بسم الله الرحمن الرحيم في السلك قالوا يوسف هوووووت جا ومعاهو وكيلو حمد الله علي السلامه لكن دايرين نسأل يوسف محمد موش وقع للهلال بي مسج ايام انجولا ؟ طيب ويوسف محمد لما وقع اصبح لاعب هلالي ؟ طيب ويوسف محمد لما وقع عارف روحو وقع بي كم ؟ طيب الوكيل جا لي شنو ؟ الوكيل بجي مع اللاعب لاكمال الاتفاق عشان الوكيل بفاوض انابه عن اللاعب يبقي الوكيل لو جا عشان يادوب يفاوض يبقي مجدي لازم يعمل ( دليت ) للمسج السجل بيها يوسف محمد قبل مايعمل (ري بلي ) لعملية التسجيل الجديده وامولادي برضو سيرتو بتجي معا يوسف محمد امولادي تتأكدوا من ( الدليت ) اذا مامعموله تعملوها تدخلوا القائمه تختاروا الاسماء تجيبوا اسم امولادي تضغطوا خيارات بتفتح ليكم نسخ الاسم مسح الاسم نقل الاسم اضافه لمجموعه تعديل الاسم بحث تحديد خشوا مسح الاسم بتديكم خيارين دليت الاسم ودليت الرقم انتوا اختاروا دليت كل محتويات امولادي عشان تتخارجوا من الحته دي وارجعوا لي خيار اضافه لمجموعه اضيفوهوا لي مجموعه الطرف الشمال ( الطرف الصناعي ) وارجعوا لي نفس الخيار وضيفوا امادو بعد داك اضغطوا علي زر تم واعملوا باك 000 باك 0000 باك 00 لما ترجعوا خط سته اقصد للشاشه اها نرجع لموضوعنا سمعنا تحت تحت قالوا سادومبا مسافر مسقط راسو مسقط راس سادومبا ده اتخيلوا يكون قدر كيف ؟ الراس الكبير ده بكون من مواليد الخلا والمثل قال الخلا ولا الرفيق الفسل والرفيق الفسل ممكن يكون عندوا كتيييييييير لكن مابدفع تعال يا سادومبا للرفيق المافسل حلالالالالالالالالاتك بالاحمر حلات الرويس ده والنجمه قاعده في الصدر قالوا في زمبابوي في حلاق حاسب سادومبا بي تلاته ريسين الحلاقه عندهم حسب القوانين المحليه بتاعتهم بالمساحه البلد الواسعه اولادها بتكون ريسينهم كباااااااااااار الراس حسب مقاس المسقط ماشفتوا الامريكان ديل ريسينهم (غلاد ) كيف بلدهم كبيره خلاس كم وخمسين ولايه اسي نحنا لو شققنا ولاياتنا دي كل ولايه شقيناها علي ولايتين ريسينا بتكبر مصعب عمر اب راسا صغير ده راسو يبقي اكبر من راس السنه وده ما الموضوع الموضوع قالوا سادومبا ماشي مسقط راسو وقال هزيمة كابس يونايتد علي مسؤليته دي تكتبها كيف ياحسين ؟ وفد مقدمه محترم سادومبا والحاجه ام سادومبا سجمك يا كابس يونايتد ناس قبال ماتركب دلدلت كرعينا قالوا كلنا في الهواء سوا كونفدراليه كدي اتأهلوا للكونفدراليه بعدين دلدلوا رجلينكم ابو ماسوره الله لا يريحك تخيلوا الاستاذ ياسر عربي المحامي الصفوه يوم كورة الامل حصل ليهو حادث بشارع مدني وهو الآن طريح الفرا ش تمنيات الصفوه لك بالشفاء يا ياسر لكن يا ابو ماسوره عملتها ظااااااااااااااااااهره الليله الجمعه قراية سورة الكهف سمحه اوصيكم بها ياصفوه هلالابي قال لمريخابي ده شنو ؟ الصفوه قال ليهو ده حوض السباحه الهلالابي بلع ريقو وقال سباحه في السخانه الماسكانا دي ؟ المريخابي قال ليهو ياتو سخانه الماسكاكم ؟ الفي الجو ولا الفي الجيب الهلالابي قال ليهو الاتنين المريخابي قال ليهو بنساعدكم تعالوا حوض السباحه ونحل ليكم سخانة الجو لكن سخانه الجيب (نو ) و (نهي ) و (ني با ) و ( كو ) وابييييييييييييييييييييييييييييييييييييييييييييييييييت جمعية صلاح سعيد مانسيناها العمل التحضيري ماشي كويس زي حوض السباحه قريبا علي مسرح الواقع بارض الحضارات جمعية الاصلاح اها امس كانت سماية مولود الاستاذ احمد محمد احمد كلمني بالتلفون قلت ليهو سميتو منو ؟ قال لي رماح واسم الدلع جمال اتدلعي ذكرني اخونا مريخابي قبل اربعه سنوات جابوا ليهو ولد سماهو جمال واسم الدلع الصاعقه قلت ليهو سمي روحك منشار اسي يوسف محمد مسجل ولا لسه ما سجل ؟ الاجابه دي يوسف ذاتو ماعارفه ياربي في هلالابي سمي صلاح ؟ كدي ابدأ انت يا الرشيد بيع ياراجل بقت بجنيه سلك كهربا ايداااااااااااهو , اسم يمتع اللسان ويطرب الآذان والي لقاء سلك babikir maki [[email protected]]
