 بريمه يعني نقول امادو ماسوووووووووووووووره ! معقوله امولادي وودالحله وامادو الطرف الشمال عندكم مسكون يا كافي البلا ؟ هليفه توليفه في الطرف الشمال وانطرد اقول ليكم اقلبوا الحركه يمين وارتاحوا بعت يا روشا ولا لسه ؟ اسي امادو ده لو مشي سوشو الفرنسي بتجيبوا منو ؟ تعالوا نديكم الزومه تلعبوا بيهوا المكرر بس وترجعوا لينا الراجل قداموا مجموعات قلنا ليكم الزعيم يخيف الترجي موش يخاف من الترجي مريخاب حمر كل الكتابات الرياضيه اتجهت لما اتجهنا له في عمودنا المتواضع بالزعيم تحت عنوان ده ما الترجي البنعرفوا شفتوا وارقو في الزعيم قال شنو ؟ شفتو طمبل في السوبر قال شنو ؟ شفتوا جمال ابو عنجه قال شنو ؟ قلنا ليكم مريخاب حمر احبكم المريخاب الصفر برضو احبكم تعالوا ناس حفلات ساااي يوم نتخطي الترجي حوض السباحه ماشي كويس لسه ما اتملي تلج حانكسر لمن يتملي بعد داك نشوف الجديد شنو ؟ خالتي جات ماشه جمب القلعه الحمراء شافت حوض السباحه قالت عملوا سد هنا ولا شنو ؟ اها قالت لي الشوارع فاضيه الحاصل شنو ؟ قلت ليها الانتخابات قالت لي 00 كدي 000 انشاء الله الانتخابات دي يعملوها كل شهر اتهجني سلك كهربا لن ننساااااااااااااااااااااااااااااااااك والي لقاء سلك babikir maki [[email protected]]
